Éxodo 15:26 - Dios Iwene

²⁶ yöba̧lijetö jobadönö: —Ötjöma Isabenö Jo̧sa, ökwödö kwuluwo̧duwi Diossa. Ökwödöma ötjö yötawi̧ma tjöbeba̧lakwawö a̧ja̧kwö kwö̧jaduwitjö̧ma, ja̧danö, ötjö jweinö omukwatö kwö̧jaduwobö chösödi̧danö ja̧bö kwö̧jaduwitjö̧ma, ja̧danö ötjö weti̧ tjöbeba̧lakwawö omukwatö, ja̧ weawa a̧ja̧kwö kwö̧jaduwitjö̧ma la'akatjöda Egipto jojodönö wotjinö lȩtebinadanöma lȩtebökakobe ökwödönöma. Kwo̧'wo jwikibaduwoko. Ötjödasa Isabenö Jo̧ma, ökwödö kwö'wöchaduwiökönö otiwanö bakibaduwinö pjabato̧sa—yöba̧lijetö Isabenö Jo̧ma Israel jojodönöma.

Éxodo 15:26 Referans Kwoze

Deuteronomio 7:15

Ja̧danö ökwödönö tjöbeba̧lö pjaatakobe Isabenö Jo̧ma, tjö'wöchi̧tenia ökwödö kwö'wöchaduwapji jö̧ba̧lö. Jau chömöledö, kwöwaisaduwa Egipto nijitjö inesö tjö'wöchina jawama, jö̧tö? Ja̧ tjö'wöchi̧ jawa kwö'wöchaduwapji jö̧ba̧lö, otiwanö tjöeba̧lakobe Diosma, jo̧kwaijayonö ja̧tjö ökwödö kwö'wöchaduwokonö, okobe deinö kwöpöjojodöda ja̧jaye tjö'wöchobö weakobe, ökwödönö pjabatö.

Éxodo 23:25

Ötjönö, Isabenö Jo̧nöda kwösödaduwo, kwösödaduwökwe Diosnöda. Jejenö ötjönöda kwösödaduwitjö̧ma kwukwaduwakwa̧, kwowaduwakwa̧ iyö pjatatakwo̧sa. Ja̧danö, kwö'wöchaduwokobö pjatatakwo̧sa, ötjönöda kwösödaduwitjö̧ma.

Diosnö ösödo̧ Job mikwo̧ usula emawina jawa 5:18

Jojodönö jweebotö jö̧ba̧lö, isabenö inia tjötjinö webo̧ Diosma, jo̧kwaijayonö ju'wibi, seachibanö pjabato̧. Jau Job, ajayinö jwebebö kwaijayonö, jemi ikenama ju'wibi otiwachibanö otidö lobo̧ Diosma, jo̧kwajabetjö̧ otiwanö jweebi̧ kwa̧ja̧kwo, öpöjödökönö.

Deuteronomio 28:60

Kwöwaisaduwa chömöledö, Egipto niji ju̧kwadö tjö'wöchinama, jwiinö ja̧ tjö'wöchina jawa yekabinaduwobe, jö̧tö? Wei̧ a̧ja̧kwökönö kwö̧jaduwitjö̧ma, ja̧jaye tjö'wöchi̧ kwö'wöchaduwobö weakobe Diosma, ja̧danö la'akatjöda ja̧ kwö'wöchaduwi̧tjö kwö̧bibajaduwobö jwiköbaduwakwedöja chömöledö.

Deuteronomio 12:28

—Jobekwö Dios ökwödönö wei̧ yöbawö wetaduwakwö, ja̧bö kwö̧jaduwobö chömöledö, ja̧danö teada̧lönö kwö̧jaduwo, ökwödöbi, kwitji̧muduwibi ba̧kwelöjatebö yötawi̧danö ja̧bö kwö̧jaduwakobetjö̧. Jau chömöledö, jejenö kwuluwo̧duwi Isabenö Jo̧ Dios wei̧ a̧ja̧kwö kwö̧jaduwitjö̧ma, ökwödönö ösödakobe, –Jweinö chösödi̧danö otiwanö a̧ja̧kwö ju̧kwadö, –jö̧ba̧lö, ja̧danö ba̧kwelöjatebö ökwödönö pjaatakwo̧, otiwanö kwö̧jaduwakobetjö̧.

1 Reyes 11:33

Ja̧ Salomontjö 'dötebakwama, baikwö labebö lobö yötawakwö Jeroboan, Salomonbi, ömöledöbi ötjönö kabatibö, sidonio jojodö tjösödoko Astartenö bȩbachibö tjösödajabe, ja̧danö moabita jojodö tjösödökwe Quemosnö bȩbachibö tjösödajabe, jadanö amonitas jojodö tjösödökwe Molocnö bȩbachibö tjösödajabe, sulabenö. Jau Jeroboan, abe'do Davidma jwaikwöda ötjö chösödi̧danö ja̧nö, ja̧bö ö̧jobö weti̧bi, ju'wi weti̧bi otiwanö a̧ja̧kwö ö̧jinobe, ja̧danö Salomonbi a̧ja̧kwo jö̧a̧linobe, jokwaijayonö a̧ja̧kwö̧kö̧. Jo̧kwajabetjö̧, a̧jakwökönö sulabenö ja̧obetjö̧, la'aka luwo̧ ö̧ji̧ 'dötebocha.

Isaías 57:18

Ötjöma chömöledö sulabenö ja̧bö tjö̧ji̧ chedajabe, jo̧kwaijayonö yayonö jobadönö pjatatakwo̧sa, ja̧danö tjö̧bibajinö otidö lotocha. Jobadönö öbibö jwetebocha, ja̧danö jobadö o̧'wo tjo̧achö budekwadönö, tjo̧'wo ösöwobö pjatatocha.

2 Reyes 20:5

—Tjebachajö chömöledö Juda jojodötjö la'aka luwo̧ Ezequiasnö yökawo: –Ezequias, baikwö yöawobe kwa'dö Davidmine ösödinökwe Isabenö Jo̧ Diosma: Akebaja̧ cha̧ja̧kwajabe, ja̧danö kwubudekwaja̧ chedajabe. Ja̧danö a̧ja̧kwajo̧, baikwö chatadakwö: Kwö̧bibajinö pjatatakwo̧sa Ezequias. Wapötakwa möle baibenama, ida̧ökö bi̧bajo̧, ötjö Isabenö Jo̧ chejube kwi̧'yakwo̧ja,

Deuteronomio 28:27

—Ju'wibi, ökwödönö suli̧ waedö, kwi̧sȩdoduwinö tutiyubiya saduwaibobö weakobe Isabenö Jo̧ma, damötjö Egipto jojodönö saduwaibobö weinadanö, ja̧danö ju'wi tutiyubiyabi, wale'debiyabi, kö'öwi̧bi usula kwemawaduwobö weakobe, ja̧danö ja̧tjö bi̧bajökönö kwö̧jaduwakwedöja.

2 Reyes 22:2

Ja̧danö, Juda la'aka luwo̧ ja̧nö, Isabenö Jo̧ öba a'otjö otiwanö ja̧bö ö̧jinobe Josiasma. A'dömine David ja̧bö ö̧jinadanö, Josiasbi jalachibökönö, jwaikwöda Dios wei̧ a̧ja̧kwö ö̧jinobe.

1 Reyes 11:38

Jejenö 'da̧batö chujunenama, baikwö wetakwö Jeroboan: Isabenö okobe jwiinö ökwönö weti̧ kwa̧ja̧kwobö ja̧kobe, -Baikwö ja̧bö kwö̧jo, -jö̧ba̧lö ökwönö weti̧ a̧ja̧kwö, chösödi̧danö ja̧bö kwö̧jo. Jau, chömöayo̧ David a̧ja̧kwö ö̧jinadanö, ökwöbi jwaikwöda ja̧bö kwö̧jobö weti̧bi, ju'wi weti̧bi kwa̧ja̧kwobö ja̧kobe, ja̧danö otiwanö a̧ja̧kwö kwö̧jitjö̧ma, isabenö ökwökwö ja̧nö otiwanö pjatatakwo̧sa. Jau Jeroboan, chömöayo̧ David otiwanö a̧ja̧kwö ö̧jitjö̧, itji̧mu tupadanö jojodöbi otiwanö luwedö 'diinö tjö̧jobö 'da̧batö chujunajabe, ja̧danö jo̧ba a̧ja̧kwinadanö ökwöbi a̧ja̧kwö kwö̧jitjö̧ma, bakwainö ökwönöbi pjatatakwo̧sa, kwitji̧mu ba̧kwelöjatebö israel luwedö 'diinö tjö̧jakobetjö̧.

Deuteronomio 28:58

—Isabenö okobe jwiinö Dios wei̧, bi'ye kwiyalu'yenö laebi̧ Dios wei̧ teada̧lönö a̧ja̧kwö̧ kwö̧jaduwobö jo̧be chömöledö, –Duluwo̧ Isabenö Jo̧ Diosma inesö dejatinö juluwo̧obetjö̧, wei̧ a̧ja̧kwö dö̧jo, –jö̧ba̧lö. Jejenö omukwatökönö, weöködanö ja̧köbaduwitjö̧ma,

Éxodo 12:29

Ja̧danö, yö̧te ja'ö Isabenö Jo̧ma okobe deinö Egipto jojodö tji̧tji̧mu̧ ömadönö, abönö damönö kwabö lobijetö. Faraón inesö la'aka bo̧ itji̧ abönö pöenöbi ja̧danö, ka̧lȩna ba̧kwaweju okwa bo̧ itji̧ abönö pöenöbi, ja̧danö okobe deinö Egipto jojodö tji̧tji̧mu̧ ömadönö abönö damönö kwabö lobijetö Isabenö Jo̧ma. Ja̧danö okobe deinö tja̧jwi̧mu̧tjö̧ ajayinö ömadönöbi kwabö lobijetö.

Éxodo 19:5

Jo̧kwaobetjö̧ ötjö weti̧ma ö'wi̧yawakwawalö̧jinö a̧ja̧kwö, ja̧danö, yöbawö junö chiwene a̧ja̧kwö, weti̧danö ja̧bö kwö̧jaduwitö̧ma okobe deinö böjȩnö jukwadö jojodötjö ökwödönöda 'da̧batö chujunena, ötjö cha'dȩlawö̧, jö̧ba̧lö. Jejenö 'da̧batö chujunena, ötjödasa okobe jwiinö böje luwo̧chobetjö̧, ja̧danö,okobe deinö böjȩnö ju̧kwadö tjuluwo̧chobetjö̧.

Éxodo 19:6

Ja̧danö, ökwödöma ötjö chömöayedö baibanö kwö̧jaduwakwedöja, ja̧danö, Israel jojodöböködönö ötjönö tjöwaisachibanö yöbawö pjakataduwakwedöja. Ja̧danö, ökwödönöma wainö chujunawö̧ja, ötjönöda kwösödaduwobö. Moisés, jejenö yökawo Israel jojodönö— webijetö Isabenö Jo̧ Moisésnö, wa̧pekwa'otjöma.

Éxodo 20:2

—Ötjöma Isabenö Jo̧sa, Kwösödaduwökwe Diossa. Ötjödasa Egiptotjö lakebaduwinö pjabatinama, Egipto jojodö wetjawö̧ otidö kwö̧jaduwitjö. Baikwö wetaduwakwö:

Deuteronomio 12:25

Jobekwö laebobe Isabenö Jo̧ ökwödönö wei̧ma chömöledö, jo̧kwajabetjö̧ wei̧ a̧ja̧kwö, ökwödöbi kwi̧tji̧muduwibi tjökwösobu kwukwaduwoko chömöledö. Ja̧danö jejenö Dios wei̧ a̧ja̧kwö kwö̧jaduwiökwe, ötiwanö kwö̧jaduwobö pjaatakwo̧, –Weti̧ a̧ja̧kwö, otiwanö ja̧bö ju̧kwadö, –jö̧ba̧lö.

Deuteronomio 32:39

Jo̧kwaijayonö, a̧la̧ibö pjatjatokobetjö̧, babe ötjönö edö kwöwaisaduwobö jo̧be, isabenö ötjödasa Diosbo̧ma, jelo̧ ötjödajayo̧ma deobe, jö̧ba̧lö. Jau, kwabö lotoböbi juluwo̧sa, ja̧danö ja̧kwawa tjujuna̧lobö pjabato̧sa. Ja̧danö inia tötjinö kwatobö juluwo̧sa, ja̧danö kwakwatjaja̧ niemi otidö lotoböbi juluwo̧sa. Jau, isabenö jwiinö juluwo̧sa, ja̧danö ju'wedönö lȩtebenama, bakwo̧bi deobe, lȩtȩbi̧tjö tjö̧jibanö pjabato̧ma.

2 Reyes 2:21

Jemi ikenama Eliseoma ojwese'dobe i̧'yinobe, ja̧danö ojwese'do okwa sayu wa̧ebinobe. Jobekwö wa̧bebajo̧, —Baikwö yöawobe Isabenö Jo̧ma, –Bi'do ojwese'do otidö lotajabe, welachobu ojwiyoma otiwachibanö. Bemi tupakwö bi'dotjö welachobuma jojodö tjö'wöchinö ja̧ökakwobu, ja̧danö tji̧tji̧munö emökönö tjö̧joböma ja̧ökakwobu, —jö̧ba̧lö yöawinobe Eliseoma.

Deuteronomio 5:1

Ja̧danö, jobe Jordan ojwetjö jawo̧ ichobekwöchobe ja̧nö, Moisesma okobe deinö israel jojodönö o̧ko̧kodinobe, ja̧danö ko̧ko̧dajo̧, jobadönö yöawinobe: —Chömöledö israel jojodö, otiwanö kwa̧ja̧kwaduwo, Dios ökwödönö wei̧, ja̧bö kwö̧jaduwobö wei̧ma, babe ökwödönö chö̧ba̧jadonö. Ja̧ wei̧ma otiwanö kwöwaisachaduwo, ja̧danö waisachibajadö, jwaikwöda otiwanö wei̧danö a̧ja̧kwö kwö̧jaduwo.

Isaías 55:3

Teada̧lönö a̧ja̧kwalö, chöjobekwö kwichaduwo chömöledö. Otiwanö kwa̧ja̧kwaduwo, tupakwö 'yaka̧laduwakobetjö̧. Jau, ötjönö kwa̧ja̧kwaduwitjö̧ma, ökwödökwö bakobe dösölö̧jinö dö̧jakwa̧ jawa yöbawö chujunocha, 'dö̧ibajökö ji̧ yöbawö junawama. Jau, damötjö Davidnö yöbawö chujunijatö, jwaikwöda 'dö̧bibajökönö jo̧banö ösödö chö̧jakwa̧ma, ja̧danö ökwödönöbi Davidnö yöbawö chujuninadanö yöbawö chujunena.