Éxodo 12:11 - Dios Iwene

¹¹ Ja̧danö, kukwaduwenama juluwanö labeibö kwi̧'yaduwakobetjö̧ 'dubawiböda kukwaduwo. Sapatijuduwibi 'dubawibö, ja̧danö kwotokwa'ijuduwibi do̧ba̧lö ja̧nö kwukwaduwo. Ja̧nöda juluwanö kwukwaduwo labeibö kwi̧'yaduwakobetjö̧, juluwanö. Ja̧ ba'ali kwanö kwujunaduwakwa̧ma ötjö Isabenö Jo̧nö omukwatö kwujunaduwakobe, ökwödö kwö̧jibaduwinö pjabatö kwö̧jaduwejubiya wame chöbaledi̧ omukwatöma.

Éxodo 12:11 Referans Kwoze

Éxodo 12:27

baikwö kwatadaduwodönö: Ökwödöma Isabenö Jo̧nö ösödö, dö̧jibinö pjaatina omukwatö o̧bȩja̧dönö 'wibebö kwadobe, ba'ali junö dukwakwawö̧nö. Ökwödöma Egiptonö dö̧jenama Isabenö Jo̧ma Egipto jojodö tji̧tji̧mu̧ ömadönö abönö damönö kwabö loonö ökwödö Israel jojodönö pjabatö dejubiya wame öbaledinobe. Ja̧ yö̧tema Egipto jojodö tji̧tji̧mu ömadönö, abönö damönö kwabö loijayonö ökwödö di̧tji̧mu̧nö tjö̧jibinö pjaatinobe Isabenö Jo̧ma— yöbawijetö Moisésma Israel jojodötjö la'aka luwedönöma. Yöba̧lö kaatena okobe deinö Israel jojodötjö la'aka luwedöma, tjöba bȩbachibö nijakwö tjuunö Isabenö Jo̧nö ösödijadötö.

Efesios 6:15

Chömöledö Dios iwene, otiwa jawa iwenema omukwata̧lö ju̧kwaduwi. Ja̧ iwene tjo̧'wo̧ luwo̧ ösöwachibanö pjaati̧ wenema. Ju'wi wanedö yötawa: 'Bötjabikwawakwedöma otiwanö, mebökönö tji̧'yo jö̧ba̧löma, bota 'dubawadö. Ökwödöbi ja̧danö, bota 'dutjawi̧danö, Dios iwene 'dubawaduwi, tjo̧'wo̧ luwo̧ ösöwachibanö pjaati̧ iwenema. Jejenö 'dubawaduwi jemi tupakwö otiwanö, mebökönö kwi̧'yaduwobö.

1 Corintios 5:7

Ja̧danö, Dios öpöjödinö ja̧awama ye'yeachi̧ jawadanö ji̧ chömöledö. Jo̧kwajabetjö̧, ja̧ ye'yeachi̧ jawadanö ji̧ sulabenö ja̧awama, kwö'da̧deduwitjö 'da̧batö kwujunaduwo chömöledö, pansa'be 'yaya'be, ye'yeachi̧ jawa jwia'bedanö kwö̧jaduwobö. Jau chömöledö, Cristoma obejadanöbo̧ Diosnö iyawa baibanö midawö woinobe, Dios ökwödönö dö̧jibinö ja̧o jö̧ba̧lö. Jejenö midawö woinobetjö̧, ökwödö Jesúsnö ösödadöma isabenö sulabe jwibadöja, pansa'be ye'yeachi̧ jawa jwia'bedanö.

1 Pedro 1:13

Ja̧ wenema isabenö wene chömöledö, ja̧danö ja̧ wene omukwatö kwö̧jaduwo, otiwanö ja̧bö kwö̧jaduwakobetjö̧. Ja̧danö jweinö omukwatö jwaikwöda ja̧ Dios ökwödönö iyakwa̧ jawa kwo̧'wo̧ kwöwana̧laduwo chömöledö, isabenö Jesucristo yemidanö ichenama, Dios otiwanö iyakwawö̧sa jö̧ba̧lö.

Lucas 12:35

Tupakwö yöawinobe Jesúsma: —Yemidanö chichakwa̧ te'ada̧lö kwö̧jaduwo chömöledö. Baikwö wanedö yötawa: Bakwo̧ luwo̧ma tji̧lȩkwa̧munö emawa pjiesta junö i̧'yena, ja̧danö jejenö i̧'yitjö̧ma, ömöayedöma ȩwa̧jakwa̧ te'ada̧lö tjö̧jena, ¿jö̧tö? Tjuluwo̧ ȩwa̧jakwa̧ te'ada̧lö, otidadö 'dutjawado̧ kamijido̧ 'dubawajadö, ja̧danö dejewa'yu̧ nötedajadö tjite'ada̧lena, tjuluwo̧ ichibenama juluwanö apjude po̧bebö tetjatobö.

Éxodo 12:43

Ikenama Isabenö Jo̧ma yöbawijetö Aarónnö, Moisésnö: —Baikwö webö chujuna ötjö mö chöbaledina omukwatö ba'ali kwujunaduwakwa̧ma: Ju'wedö ökwödö kwö̧kö̧manö ichajadöma, Israel jojodöböködöma ja̧ ba'ali ji̧tjö tjukwoko.

Éxodo 12:21

Ikenama Moisésma jwöbijetö okobe deinö Israel jojodötjö la'aka luwedöbedönö tjichobö. Ichajadönö yöbawijetö Isabenö Jo̧ weaja̧ma: —Ökwödönö yötawa Isabenö Jo̧ weaja̧ma, baikwö: Ökwödötjö o̧do luwedöma kwa̧jwi̧duwitjö 'da̧batö kwujunaduwo, obeja itji̧nöbi, chiwo itji̧nöbi jenanö, ökwödötjö o̧do luwedöma yöne kwomoledö kwukwaduwakwa̧ma. Ikenama, 'da̧batö kwujunaja̧duwawö̧nö kwabö, tjö̧kwö̧la̧ 'wibebö loköbaduwo. 'Wibebö kwaköbaduwajawö̧nö ba'ali junö kukwaduwakobe. Ja̧ ba'ali̧ma, Isabenö Jo̧ ökwödö dö̧jibinö pjabatö dejubiya wame öbaledina omukwatö mikwi̧ ba'ali.

Lucas 15:22

Jejenö yöa̧lijayonö, isabenö chitji̧ kwö̧joböma mikwawö̧kö̧ja jö̧ba̧löma atadinokobe abe'doma. Itji̧nö ösödö ömöayedönö weinobe: Juluwanö ichejebaduwi inesö otiwado̧ jeledo̧tjö bajalekwönönö otiwado̧ kamijido̧ma, ja̧danö ja̧do̧nö bite chitji̧nö 'dubataduwi. Ja̧danö tjötö'anö nönawakwawabi, ötö'anö nönaduwi, ja̧danö sapatu ömasapiyanö 'dubataduwi, isabenö bitema ötjöda chitji̧obetjö̧.

Lucas 7:38

ja̧danö Jesús oma'apekwöchobe bȩbachibö jubudekwinobe. Budekwö, jubudesobunö Jesús ömasapiya jidichinobe, ja̧danö jöwö'yenöbi 'do̧jinobe Jesús ömasapiyama, ja̧danö Jesús ömasapiya du̧batö, omewi̧ jawa Jesús ömasapiyanö tobebö dujebinobe.

Éxodo 12:13

Ja̧danö, 'wibebö kwaköbaja̧duwawö̧ tjökwösobu apjudebiya dukebaja̧duwama ötjönö i̧sebakobe, beju okwa Israel jojodöda tjö̧jobe, jö̧ba̧lö. Ja̧ edinö ja̧ ejubiyama wame chöbaledocha, ökwödönö lȩbebökönö. Jejenö Egipto jojodönö jwiinö lȩbebö kwetachijayonö ökwödönö lȩtebima baledökakobe.

Lucas 2:41

Ba̧kwȩlö̧jatebö o̧bakwena Jesús ojo'dobi, abe'dobi Jerusalénbe 'yi̧atjinobe, Dios mö öbaledina ömukwatö pjiesta jobetjö tjujunobö.

Isaías 52:12

Jau, ö'öbakwawö yebabinö lakebaduwobö jwiakobe, otiwanö tjo̧'omanö kwȩwa̧jaduwobö ja̧kobe, kwuluwo̧duwi Isabenö Jo̧ Dios kwabönöduwi 'ya̧nö, ökwödönö öbibö i̧'yakobetjö̧. Jau chömöledö, kwabönöduwi tjöbeba̧lö i̧'yakwo̧, ja̧danö ju'wibi kwökömanöduwi tjöeba̧lakwo̧, jo̧kwajabetjö̧ yebabinö dökibaduwobö jwiakobe.

Deuteronomio 16:1

Tupakwö yöawinobe Moisesma: —Chömöledö, kwöwaisaduwa, damötjö kwuluwo̧duwi Isabenö Jo̧ Dios ökwödönö Egipto nijitjö lakebaduwinö pjaatinenama, ajayi jawo̧ Abib jawo̧nö lakebaduwinö pjaatinobe, jö̧tö? Jau chömöledö, Abib jawo̧nö, yö̧te ja'ö jobetjö lakebaduwinö öibinobe, jo̧kwajabetjö̧ ja̧ baledina omukwatö, ba̧kwelöjatebö o̧ba bakwabakwena Abib jawo̧nö Dios mönö öbaledina omukwatakwawa ba'ali kwujunaduwo.

Josué 5:10

Ja̧danö, israel jojodö jobe Guilgalnö tjö̧jonö, Dios mönö öbaledina omukwatakwawa ba'ali möle badekwachinobe, jawo̧tjö catorce mölema. Jo̧kwajabetjö̧, jobe Jerico badeibö mejenö ja̧nö, yi̧benakwö ja̧ ba'ali tjukwinobe.

2 Reyes 23:21

Ja̧danö, la'aka luwo̧ Josiasma okobe deinö jojodönö weinobe, —Bi'ye Isabenö Jo̧ wei̧ wȩyukwa'ye laebi̧danö, Dios mönö öbaledina omukwatakwawa ba'ali kwujunaduwo, kwuluwo̧duwi Isabenö Jo̧ Diosnö ösödö, —jö̧ba̧lö.