Éxodo 19:18 - Dios Iwene

¹⁸ Sinaí mö'ösa'oma okobe jwiinö imiyu'woda li̧jetö, Isabenö Jo̧ mö'ösa'onö ökwöla nöola ubi̧danö jwiachajabetjö̧. Ubi̧ma labinö kaamijetö ökwöla ubi̧ kaamidanö, letiyatjö otikwa juawakatjö ökwöla ubi̧ kaamidanö. Ja̧danö, okobe jwiinö mö'ösa'oma labinö tjö̧ebijetö.

Éxodo 19:18 Referans Kwoze

Jueces 5:5

Damötjö̧ Sinai mösa'otjö iteda ujulu i̧sebinama Isabenö Jo̧ Diosda, ja̧danö jo̧ba ökwödö israel jojodö dösödökwe Isabenö Jo̧ Dios öba a'otjö, mösa'ijuma tjö̧awinobe, duluwo̧ma jwiinö juluwo̧obetjö̧.

Apocalipsis 15:8

Ikenama, Dios eju okwama imiyu'woda lo̧be chedijatö, Dios ö̧ji̧bi, Dios ujulubi i̧sebö. Ja̧danö, jeju okwa teachakwawama jwiobe, ángelesdöma jojodönö inia tjötjinö ja̧bö katjatenanö baibanö.

Éxodo 3:2

Ja̧danö, baikwö baledijetö: Isabenö Jo̧ma ángeldanö ichejekwo̧ öwawachijetö Moisésnö, ösötje okwatjö ökwöla ubi̧danö ubinö. Moisésma jötje edinö ¡ayö! ötjema ubijayonö ubö lokötjeda ja̧, jö̧ba̧lö eda̧lijetö.

Génesis 19:28

Sodomakwö Gomorrakwö okobe jwiinö niji ba̧ba̧lawobekwö edemi imiyu'woda nijitjö kaamijetö, isa'wo nöa'wo ubajobedanö.

Deuteronomio 33:2

baikwö: —Sinai mösa'otjö Isabenö Jo̧ma ichö, ökwödö israel jojodönö yöawinobe. Ökwödönö ichö yöawina baikwö wanedö yötawa, möle jawo̧ dewachö, Seir mösa'otjö kabekwö dewobedanö, ja̧danö Paran mösa'otjö dewobedanö, otiwanö ökwödönö yöbawö ichinobe. Iteda ömöayedö angeledö diez milbedökwö ichinobe, ja̧danö ichenama, ömamu öwaisobekwöchobesamunö dejatinö ubola ökwöla kweatinobe.

Deuteronomio 5:22

—Jau chömöledö, jobekwö laebobe Isabenö Jo̧ yöawinama, okobe deinö ökwödö israel jojodö mösa'o badeibö kwö̧jaduwenama. Jejenö yöawenama, ojwiyo'wo li̧nobe, ja̧danö inesö yȩa'wo li̧nobe, ja̧danö ökwöla okwatjö, kwa̧ja̧kwa̧laduwonö iwene labinö ökwöinö ja̧ domulataja weawa ökwödönö webö yöawinobe. Ja̧ domulataja jawada kwa̧ja̧kwala̧duwonö yöawinobe, ja̧danö ju'wibi döbalataja inawiyanö i̧wȩyudinobe, ja̧danö wȩyudajo̧, ötjönö iyinobe.

Hebreos 12:26

Ja̧danö, damötjö Diosma iteda wei̧ yöawena ja̧'o mö'ösa'oma labinö tjö̧ebinobe. Jo̧kwaobetjö̧ chömöledö, ökwödö dö̧ji̧ma Diosma yöbawö ujuninobe, Yemidanö tjö̧ebobö wetakwo̧sa, jo̧kwaijayonö böjȩdamaökö, mölejȩbebi, jö̧ba̧lö.

Isaías 6:4

Jobekwö labinö yötja̧lenama, Dios eju la'aka tjöawinobe, ja̧danö imiyu'wo su̧'bȩ baibinobe Dios ejuma.

Génesis 15:17

Ja̧danö, jawo̧ meajena jwiinö yȩatibajena, Abramma baikwö edijetö: Omönanö öwawobe uliyu ubajayubi, ja̧danö, öjiya ubi̧ öjiyabi edijetö. Ja̧yu uliyu ubajayu, ja̧ja öjiya ubi̧ öjiya Abram 'da̧chawö ödajawö̧ wobadö tjö̧ba̧jemi 'da̧denö 'ya̧nö baledobe edijetö.

2 Pedro 3:10

Jo̧kwaijayonö Duluwo̧ma lekwe ite'ada̧lijayonö, isabenö yemidanö ichakwo̧ chömöledö. Ja̧danö wanedö yötawa, naukwabo̧ ju'wedö tjomukwatokonö tebachö önaukwi̧danö, jojodö jo̧ba ichakwa̧ tjomukwatokonö ja̧ inesö lȩebakwa̧ möle baibakobe chömöledö. Ja̧danö, ja̧ baibenama, labinö ökwöobetjö mölejȩma jwiinö baibakobe, ja̧danö mölejȩnö la̧jadöma ökwölanö ubö jwiinö baibakobe, ja̧danö böjȩbi, okobe jwiinö böjȩnö ji̧bi ubö jwiinö baibakobe. Jau chömöledö, obadö ichökena jö̧ba̧lö otjijayonö, isabenö ichakwo̧ Duluwo̧ma.

Hebreos 12:18

Chömöledö, böjȩnö ja̧nö Diosnö ösödö jwaikwöda kwi̧'yaduwobö jo̧be, kwömöledökwö wene jwiinö kwö̧jaduwobö isakwö, sulabenö ja̧bökönö. Jejenö Diosnö kwo̧'wo̧ luwo̧duwinö dötewinö kwö̧jaduwobe, jo̧ba ö̧jobekwö ichibö. Ja̧danö kwöwaisaduwa, damötjö da'dödömine, Moisés öibinawö̧ Dios ö̧jobekwö tjichibinama, ökwödö babe möle Dios ö̧jobekwö kwichibaduwi̧danömaökö. Jobadö Dios ö̧jobekwö tjichibinama, böjȩtjö mö'ösa'o, tjeda'o jo̧bekwöda tjichibinobe. Ja̧danö chömöledö, jobadö Dios ö̧jobekwö tjichibinama, yelösöda jwiinö labobekwö tjichibinobe. Jobema yȩböbi yȩinobe, ichibadöma yetjaibanö. Ja̧danö, mö'ösa'o tjichibaja'oma jwiinö labinö ubi̧danö ubö ji̧nobe. Ja̧danö, jwa̧lȩ'ewöbi labinö jwa̧lȩ'ewinobe jobema. Chömöledö, jobadö Moisés öibinawö̧ Dios ö̧jobekwö tjichibinama yelösöda labinobe.

2 Tesalonicenses 1:8

Diosnö wajwibadönö lȩebo jö̧ba̧lö, ja̧danö Duluwo̧ Jesús jawa otiwa jawa wene öpöjödadönö lȩebo jö̧ba̧lö.

Mateo 24:7

Ja̧danö, ju'wedö tjitebo jojodö, ju'wedö tjitebo jojodökwö kwakwabakwawö tjölakwabikwawakobe, ja̧danö bakwo̧ la'aka luwo̧ ömöayedökwö, jelo̧ la'aka luwo̧ ömöayedökwö kwakwabakwawö tjölakwabikwawakobe, ja̧danö jelobetenia a̧wi̧chi̧ ja̧kobe, ja̧danö niji tjö̧awakobe.

Éxodo 20:18

Ja̧danö, Israel jojodöma böba ökwödi̧ a̧ja̧kwijadötö. Ja̧danö böba nei̧ edijadötö. Ja̧danö obeja i'yeka pjuawa labinö ökwöi̧bi a̧ja̧kwijadötö. Ja̧danö, Sinaí mö'ösa'o ökwöla imuyu'wo lo̧obe edijadötö. Jejenö baledi̧ edö jwiinö yebaibijadötö, tjö̧bawinö. Jo̧kwaobetjö̧ mö'ösa'o la'akatjö ödönönöda ja̧nö

Éxodo 19:13

Bakwo̧ jojobi, jojodö tjajwibi mö'ösa'o mabo̧nöma jo̧banö mabökönöda inawiyanö ikwawöda ja̧danö, nayununö 'böböda kwabö loköbaduwobö jo̧be. Jo̧kwaijayonö obeja i'yekanö pjuawa labinö ökwöenada mö'ösa'o la'akakwö tjichoböma otiwa. Jejenö yökawodönö— webijetö Isabenö Jo̧ma Moisésnöma.

2 Tesalonicenses 1:7

Jo̧kwaijayonö ökwödö Tesalónicanö ju̧kwadönöbi, ökwödönöbi usula demawi̧tjö dö̧jibinö ja̧akwo̧ Diosma, Duluwo̧ Jesús mölejȩbetjö ichö öwawachenama. Jau chömöledö, Duluwo̧ Jesúsma iteda ömöayedö ángelesdö juluwadökwö öwawachö ichakwo̧. Ja̧danö, ökwölakwö ichakwo̧,

Apocalipsis 9:2

Ja̧danö, jo̧ba sili'idanö ichejekwo̧ma, jaju apjude po̧ebemi lajutjö imiyu'wo nöinö kaamobe chedijatö. Jejenö nöinö kaamobetjö̧ ja̧wo̧bi, möbi okobe jwiinö yȩatibobe chedijatö, ja'wo imiyu'wotjö.

Génesis 11:5

Ikenama Isabenö Jo̧ma mölejȩbetjö ichijetö tjotidobe edö, tjuju̧kwemi comunidadbi, o̧do möejubi.

Éxodo 19:17

Ikenama Moisésma Israel jojodönö tjö̧jemitjö öbibö 'yi̧jetö Diosnö tjedobö. 'Ya̧jadöma mö'ösa'o la'akanö jamatijadötö.

Éxodo 34:2

Jo̧kwaobetjö̧ itekwayi yȩayi wiluibö bi'o Sinai mikwa'o wa̧pekwa'obe kwönöcho, jobe ja̧nö ötjönö kwite'ada̧lobö.

Deuteronomio 5:4

—Jau chömöledö, ja̧ möle döbabiyakwena yöda̧lakwawi̧danö, mösa'otjö iwene ökwölatjö ökwöinö ökwödönö yöawinobe.

Isaías 64:1

Chuluwo̧ Dios, mölȩjȩ kȩ'ebö, bö̧jȩkwö kwichitjö̧ma otiwo jö̧a̧lena. Jobekwö kwichitjö̧ma, kwöba a'otjö tjö̧awena mösa'ijuma.

Deuteronomio 4:36

—Ja̧danö mölejȩbetjö ökwödönö yöawina jawa, baikwö labebö lobö yötawa: Bö̧jetjö iteda inesö ökwöla kwedaduwobö weinobe, ja̧danö iwene ökwölatjö ökwöi̧ kwa̧ja̧kwaduwobö weinobe, ja̧nötjö̧ ökwödönö ba̧ja̧dö jweebobö, jweinö omukwatadö kwö̧jaduwakobetjö̧.