Éxodo 22:25 - Dios Iwene

²⁵ Ju'wi wanedö yötawa: Ötjö chömöledötjö jwibo̧nö balada kwöbalewaduwitjö̧ma ja̧ kwöbalewaduwaja̧ bajalekwönönö imidoma akeba̧laduwoko. Ju'wedö balada balewadöma jejenö sulabenö atjebali̧danö akeba̧laduwoko.

Éxodo 22:25 Referans Kwoze

Proverbios 28:8

Ju'wibi yötawa, wanedö: Bakwo̧ balada balewo̧ma, öbalewajawö̧nöma bajalekwönönö tjebatö tji̧midobö aebobe. Jobekwö aebobetjö̧ nöinö balada emobe, balada luwo̧ baibanö. Isabenö yötawa: Ju'winö jo̧ba u̧kwa baladama jelo̧ ujuna̧lakobe, balada jwibadönö lȩ lö̧jinö edö pjabato̧da.

2 Reyes 4:7

Kabataju, Dios yöawi̧ yöbawo̧ Eliseonö yöjawobö ji̧'yinobe, ja̧danö yöjawökwe, —Mikwanö ja̧ o̧te kwiyo, ja̧danö iyaju kwumusidi kwimido. Ikenama, ökwöbi, kwitji̧mubi ja̧ ji̧baja̧ baladanö kwö̧jaduwo, —jö̧ba̧lö weinobe.

2 Reyes 4:1

Ju'wi möle, Dios yöawi̧ yöbawadötjö̧ bakwo̧ wobö ujunibinokoma Eliseo öba a'o ichibö budekwö yöja̧linobe: —Chuluwo̧ Eliseo, kwömöayo̧bina chilekweminema ökwö kwöwaisinökwe, Isabenö Jo̧ Diosnö isabenö yebabinö ösödina jö̧ba̧lö, jö̧tö? Ina 'yaalayi, jelo̧nö umusidinobe chilekweminema, ja̧danö dumusidina dimidiökökwe, umusidinökwema chitji̧mu du̧ju̧tajanö 'döbebö ichakobe, iteda ömöayedö batjibakobetjö̧, —jö̧ba̧lö.

Lucas 19:23

Jejenö kwomukwatitjö̧ma ¿tajawedö balada lödawejunö kwödinököda, chȩwa̧jenama, ajayi chiyina baladakwö, balada lödawejutjö tjiyi̧ baladakwö nöachibanö chemakobetjö̧? Ökwöda yöba̧lö öwaetjöda kwi̧sebajabe chömöayo̧ sulabo̧ kwö̧ji̧ma, jö̧ba̧lö atadinobe uluwo̧ma.

Mateo 25:27

¿tajawedö chiyina baladanö kwotidinököda? Balada lödawejunö kwödo jö̧ka̧linobe, chȩwa̧jenama, ajayi chiyina baladakwö, balada lödawejutjö tjiyi̧ baladakwö chemakobetjö̧, jö̧ba̧lö atadinobe la'aka luwo̧ma.

Deuteronomio 15:7

—Baikwö yötawaduwakwö chömöledö, jweinö kwomukwataduwakwa̧ma: Kwuluwo̧duwi Isabenö Jo̧ Dios iyakwa̧ nijinö kwö̧jaduwena, kwiteboduwitjö ju'wi comunidad jojo jwibö ö̧jitjö̧ma, dösölö̧jinö pjakataduwo kwömöledöso̧ israel jojonö. Jau chömöledö, lȩlöinö edökönö, a̧'dȩlö kwö̧jaduwoböma jwiakobe,