Éxodo 14:14 - Dios Iwene

¹⁴ Isabenö Jo̧da kwöpöjojodönö ölakwabikwawö juluwo̧ma. Ökwödöma sule ölakwabikwawökönö wi̧inö kwö̧jaduwo.

Éxodo 14:14 Referans Kwoze

Deuteronomio 3:22

Isabenö jobadönö yekabobö jwiobe Josue, kwuluwo̧ Isabenö Jo̧ Diosda jobadönö ölakwabikwawakobetjö̧, –jö̧ba̧lö Josuenö wetijatö, —jö̧a̧linobe Moisesma.

Deuteronomio 20:4

kwuluwo̧duwi Isabenö Jo̧ Diosda ökwödökwö 'ya̧nö kwöpöjojodöduwinö ölakwabikwawakobetjö̧. Jo̧ba Diosda ökwödönö pjaatakwo̧, kwöpöjojodöduwinö kwujuluwaduwobö, –jö̧ba̧lö tjö̧'da̧de pjabato̧ yöawobö ja̧kobe.

Josué 23:3

Ökwödöma kwuluwo̧duwi Isabenö Jo̧ Dios kwöpöjojodönö ujuluwina edinadöja chömöledö, ajayinö kwiteboduwinö ji̧nadönö. Jau chömöledö, ökwödönö ösödö, kwuluwo̧duwi Isabenö Jo̧ Diosda kwöpöjojodönö juluwinama, jo̧bada kwöpöjojodönö ölakwabikwawinama, ökwödönö pjabatö.

Deuteronomio 1:30

Kwuluwo̧duwi Isabenö Jo̧ Diosma kwabönöduwi kwebacho̧, ja̧danö jo̧bada kwabönöduwi 'ya̧nö, ölakwabikwawakwo̧ kwöpöjojodöduwinöma. Jau chömöledö, kwöwaisaduwa, kwedaduwonö Egipto nijitjö jo̧bada ölakwabikwawinobe, tjujulutjö kwö̧jibaduwobö, ¿jö̧tö?

Josué 23:10

Jau chömöledö, iteda yöbawö ujuninadanö, kwuluwo̧duwi Isabenö Jo̧ Diosda döpöjojodönö ölakwabikwawobetjö̧, ökwödö israel jojodötjö bakwo̧da döpöjojodö milbedönö a'dewö loena. Jau, isabenö juluwadöja chömöledö, Diosda ökwödönö pjaatobetjö̧.

Isaías 30:15

Jobekwö isabenö baledakwawö̧ja chömöledö, Dios yöawi̧ kwöpöjödinaduwobetjö̧. Jau chömöledö, Isabenö Jo, Israel jojodö tjösödökwe Sulabe Jwibo̧ Diosma ökwödönö yöawinobe, —Sulabenö kwomukwataduwi̧ kabatibö, tjebachajö ötjönö kwo̧'wo kwöwana̧laduwitjö̧ma, kwö̧jibaduwakwedöja. Kwujuluduwi̧ma, ökwödöda jawamaökö, wi̧inö ja̧nö, ötjönö ösödö kwo̧'wo kwöwana̧laduwitjö̧ma, ja̧ kwösödaduwi̧da kwujuluduwi̧danö ja̧kobe, —jö̧ba̧lö yöawinobe. Jo̧kwaijayonö yöawi̧ a̧ja̧kwajadö, kwösödaduwoböma öpöjödinadöja chömöledö.

Éxodo 15:3

Isabenö Jo̧ma ölakwabikwawö juluwo̧, ja̧danö, iteda imima Isabenö Jo̧, jö̧ba̧lö.

Éxodo 14:25

Ja̧danö, 'dötjabajemi kolukiya jawa o'ijubiyanöbi lete'di pöawibanö webijetö Isabenö Jo̧ma, kolukabiya yö̧kö̧nö. Jejenö balediawö̧ jö̧ba̧lijadötö: —¡Ayö! Isabenö Jo̧ma Israel jojodönö tjö̧jibinö pjabatö ölakwabikwawö ujuluwijayonö ökwödönöma öpöjödö kwabö lobo̧. ¡Belöma dȩwa̧ja̧duwo— jö̧ba̧lijadötö.

Josué 10:42

Okobe jwiinö ja̧ nijibi, okobe deinö jobe ju̧kwadö la'aka luwedönöbi bakobe juluwanö ujuluwinobe Josuema, israel tjuluwo̧ Isabenö Jo̧ Diosma israel jojodönö pjabatö ölakwawibikwawinobetjö̧.

Josué 10:14

Ja̧ mölejaye, la'akatjöda baledinokobe, jemi abönödabi, jemi ikenabi. Ja̧ möleda Isabenö Jo̧ma jojo aebi̧ a̧ja̧kwö, jawo̧ 'yö̧könö ö̧lobö weinobe, Isabenö Jo̧ma isabenö israel jojodönö pjabatö ölakwabikwawö ö̧jinobetjö̧.

Josué 10:10

Ja̧danö Isabenö Jo̧ma israel jojodö tjöba a'otjö jwiinö yetjaibobö weinobe, Dakwö ja̧dakwajö jö̧ba̧lö tjö̧bawö ja̧tjenanö baibanö. Ja̧danö, jobe Gabaontjö israel jojodöma ba̧jȩkwadönö kwabawö lotjinobe, jobetjö a'dewö lotjenanö baibanö. Jejenö tjujuluwawö̧, amorreo jojodöma jobetjö dötjibajinobe, Bet-horonbe 'ya̧kwawamabenö, ja̧danö tjökömanö lubö, israel jojodöma jobadönö kwabawö lotjinobe, Azeca comunidadbebi, Maceda comunidadbebi tjichibenanö kabatö.

Jueces 5:20

Mölejebetjö si̧li̧'idöda tjölakwabikwawinobe ichejekwa, tjö̧lajelö Sisarakwö tjölakwabikwawinobedanö jino̧be.

Éxodo 14:15

Ikenama Isabenö Jo̧ma Moisésnö jö̧ba̧lijetö: —¿Tajawedö kabatökönö budekwinö akebobeda ötjönöma, Pjabati, jö̧ba̧lö? Israel jojodönö yökawo, te'ada̧lökönö tjejubiya ejatibö tupakwö tji̧'yo, jö̧ba̧lö.

1 Samuel 4:7

Ja̧danö, waisachibö, jwiinö yetjaibinobe filisteo jojodöma, —Ökwödöwe, tjuluwo̧ Dios tjö̧'da̧de ö̧jobetjö̧ ökwödöwe, —jö̧ba̧lö. Yebabinö yötja̧lakwawinobe, —Ökwödöwe, babe baledi̧danö la'akatjöda baledajiokobe ökwödönöma.