Éxodo 13:21 - Dios Iwene

²¹ Isabenö Jo̧ma jobadökwö 'yi̧jetö. Mölema ojwiyo'wo ja'da'daa'wonö 'yi̧jetö jobadönö i̧sebö. Ja̧danö, yö̧tema ökwöla nöola ubi̧danö jobadönö dejatö 'yi̧jetö, yö̧te tji̧'yobö. Jejenö 'yi̧jetö Isabenö Jo̧ma Israel jojodökwö, mölebi yö̧tebi otiwanö tji̧'yobö öbibö.

Éxodo 13:21 Referans Kwoze

Deuteronomio 1:33

Kabatökönö kwabönöduwi 'ya̧nö, otiwanö kwabekwaduwakwemi isakwiainobe, ja̧danö mölekwena ojwiyo'wonö otiwanö kwekachaduwakwa̧ i̧sȩbiainobe, ja̧danö yö̧tekwena ökwölasa'onö otiwanö kwedaduwobö i̧sȩbiainobe, jo̧kwaijayonö kabatökönö jejenö otiwanö pjabatiainajayonö yayonö o̧'wo wa̧nalöködöja, –jö̧ba̧lö yöta̧lijatö ökwödönö, Dios iyakwemi nijibe tekachaduwobö kwöpöjödaduwenama, —jö̧ba̧lö yöawinobe Moisesma, israel jojodönö.

Éxodo 16:10

Weökwe jwöawö̧ ichijadötö okobe deinö Israel jojodöma. Aarónma jobadönö yöa̧lonö tupakwö jojodö deobekwö tjedemi ¡ayö! Isabenö Jo̧ salöinö idejatobe edijadötö ojwiyo'wotjö, jobadönö öbibö 'ya̧'wotjöma.

Deuteronomio 31:8

Ja̧danö, baikwö yötawakwö Josue, Isabenö Jo̧ Diosda kwabönö i̧'yakwo̧ma, jo̧bama ökwökwö ö̧jakwo̧, ja̧danö la'akatjöda waekwökakwo̧, ja̧danö la'akatjöda ökwönö le'dedibö loökakwo̧, jo̧kwajabetjö̧ yebabinö kwö̧joko, ja̧danö –Dakwö dichibakwajö, –jö̧ba̧löma omukwatö kwö̧joko, —jö̧ba̧lö yöawinobe Moisesma Josuenö.

Éxodo 10:10

jö̧a̧lökwe: —¡Omöna yöka̧la! ¿Dakwö cha̧ja̧kwobö akebi̧ma? Isabenö Jo̧da belö lakebaduwobö pjaatakwo̧ma, ötjöma ökwödö, kwi̧tji̧muduwi okobe deinö lakebaduwobö la'akatjöda wetokobetjö̧. Öwaitjöda cheda, baikwö tjekachajaduwokobö omukwatö kwujunaduwajabe.

Éxodo 32:1

Moisésma mö'ösa'onö lekwe yutubajökönö ö̧jiawö̧ Israel jojodöma Aarón ö̧jobekwö 'ya̧wibö abebijadötö: —Moisés, ökwödönö Egiptotjö labebö öbibajinama dea. Taji waekwinajö wajwida. Jo̧kwaobetjö̧ do̧'wo̧ jawa juluwanö kwotido dökömanö öbibö 'yo̧nö— abebijadötö Israel jojodöma Aarónnö.