Éxodo 20:15 - Dios Iwene

¹⁵ Ja̧danö, ju'wibi wetaduwakwö: Kwönaukwaduwoko.

Éxodo 20:15 Referans Kwoze

Romanos 13:9

Biya̧ wene labebö lobö yötawa chömöledö. Damötjö Diosma Israel jojodönö weinobe, ¿jö̧tö? Baikwö laebobe Dios iwene, Israel jojodönö weinama: Kwilekwobökujukwöbi sulabenöma ja̧köbaduwa. Kwilekwebö̧kö̧kwöbi sulabenö ja̧köbaduwa. Jelo̧nöbi kwabö loköbaduwoko. Kwönaukwaduwa. Kwömöledöso̧ iteama ö'wiabinö kwedaduwa, jö̧ba̧lö weinobe Israel jojodönöma. Ja̧danö, ja̧ Dios weina jawa abe'dodanö weinama jelobe laeba, baikwö laebobe Dios iwene: Ökwöda kwösödakwawi̧danö, kwömöledönö kwösödo, jö̧ba̧lö laebobe Dios iwene. Ja̧danö, ökwöda kwösödakwawi̧danö ju'wedönö ösödö kwö̧jitjö̧ma, okobe jwiinö yötawaja̧ Dios weina jawabi, ju'wi Dios weina jawabi ja̧bö kwö̧jena, ¿jö̧tö? Bakwo̧nö kwösöditjö̧ma, ¿jo̧banö suli̧ waedö ja̧köbenaji̧? Ja̧köbökena, ¿jö̧tö? Jo̧kwajabetjö̧, tjömöledönö ösödö ju̧kwadöma, okobe jwiinö ju'wi Dios weina jawabi ja̧bö ju̧kwadö.

Efesios 4:28

Ja̧danö, ökwödötjö bakwo̧ naukwabo̧ma naukwabikwawatjö kabatibö, Otiwanö chotido, jö̧ba̧lö, itedada naukwabökönö u̧kwa emawabi, jwibadönö iyöbi iyö ö̧jobö jö̧ba̧lo̧.

Mateo 19:18

Yöawökwe: —¿Dios weinatjö diya̧ ja̧bö chö̧jobö?— jö̧ba̧lö aebökwe, Jesúsma atadinobe: —Jojodönö kwabö lobökönaduwi Dios weinabi, kwilekwobökujukwö ja̧bökönaduwi Dios weinabi, naukwökönaduwi Dios weinabi, jojodö ja̧tji̧ omöna yöbawökönaduwi Dios weinabi,

1 Corintios 6:10

ja̧danö naukwabidöbi, ja̧danö idöda tjemotö jö̧ba̧lö isakwadöbi, ja̧danö 'dukwachinö owa̧ladöbi, ja̧danö ju'wedönö sulabenö yöba̧ladöbi, ja̧danö tjönaukwotö jö̧ba̧lö omöna yöba̧ladöma Dioskwö ja̧nö luwedö batjibökakwedö chömöledö.

Juan 12:6

Jejenö jö̧a̧lijayonö Judasma usulasedönö pjaatoböma omukwatinokobe. Itedada emobö omukwatinobe, naukwabo̧obetjö̧. Jo̧bama ömöledö tju̧kwa balada te'ada̧lö jo̧obetjö̧, itedada ösödena baladama emiainobe, balada anawapjotjö.

Proverbios 11:1

Salomónma ju'wi jawa, ju'wi jawabi jwebebö yöawakwawa jawanö wanekwachi̧ma baikwö laebobe: Wanedö yötawa: Bakwo̧ tea luwo̧ma tea önobe ömöki̧ nönawapinö. Jo̧ba tea iyo̧ma iyawö̧nö önaukwotö jö̧ba̧lö ömöki̧ nönawapi̧nö, ö'öbönöda i̧sekwapinö tea önobe, jweinöda i̧sekwapi̧maökö. Chömöledö, jobekwö nöno̧nöma jwiinö öpöjödobe Isabenö Jo̧ma. Jo̧kwaijayonö Isabenö Jo̧ma jweinö i̧sekwapi̧nö tea nönö iyo̧nöma jwiinö ösödobe.

Deuteronomio 24:7

—Ju'wibi yötawaduwakwö chömöledö, kwömöledöduwi israel jojodönö do̧batö kwönaukwaduwobö jwiobe. Ökwödötjö bakwo̧ ömöledöso̧ israel jojonö do̧batö, iteda ömöayo̧ baibanö önaukwitjö̧bi, ju'wedö tjömöayo̧ baibanö mikwanö iyitjö̧bi, jejenö jojonö naukwabo̧nö kwabö loköbaduwobö ja̧kobe. Jejenö ja̧awama inesö suli̧ chömöledö, ja̧danö jojodönö naukwabo̧nö kwabö lobö, kwö̧'da̧deduwitjö ja̧ inesö suli̧ dichö loköbaduwena.

1 Tesalonicenses 4:6

Ja̧danö, kwöjawo̧duwinö suli̧ waedökönaduwi, jo̧ba ilekwonö sulabenö ja̧böma. Jau chömöledö, belö jweinö lȩdebijatö ökwödönö, jejenö ja̧badönö isabenö lȩbebo̧ Duluwo̧ma jö̧ba̧lö.

Mateo 21:13

Jejenö a'dewo lobö, Jesúsma jobadönö yöawinobe: —Dios iwenesa'yetjö Dios yöawi̧ laebobe: Dios ejuma, Diosnö aekweju jö̧ba̧lö ötjabikweju, jö̧ba̧lö laebobe, jo̧kwaijayonö ökwödöma naukwabidö tjejudanö waedadöja, jo̧kwajabetjö̧ ökwödö naukwabidönö a'dewö lotaduwakwö— jö̧ba̧lö yöawinobe Jesúsma.

Éxodo 21:16

Ja̧danö, ju'wi wanedö yötawa: Bakwo̧ma jojonö do̧batibö töbebö jelo̧nö midö iyitjö̧ma jo̧ba iyo̧nöma kwabö lotjobö jo̧be. Ja̧danö, ina midö iyökönöbi jo̧ba do̧atajökwenö ina do̧batibö töbebajo̧kwö kwöbadekwajaduwitjö̧ma töbebajo̧nö kwabö loköbaduwobö jo̧be.

Mateo 15:19

Jau chömöledö, okobe jwiinö sulabenö tjomukwati̧ma, tjomajadetjö laebi̧, jojodönö kwabö lotjobö tjomukwati̧bi, tji̧lȩkwa̧muböködökwö sulabenö ja̧awa ja̧danö ju'wibi sulabenö 'da̧'da̧akwawa ja̧awa ja̧tjobö tjomukwati̧bi, tjönaukwobö tjomukwati̧bi, omöna yötja̧lobö tjomukwati̧bi, jojodönö sulabenö yötja̧lobö tjomukwati̧bi.

Deuteronomio 5:19

–Ja̧danö ju'wibi wetaduwakwö: Kwönaukwaduwoko.