Éxodo 24:15 - Dios Iwene

¹⁵ Ikenama, Moisésma nöchijetö mö'ösa'o wa̧pekwaobekwö. Jobema ojwiyo'wo li̧jetö, mö'ösa'ö wa̧pekwaobe.

Éxodo 24:15 Referans Kwoze

Éxodo 19:9

Ikenama, Isabenö Jo̧ma jö̧ba̧lijetö Moisésnö: —¡A̧ja̧kwitjö! Ötjöma ojwiyo'wo böa'wo okwa öwawachibö ja'wotjöda yöta̧locha ökwönöma. Ökwönö yötali̧da jojodöma tja̧ja̧kwakobe. Jejenö tja̧ja̧kwobetjö̧ jemi tupakwöma ökwö yökawi̧ma ba̧kwȩlö̧jatebö tjösödakwedö, Jweinö yöbawo̧, jö̧ba̧lö, ötjö yöta̧li̧da tja̧ja̧kwobetjö̧— yöbawijetö Isabenö Jo̧ma Moisésnöma. Ikenama Moisésma mö'ösa'obetjö yutubajö jojodönö Isabenö Jo̧ yöawaja̧ yöbawijetö. Yöawaja̧ ikena, yemidanö nöchijetö, jojodö tjatadaja̧ yöawobö Isabenö Jo̧nöma.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

Éxodo 19:16

Ja̧danö, ja̧ möletjö dötölataja möle baledajena, dewachenama böba labinö ökwödijetö, ja̧danö, jwiinö nebödanö kwabawijetö. Ja̧danö, ojwiyo'wo yȩa'wo lo̧be mö'ösa'onöma. Ja̧danö, obeja i'yekanö pjuawama labinö ökwöijetö. Jejenö, böba, nebö kwaawobe, ojwiyo'wo yȩa'wo lo̧be, pjutji̧ labinö ökwöobe balediawö̧ jwiinö yebabinö tjö̧bawijadötö okobe deinö Israel jojodöma.

Éxodo 24:16

Ja̧danö, jobe wa̧pekwaobema Isabenö Jo̧ salöinö idejati̧ma i̧sekwijetö. Okobe deinö Israel jojodöma jobe möakwö edinö, Isabenö Jo̧ salöinö dejatö i̧sekwi̧ma ubi̧danö ubinö edijadötö, okobe jwiinö jobe ubinö. Ja̧danö, mö'ösa'o wa̧pekwaobema ojwiyo'wo li̧jetö jelemutjö bakwöta möle baledibanö. Jemi ikenama, jelemutjö dötölataja mölema ja'wotjö jwö̧bijetö Isabenö Jo̧ma Moisésnöma.

Éxodo 19:20

Ja̧danö, Isabenö Jo̧ma jwibachibö ja̧matijetö mö'ösa'o wa̧pekwa'onö. Yutubajö jwöbijetö Moisésnö, chö̧jobekwö nöchi, jö̧ba̧lö. Jwöökwe nöchijetö Moisésma, Isabenö Jo̧ ö̧jobekwö.