Éxodo 18:14 - Dios Iwene

¹⁴ Ja̧danö, Moisés öjabama Moisés jojodönö ba̧kwȩlö̧jatebö yötja̧lakwawi̧ a̧ja̧kwö pjaatobe edemi, otiwökö jö̧ba̧lö, yöba̧lijetö Moisésnö: —Moisés ¿tajawedö jejenö ba̧kwȩlö̧jatebö jojodönö a̧ja̧kwö pjakatobeda? ¿Tajawedö jo̧dawa'ye ökwöda jojodö yötja̧lakwawi̧ a̧ja̧kwö kwö̧bobeda ba̧jekwadö ichajadönö, yȩayi̧ jamatö yi̧bena baibanö? Jejenö jo̧dawa'yema otiwökö— yöba̧lijetö Moisés öjabama.

Éxodo 18:14 Referans Kwoze

Éxodo 18:13

Ju'wi dewachö Moisésma jojodö wene juna̧ladö yötja̧lakwawi̧ a̧ja̧kwö bi̧jetö, diteda jweinö omukatojobö, diteda jelobekwö omukwatojobö, jö̧ba̧lö. Ba̧kwȩlö̧jatebö ichö ji̧abijadötö wene juna̧ladöma Moisés öbajale a'o, yȩayi jamatö yi̧bena baibanö ju'wedöbi, ju'wedö, wene tjujuna̧li̧ma yötja̧lakwawobö.

Éxodo 18:15

Jejenö yöa̧lökwe: —Chöjaba, jojodöma, Dios wei̧ma tajida, jö̧ba̧lö, kabatökönö ötjönö abebö tjichobetjö̧ ba̧nö yötawobe.

Éxodo 18:26

'Da̧batö ujunajawö̧ma ba̧kwelöjatebö wene juna̧ladö yötja̧lakwawi̧ a̧ja̧kwö omukwatö junadijadötö, diteda jweinö omukwatojobö, diteda ö'öbönö omukwatojobö, jö̧ba̧lö. Ja̧danö, jwiinö waiyi̧ wene tjujuna̧li̧ma Moisesda a̧ja̧kwobö abebijadötö, jo̧bada omukwatö junö. Jo̧kwaijayonö waiyökö wene jawama idödada omukwatö junijadötö.

Jueces 1:16

Ja̧danö, quenita jojodö, Moises öjaba Hobab itji̧mu tupadanö jojodöma, jobadöma Judasaso jojodökwö tji̧'yinobe, Juda niji jojodö deobe tjö̧jobö. Jobadöma Jerico, ju'wi imi Öjiya Towi Jȩmi comunidadtjö labebö, juda niji, Neguev ötjabobe tji̧'yinobe, Arad comunidad pjeanö ju̧kwadökwö tjö̧jobö.

2 Samuel 15:2

Ja̧danö ju'wibi ja̧inobe Absalonma. Ja̧ möle Israel jojodö wene tjujuna̧lenabi, bakwo̧ jelo̧kwö jwöjwöbakwakwawö ö̧jenabi, la'aka luwo̧ ö̧jobekwö 'yi̧atjinobe, wene tjujuna̧li̧ a̧ja̧kwö, lȩekwa yöawobö. Jo̧kwajabetjö̧, möletenia, yȩayi a̧la̧ibö, comunidad apjude a'obe ja̧nö 'yi̧ainobe Absalonma, comunidadbe ichadönö edobö. Ja̧danö, bakwo̧ la'aka luwo̧ öba a'o wene ujuna̧li̧ yöawobö ichenama, Absalonma jo̧banö jwöbiainobe, jo̧bakwö yöa̧lakwawobö. —Detjö, diso nijitjö, ja̧danö diya comunidadtjö kwichaja̧da? —abebö a̧ja̧kwiawö̧, atadiatjinobe, ja̧danö wene tjujuna̧li̧ yöbawiatjinobe.