Éxodo 19:13 - Dios Iwene

¹³ Bakwo̧ jojobi, jojodö tjajwibi mö'ösa'o mabo̧nöma jo̧banö mabökönöda inawiyanö ikwawöda ja̧danö, nayununö 'böböda kwabö loköbaduwobö jo̧be. Jo̧kwaijayonö obeja i'yekanö pjuawa labinö ökwöenada mö'ösa'o la'akakwö tjichoböma otiwa. Jejenö yökawodönö— webijetö Isabenö Jo̧ma Moisésnöma.

Éxodo 19:13 Referans Kwoze

Hebreos 12:20

Yelösöda Dios wei̧ a̧ja̧kwö jwiinö yetjaibinobe, Bakwo̧ bi'o jo̧bekwö ichibö mabo̧nö, ja̧danö tja̧jwi̧ ichibo̧nöbi, inawiyanö kwikwawaduwo, ö'wöchenanö baibanö, jö̧ba̧lö, wei̧ma.

Éxodo 19:19

Ja̧danö, obeja i'yeka pjuawa ökwöi̧ma ökwöaja̧ bajalekwönönö labinö ökwöijetö. Ja̧danö, ökwöaja̧ bajalekwönönö labinö ökwöonö Moisésnö, Isabenö Jo̧nö yöbalo̧nö, atadijetö Isabenö Jo̧ma, iwene labinö, böba ökwödi̧danö.

Éxodo 19:16

Ja̧danö, ja̧ möletjö dötölataja möle baledajena, dewachenama böba labinö ökwödijetö, ja̧danö, jwiinö nebödanö kwabawijetö. Ja̧danö, ojwiyo'wo yȩa'wo lo̧be mö'ösa'onöma. Ja̧danö, obeja i'yekanö pjuawama labinö ökwöijetö. Jejenö, böba, nebö kwaawobe, ojwiyo'wo yȩa'wo lo̧be, pjutji̧ labinö ökwöobe balediawö̧ jwiinö yebabinö tjö̧bawijadötö okobe deinö Israel jojodöma.

1 Tesalonicenses 4:16

Baikwö baledakwa̧ yötawa: Duluwo̧ma mölejȩbetjö jwiachakobe, ja̧danö labinö webö jwöakobe, ja̧danö ángelesdötjö la'aka ángelma yöa̧lakobe, ja̧danö Dios asabi̧ jawa trompeta ökwöakobe. Jejenö baledenama, Jesúsnö ösödadötjö wobinadöma dabönö 'yabibajö katjekwajachakobe.

1 Corintios 15:52

Jau chömöledö, bajaleapo trompeta ökwöenama, okobe deinö juluwanö döbalewachakwedösa, tjöbajale juluwanö yi̧tjatabidanö döbalewachakwedösa chömöledö. Ja̧ trompeta ökwöenama, wobinadö woawatjö tjetjachajakwedö, yemidanö woböködö batjibanö, ja̧danö okobe deinö döbalewachakwedösa.

Éxodo 19:14

Jo̧kwaobetjö̧ Moisésma mö'ösa'otjö yutubajö jojodönö tjotikwobö pjabatijetö. Ja̧danö, jojodöma tjö̧kamisi dicha̧lijadötö.

Éxodo 19:17

Ikenama Moisésma Israel jojodönö tjö̧jemitjö öbibö 'yi̧jetö Diosnö tjedobö. 'Ya̧jadöma mö'ösa'o la'akanö jamatijadötö.

Éxodo 34:3

Ja̧danö, jelo̧ ökwökwö nöchö ichoko. Bakwo̧bi deobö jo̧be bi'onöma, okobe jwiinö. Ja̧danö, kwajwi̧mu̧duwibi o̧bȩja̧dö, chi̧wo̧dö, pa̧ka̧yö ja'o la'akanö pokwina'ye tjukwoko— webijetö Isabenö Jo̧ma Moisésnöma.