Éxodo 2:22 - Dios Iwene

²² Ja̧danö, jobujuma ju'wi mölȩ metu'wo ji̧jotö. Ja'wo metu'woma emijotö, Moisés itji̧nö. Moisésma jemajökwenö midö: —Ötjöma jelobetjö ichö ju'wedö tjitebonö chö̧jobetjö̧ bite chitji̧nö chimida, Gersón jö̧ba̧lö— midö jö̧ba̧lijetö.

Éxodo 2:22 Referans Kwoze

Hechos 7:29

Jejenö jö̧a̧liökwe Moisésma döbibajijetö Madián nijibe, ju'wedö tjitebonö ö̧jobö. Jobetjöma ilekwonö emijetö. Jobetjöbi i̧tji̧munö, ömadö du̧ju̧tajanö 'yabebijetö— yöbawijetö Estebanma.

Éxodo 22:21

Ju'wi wanedö yötawa: Jelobetjö ichinadönö, kwiteboduwinö ju̧kwadönö sulabenö ja̧köbaduwoko, ja̧danö, usula tjemawinö weköbaduwoko. Kwomukwataduwo: Ökwödöbi jelobetjö ichinadö kwö̧jinawobe Egiptonö.

1 Crónicas 29:15

Jau chuluwo̧, bemi nijinö ja̧nö, kwöba a'otjö jelobetjö ichajadödanö ichekwadösa, da'dödö tjichejekwinadanö ichejekwadösa. Lekwe möle bö̧jȩnö jö̧ködösa, bö̧jȩnö dö̧ji̧ma sule isada̧lidanö ichejekwobe, ja̧danö ö'wö babibökönö lekwe möle dö̧joböma juluwöködösa.

1 Crónicas 16:20

Ja̧ möle a̧dekwanö tjitebo jwibadö ja̧nö, ju'wedö tjitebobebi, ju'wedö tjitebobebi kwebachö tjö̧jinobe, jelo̧ la'aka luwo̧ yöbawö ö̧jobekwöbi, jelo̧ yöbawö ö̧jobekwöbi.

Éxodo 2:10

Ju'winö tjemuma tjo̧wi̧ pöe baibajenama ojo'doma faraón itjijunö iyö 'yi̧jotö jo̧banö, faraón itjiju jitji̧ baibanö. Faraón itjijuma midijotö tjemunö, Moisés, jö̧ba̧lö, ojwetjö tötebajökwe, jö̧ba̧lö.

Génesis 23:4

—Ötjöma jelobetjö ichina ökwödökwö jo̧sa. Ja̧danö atebaduwakwö: Mikwanö kwiyaduwotjö niji, chilekwonö chödo— abebijetö Abrahamma.

Éxodo 4:20

Jo̧kwaobetjö̧ Moisésma ilekwonö, i̧tji̧munö bu̧lu̧dö tjoma'a wamenö wanibö öbibö ȩwa̧jijetö Egiptobe. Ja̧danö, otokwa'o, Dios, do̧balö kwi̧'yo, jö̧ba̧lö weina'o ömamunö do̧ba̧lö ȩwa̧jijetö Moisésma.

Jueces 18:30

Ja̧danö, Dansaso jojodöma Micaias otidinökwe o̧'wo jawa jobe tjitebo comunidadnö tjujuninobe, idöda tjösödökwe baibanö. Ja̧danö Levisaso jojoma tjö̧'da̧de pjabato̧ ö̧jinobe. Jo̧ba Levisaso jojoma Jonatan mikwo̧, ja̧danö jo̧bama Moises itji̧ Gerson mikwo̧ itji̧ tupadanö jojo. Ja̧danö, Jonatanbi, itji̧mu tupadanö jojodöbi jobe tjö̧'da̧de pjabatadö tjö̧jinobe, bajalianö israel jojodö tjöpöjojodöma israel jojodönö juluwö, tjitebotjö labebö tjemenanö baibanö.

1 Samuel 1:20

ja̧danö jemakwa̧ mölȩ badekwachenama, jitji̧ iso̧nö jeminobe. Emaju, Samuel jö̧ba̧lö jimidinobe jitji̧nö, —Chitji̧nö atebiökwe, Isabenö Jo̧ma a̧ja̧kwö bitenö iyajabe, —jö̧ba̧lö.