Éxodo 10:6 - Dios Iwene

⁶ Faraón, ökwö kwejubiyanöbi, okobe deinö kwömöayedö tjejunöbi okobe deinö Egipto jojodö tjejunöbi su̧'bȩ baibinö tetjachakwedö. Faraón ökwö ajayinö jinadöbi la'akatjöda, kwitebonö ajayinö tjö̧jinemitjö̧ babe baibanö edaitjökenanö jejenö ba̧jȩkwadö ma̧la̧ka̧yö̧ metji̧ma. Jejenö yöawobe Isabenö Jo̧ma ökwönöma, faraón— yöbawijetö Moisésma faraónnö. Ikenama jalachibö labebijetö Moisésma, Aarónkwö.

Éxodo 10:6 Referans Kwoze

Éxodo 8:21

Ja̧danö, jobadönö kakatakwawökötjö̧ma ma̧tu̧lȩnö tjowobö wetocha kwitebobenöma, ba̧jekwadö pja̧tjinö. Ökwönöbi, kwömöayedönöbi, ja̧danö okobe deinö kwömöledönöbi owö tjichakobe ma̧tu̧lö̧ma. Ökwödö Egipto jojodö kwejuduwi okwa ma̧tu̧lȩma tjowobö tetjachakobe ba̧jȩkwadö. Niji kwö̧jataduwemibi ma̧tu̧lȩda ba̧jȩkwadö tjuju̧kwakobe.

Éxodo 8:3

Nilo ojwetjöma jwo̧i̧döda tjuju̧kwakobe su̧'bȩ baibanö chömöledönö kakatakwawökötjö̧ma. Ja̧danö, jödötjö labekwö kweju okwa tjetjachakobe, kwö̧lȩko̧nöbi tebachö, ja̧danö ku̧kwa kamapjonö wa̧jö. Ja̧danö, kwömöayedö tjejunöbi, kwömöledö tjejunöbi tjetjachakobe jwoi̧döma. Ba̧i̧ toawakiju okwabi, pan yo̧awa'di̧ju okwabi tja̧jakobe jwo̧i̧döma.

Hebreos 11:27

Ja̧danö Moisésma, Diosnö o̧'wo̧ öwana̧lobetjö̧ laebinobe Egiptotjö. Jobe la'aka luwo̧ma Moisésnö jwiinö ölabijayonö Moisésma Diosnö o̧'wo̧ wana̧lö yebabökönö laebinobe. Dios, edawökö Diosnöma edö tji̧'yi̧danö jwaikwöda i̧'yinobe Moisésma, tjebachajökönö.

Éxodo 11:8

Ikenama yöba̧lijetö Moisésma: —Faraón, jejenö baledaja̧ ikena bidö kwömöayedöma okobe deinö kwö̧bobetjö jwibachibö ötjönö ichibö tjöba bȩtja̧chibakwedö tjuu nijakwö, Adebokwö ditebotjö labebö kwi̧'yo, kwömöledö Israel jojodönö öbibö, jö̧ba̧lö. Jemi tupakwöma belö latebocha chömöledönö öbibö— labinö yöba̧lijetö Moisésma. Ikenama jwiinö dameakwö faraón ö̧belö labebijetö Moisésma.

Éxodo 11:6

Ina ökwönö yöawobe: Jejenö balediawö̧ Egipto jojodöma labinö tjubudekwakobe okobe jwiinö Egiptonö. Tjubudekwi̧ma la'akatjöda jejenö budekwajitjökenanö, damötjö̧bi babebi, bemi bajalekwöbi.

Éxodo 10:11

¡Chöpöjöda! Wetokobe okobe deinö kwi̧'yaduwoböma. ¿Isabenö Jo̧nö ösödö kwiyaduwobö kwösödaduwiji̧? Jao kwatjö̧ma, ömadöda kwi̧'yaduwobö wetena— jö̧a̧laja̧ ikena farónma Moisésnö Aarónnö iteda ö̧jelö a'dewö lobijetö.

Éxodo 9:24

Inawi̧ya̧ tiyuwi̧ ö̧wi̧ya̧ labinö tjoduwonö böbabi kwabawijetö, ja̧danö böbama nei̧bi kwabawijetö, kabatökönö. La'akatjöda baledaijö̧kö̧ jejenö tjoduwi̧ma Egipto nijinö ajayinö tjö̧jinemitjö̧ babe baibanö.

Éxodo 9:18

¡A̧ja̧kwitjö! Jejenö chömöledönö latjebobö kakatakwawokobetjö̧ itekwayi babedajayena mölejebetjö ojwiyo o̧bi̧danö tiyuwi̧ ö̧wi̧ya̧ Egiptonö jwiinö labinö tjoduwima wetocha. Jejenö itekwayi jwiinö labinö tiyuwi̧ inawi̧ya̧ tjoduwakwa̧danö la'akatjöda tjoduwinokobe. Egiptoma ajayinö tjö̧jinelö babe baibanö jejenö tjoduwi̧ma edaitjökö.