Éxodo 14:13 - Dios Iwene

¹³ Jejenö jwötjeba̧lökwe: —Chömöledö yekabiduwa. Kwo̧'woduwi 'dibachibö ja̧duwi. Makö kwedaduwakwedöja Isabenö Jo̧ ökwödö kwö̧jibaduwinö pjaati̧ma. Ja̧danö, kwö̧jibaduwinö pjaatobetjö̧ idö Egipto jojodö ichadö, babe kwedaduwawö̧nöma yemidanöma kwedaduwökakwawö̧.

Éxodo 14:13 Referans Kwoze

Éxodo 14:30

Ja̧ mölema, Isabenö Jo̧ma jejenö Israel jojodönö Egipto jojodötjö tjö̧jibinö pjabatijetö. Ja̧danö, Israel jojodöma edijadötö Egipto jojodö o̧bawö wobajadö, o̧pesobu ö'öbönö lö̧jadönö.

2 Reyes 6:16

Yöa̧lökwe, —Yebabökönui chömöayo̧, tjö̧ba̧jekwijayonö, ökwödökwö ju̧kwadö ölakwabikwawadöma, jobadö tjö̧ba̧jȩkwi̧tjö bajalekwönönö ba̧jȩkwadö pjabatö tju̧ju̧kwobe, —jö̧ba̧lö atadinobe.

Isaías 35:4

Tjomajadenö yebabinö ju̧kwadönö yökawaduwo, —Kwujuluwaduwachibanö, yebabökönö kwö̧jaduwo, chömöledö. Jau chömöledö, kwösödaduwökwe Diosma isabenö pjabatö ichakwo̧, öpöjojodö sulabenö ja̧tjiökwe, balekwa mikwa dameakwö ichakwo̧, lȩebobö. Jau chömöledö, kwöpöjojodöduwitjö kwö̧jibaduwanö, otiwanö ichakwo̧ Diosma, kwujuluwachibaduwo, —jö̧ba̧lö ökwödötjö tjomajadenö yebabinö ju̧kwadönö tjujuluwachibanö yökawaduwo.

Isaías 43:11

Jau, ötjödasa Isabenö Jo̧ Diosma, ötjödasa isabenö tjö̧jibinö pjabato̧ma, jelo̧ma deobe.

Deuteronomio 20:3

–Chömöledö israel jojodö, baikwö yötawakwa̧ a̧ja̧kaduwi. Babe möle kwöpöjojodöduwinö kwölakwabikwawaduwakwedöja, jo̧kwaijayonö jobadönö yekabiduwoko. Jobadönö yebabinö tjö̧bawö, Bidönö dakwö dujuluwakwajö, jö̧ba̧löma yekabiduwoko,

Génesis 49:18

Dannö yöawaja̧ ikena Jacobma Isabenö Jo̧ Diosnö jwöbijetö: —Isabenö Jo̧ Dios, ökwönöda cho̧'wo wa̧na̧lö, chöpöjöjödötjö chö̧jibanö pjakatakwa̧ te'ada̧lo̧sa— jwöbijetö Isabenö Jo̧ Diosnö ösödö.

Génesis 15:1

Jemi ikenama Isabenö Jo̧ Diosma Abramnö i̧sebijetö, i̧'wi̧didanö. Ja̧danö, Abramma Isabenö Jo̧ Dios yöawobe a̧ja̧kwijetö, baikwö yöawi̧ma: —Abram yekabi. Ötjöma ökwönö tjöbeba̧lo̧sa, sulabe baledokobö. Ja̧danö Abram, ötjöma ökwönö jwiinö mikwawinö chiyakwo̧sa— yöbawijetö.

Isaías 26:3

Ökwönö omukwatö jo̧nö, otiwanö teada̧lo̧ja duluwo Dios. Ökwönö o̧'wo wa̧na̧lö ösödö ö̧jobetjö̧, bakwainö wene jwiinö ö̧jobö pjabato̧ja.

Mateo 28:5

Jo̧ba ángelma ya̧dö ichajadönö yöawinobe: —Yebabökönaduwi. Chöwaisa, towisa'onö bȩtjinökwe Jesúsnö edö kwichaduwajabe,

Isaías 30:15

Jobekwö isabenö baledakwawö̧ja chömöledö, Dios yöawi̧ kwöpöjödinaduwobetjö̧. Jau chömöledö, Isabenö Jo, Israel jojodö tjösödökwe Sulabe Jwibo̧ Diosma ökwödönö yöawinobe, —Sulabenö kwomukwataduwi̧ kabatibö, tjebachajö ötjönö kwo̧'wo kwöwana̧laduwitjö̧ma, kwö̧jibaduwakwedöja. Kwujuluduwi̧ma, ökwödöda jawamaökö, wi̧inö ja̧nö, ötjönö ösödö kwo̧'wo kwöwana̧laduwitjö̧ma, ja̧ kwösödaduwi̧da kwujuluduwi̧danö ja̧kobe, —jö̧ba̧lö yöawinobe. Jo̧kwaijayonö yöawi̧ a̧ja̧kwajadö, kwösödaduwoböma öpöjödinadöja chömöledö.

1 Crónicas 11:14

Eleazarma Davidkwö ja̧nö 'diinö ölakwabikwawö ö̧jinobe, tjöba a'otjö filisteo jojodö dötjibajenanö baibanö. Ja̧danö, jo̧banötjö Isabenö Jo̧ma otiwanö pjaatinobe israel jojodönö, filisteo jojodönö tjujuluwakobetjö̧.

Génesis 46:3

Ikenama Diosma yöbawijetö: —Ötjöma Diossa, kwabe'do Isaac uluwo̧ Diossa. Yebabökönö 'ya̧wi Egiptobe, jobeda kwö̧jo. Jobetjöda ökwötjö tupadanö jojodönöma pjatatakwo̧sa tjö̧ba̧jekwachobö. Jo̧kwaobetjö̧ yekabi, Egiptobe 'ya̧wi̧.

Éxodo 20:20

Jejenö atjebökwe: —Yekabiduwa. Diosma ökwödönö edö ichajabe, itenö yebabö jweinö kwomukwataduwojobö jö̧ba̧lö. Ja̧danö, jejenö itenö ba̧kwelö̧jatebö yebabö kwomukwataduwobö ösöda Diosma, sulabenö ja̧köbaduwökakobetjö̧— Moisés yöba̧lijetö Israel jojodönö.

1 Samuel 11:13

Yötja̧liökwe, Saulma atadinobe, —Ja̧maökö, babe möle dömöledötjö bakwo̧nöbi kwabö lodökakobe, Isabenö Jo̧ma isabenö babe möle otiwanö ökwödönö pjaatajabetjö̧, —jö̧ba̧lö.

1 Samuel 12:16

Babe 'wi̧inö Isabenö Jo̧ öba a'o janö edaduwi, Isabenö Jo̧ iteda ujulu i̧sebakwa̧ kwedaduwobö.

Isaías 7:4

Acaznö badekwajo̧, yökawonö: –Teada̧lönö ja̧nö, yebabökönui. Kwomajadenö tjö̧bawökönö, idö juluwöködö la'aka luwedönö yebabökönö kwö̧jo. Jau Acaz, jobadö siria niji la'aka luwo̧ Rezinbi, israel la'aka luwo̧ Pekabi jwiinö tjö̧dameakwijayonö, juluwöködö, sule ökwöla ubö̧'a, juluwanö tiibö̧'adanö ichejekwadö. Isabenö jobadöma ökwönö suli̧ tjöwaedotö jö̧ba̧lö omukwatö tjujunajabe,

Génesis 26:24

Ichibaja̧ yöte Isabenö Jo̧ Diosma öwawachijetö Isaacnö. Öwawachö yöbawijetö: —Isaac, ötjöma kwabe'do Abraham Uluwo̧ Diossa. Yebabökönuwi, ökwökwö chö̧jobetjö̧. Ja̧danö, dösölö̧jinö edö pjatatakwo̧sa. Isaac, ökwötjö tupadanö jojodöma tjöba̧jekwachinö pjatatakwo̧sa. Chömöayo̧ Abrahamnö chiwene yöbawö chujuninadanö dösölö̧jinö edö pjatatakwo̧sa ökwönöma— yöbawijetö Isabenö Jo̧ Diosma Isaacnöma.