Éxodo 13:18 - Dios Iwene

¹⁸ Jo̧kwaobetjö̧ jelobekwö öbibijetö Diosma Israel jojodönöma jojodö deenada tji̧'yobö, o̧pesobu duwobu mikwobu lo̧bekwö. Ja̧danö, Israel jojodö Egiptotjö labebajadöma kwakwaakwawakwö, ja̧danö 'böabikwawakwö tjömamijunö do̧ba̧lakwawö labebijadötö.

Éxodo 13:18 Referans Kwoze

Deuteronomio 32:10

Ja̧danö, israel jojodöma, jojodö deobe inesö labobe tjö̧jenama, ökwödönö tjöbeba̧lö iteada̧linobe, bakwo̧ iteda öbajale iteada̧li̧danö, otiwanö tjöbeba̧lö iteada̧linobe.

Éxodo 14:2

—Moisés, kwömöledönö weköbo jweinö 'yö̧kö̧nö jelobekwö tji̧'yo, o̧pesobu lo̧bekwö, Pi-hahirot comunidad pjeanö tjichibobö. Jobetjö isa̧do̧tjö tjejudanö debatö tjotido weköbo. Jobema Migdol comunidadtjö o̧pesobutjö 'da̧denö jemi, Baal-zefón comunidad badeibö. Jenada kwejuduwidanö debatö kwotidaduwo, o̧pesobu ö'öbö.

Éxodo 12:51

Ja̧ mölema Isabenö Jo̧ma Israel jojodönö Egiptotjö latjebinö pjabatijetö, okobe deinö bakwasokwenanöma.

Josué 1:14

Ja̧danö, kwilekwamuduwibi, kwi̧tji̧muduwibi, kwajwimuduwibi okobe bi̧ya Jordan ojwe baikwöchobe niji tjö̧jibonö, okobe deinö ökwödötjö tjölakwabikwawobö juluwadöma, ju'wedö kwömöledöduwi israel jojodönö teadö, ölakwabikwawa jawa kwebatö Jordan pekibaduwobö ja̧kobe, ju'wedönöbi tjitebo tjujuna̧lobö pjakataduwobö.

Deuteronomio 17:16

—Ja̧danö 'da̧batö kwujunaduwakwo̧nö weawa baikwö yötawa: Kabayudönö ba̧jekwadönö ajikwoböma isakwoko, ja̧danö israel jojodö Egipto nijibe 'ya̧nö, kabayudönö tjemoböma weoko. Jau chömöledö, Isabenö Jo̧ma ökwödönö weinobe, la'akatjöda Egipto nijibe tjekachaduwoko jö̧ba̧lö, jo̧kwajabetjö̧ jejenö weoböma jwiakobe.

Josué 4:12

Ja̧ möle Moises weinadanö, israel jojodötjö bakwachödö tjitebo juna̧ladö Rubensaso jojodötjö ölakwabikwawadöbi, Gadsaso jojodötjö ölakwabikwawadöbi, Manasessaso ja'ö jojodötjö ölakwabikwawadöbi, ju'wedö tjömöledö israel jojodö tjabönö ojwe tjöbaledinobe, tjitebo tjujuna̧lobö pjabatö tjölakwabikwawotö jö̧ba̧lö.

Josué 4:13

Jobadöma cuarenta mil jenanö ölakwabikwawadöma tjitea ölakwabikwawa jawa kwebatö, Isabenö Jo̧ öba a'o tjöbaledinobe Jerico badeibö mejebe, ju'wedö tjömöledö israel jojodönö pjabatö tjölakwabikwawobö.

Génesis 50:25

Ikenama baikwö webijetö jobadö ömöledönö, Israel i̧tji̧munöma, yöbawö tjujunobö: —Diosma Canaán nijikwö kwȩwa̧jaduwobö öbibö ichitjö̧ma ötjö chowobiyakoma kwe'ewaduwo, jobeda kwödaduwo , jö̧ba̧lö yöba̧lö tjujunobö webijetö.

Éxodo 14:9

Jejenö lubö 'yi̧jadötö Egipto jojodötjö 'böawa waisadöma okobe deinö ka̧ba̧yu̧dö tjötji̧ kolukiyanö a̧jadöbi, ja̧danö ka̧ba̧yu̧dönö wa̧jadöbi, ja̧danö tjömasapanö 'ya̧jadöbi. 'Ya̧jadö Israel jojodönö badekwajijadötö o̧pesobu ö'öbönö tjö̧jobe, Pi-hahirot comunidad pjeanö, Baal-zefón comunidad badeibö.