Éxodo 17:5 - Dios Iwene

⁵ aebiökwe: —Jobadötjö ju'wedönö, la'aka luwedönö öbibö 'ya̧wi jojodö tja̧bönö mö'ösa'o jo̧bekwö. Kwotokwa'o do̧ba̧lö kwi̧'yo, Nilo ojwe wame i̧sebö kwaköbina'oma.

Éxodo 17:5 Referans Kwoze

Éxodo 3:16

Moisés, Egiptobe kwi̧'yo. Ichibö Israel jojodötjö damönö tjoko̧ko̧kwobö jwököbo. Ko̧ko̧kwajadönö yökawo: Isabenö Jo̧ma, da'dödömine tjösödökwe Dios, Abraham, Isaac, Jacob tjösödökwe Diosma ötjönö öwawachö ökwödönö yötawobö weijatö baikwö: Eda̧lobe Egipto jojodö ökwödönö juluwanö inia tjöbö kwotidaduwobö wetjobema. Jo̧bama weijatö ötjönö ökwödönö yötawobö.

Éxodo 3:18

Moisés, ötjö chömöledö, Israel jojodöma ökwö yökawi̧ma ösödö tja̧ja̧kwakobe. Jo̧kwaobetjö̧ Israel jojodötjö damökwö inesö la'aka luwo̧ ö̧jobekwö kwi̧'yo. Ichibö yökawonö: Duluwo̧, ökwönö abebö dichatö. Isabenö Jo̧, ökwödö hebreo jojodö dösödökwe Diosma ökwödönö yöbawö öwawachijatö. Jo̧kwaobetjö̧ ökwönö adeba: Ökwödönö weköbo wa̧pötakwa möle kwebachö di̧'yo jojodö deobekwö, jobetjöma Isabenö Jo̧nö, dösödökwe Diosnöma ösödö juwö diyobö. Jejenö akebaduwo inesö la'aka luwo̧nö.

Éxodo 14:16

Ja̧danö, kwotokwa'o do̧ba̧lö kabebö o̧pesobukwö kwisȩbo, o̧pesobu wamenö wanekwachö. Jejenö kwisȩbemi o̧pesobu ö'weje 'da̧abachibö mana baibakobe ökwödöma jenada, o̧pesobu ö'wejenöda nijinö pekibaduwakobetjö̧, o̧pesobu 'da̧abachibö dobulataja möinö jamatajobu ö'wejenöma.