Éxodo 22:2 - Dios Iwene

^2-4 Ja̧danö, bakwo̧ naukwabo̧ma bakaya, obeja, bulu önaukwajwökwema ina jo̧bakwö ja̧nö 'yaba̧lo̧ ö̧jitjö̧ma, naukwabo̧ma önaukwajökwenö tjeatobö jo̧be a̧ji̧kwo̧nö. Ja̧danö, önaukwajökwedamaökö, jelo̧nöbi iyobö jo̧be, dujutajanö önaukwajökwe a̧ji̧kwo̧nö. Isabenö, a̧ji̧kwo̧ ajwi mikwa baibanö iyobö jo̧be. Jo̧kwaijayonö naukwabo̧ma jelo̧nö iyobö waitjö̧ma, chujuna̧lökökwe, jö̧ba̧lö, naukwabo̧ ömöledöma naukwabo̧nö mikwanö iyö lotjobö jo̧be, jelo̧ ömöayo̧ baibanö. Ja̧danö, ömöledöma naukwabo̧nö tjiyaja̧ baladama önaukwajökwe a̧ji̧kwo̧nö tjiyobö jo̧be, ajwi mikwa baibanö. Ja̧danö, ju'wi wanedö yötawa: Bakwo̧ eju luwo̧ma yö̧te ja'ö iteda ejunö önaukwobö tebacho̧nö kwaökwe ö'wöchitjö̧ma luwo̧nöma lȩtjebökakobe, wene jwiya, jö̧ba̧lö. Jo̧kwaijayonö mölȩda önaukwobö tebacho̧nö kwabö loitjö̧ma lȩtjebobö jo̧be, wene ujuna̧la, jö̧ba̧lö— webijetö Isabenö Jo̧ma Moisésnö, weawa wene ujunobö Israel jojodönö.

Éxodo 22:2 Referans Kwoze

Mateo 24:43

Baikwö wanedö yötawa chömöledö: O̧do uluwo̧ma naukwabo̧ tebachö önaukwakwa̧ hora öwaisitjö̧ma, abökönö ite'ada̧lena, naukwabo̧ tebachö önaukwapji jö̧ba̧lö, ¿jö̧tö?

Diosnö ösödo̧ Job mikwo̧ usula emawina jawa 30:5

Jobadöma ju'wedö comunidadtjö a'dewö lotjawö̧, –Naukwabidö, –jö̧ba̧lö, jojodö tjö̧jelö a'dewö lotjawö̧. Jobadö inesö usula emawadöbi ötjönö otjobe babema.

Diosnö ösödo̧ Job mikwo̧ usula emawina jawa 24:14

Jau, ina yȩayi, jojodönö kwabawö lobo̧ma a̧la̧ibö usulasedönöbi, jwibadönöbi kwabö lobo̧, yöte naukwabo̧ ju̧kwawinö kweachi̧danö kwebachadö jobadö sulabedöma.

1 Pedro 4:15

Chömöledö, jelo̧nö kwabö lobajadö usula kwemawaduwitjö̧ma, ja̧danö ju'wi jaye naukwajadö usula kwemawaduwitjö̧ma, ja̧danö sulabenö ja̧bajadö usula kwemawaduwitjö̧ma, ja̧danö wene baibobö sulabenö yöba̧lajadö usula kwemawaduwitjö̧ma, ja̧ma taba lö̧ji̧ chömöledö, sulabenö ja̧köbaduwobetjö̧.

Diosnö ösödo̧ Job mikwo̧ usula emawina jawa 24:16

Naukwabidöbi möle öpöjödö, yöteda ösödadö, yö̧tema ju'wedö tjejubiya tebachö naukwabidö, jo̧kwiajayonö mölema labebökönö idöda tjejubiyanö ju̧kwadö.