Éxodo 10:20 - Dios Iwene

²⁰ Jo̧kwaijayonö Isabenö Jo̧ma faraónnö, ina omajade 'diinö ji̧nö weobetjö̧ Israel jojodönö latjebobö webijökötö faraónma.

Éxodo 10:20 Referans Kwoze

Éxodo 4:21

Ja̧danö, Isabenö Jo̧ma webijetö Moisésnö: —Egiptonö ja̧nö faraón öbajale a'otjö kwö̧jena jo̧bama eda̧lonö okobe jwiinö juluwi̧ jawa kwi̧sebobö pjatati̧ma kwi̧sebo. Jo̧bama kwi̧sebobe edijayonö omajade 'diinö wetobetjö̧ Israel jojodönö kaatakwawökakobe.

Éxodo 11:10

Ja̧danö, faraónma okobe jwiinö Aarón Moisés tji̧sebi̧ma eda̧lijetö, ajayinö ichö tji̧sebemitjö bajaliyanö tji̧sebi̧ baibanö, Isabenö Jo̧ ujulunö tji̧sebi̧ma. Jo̧kwaijayonö Isabenö Jo̧ma faraón omajade 'diinö jinö weinobetjö̧ Israel jojodönö itebotjö latjebobö ina kabatakwawijökötö.

Deuteronomio 2:30

Jo̧kwaijayonö jejenö atjebinajayonö, Hesbon comunidad la'aka luwo̧ Sijonma itebo ö'wejenö döbaledobö öpöjödinobe. Ja̧danö, ja̧ öpöjödinama, baikwö labebö lobö yötawobe, kwuluwo̧duwi Isabenö Jo̧ Diosda jo̧ba o̧'wo 'diachibanö weinobe, adebaja̧ öpöjödö, ökwödökwö ölakwabikwawakobetjö̧. Jejenö o̧'wo 'diachibanö weinobe, jo̧banö dujuluwobö pjaatakobetjö̧, ja̧danö kwöwaisaduwa, isabenö jejenö webajo̧, Sijonnö dujuluwobö pjaatinobe chömöledö.

Romanos 9:18

Jau chömöledö, Diosma iteda ösödi̧danö ja̧bo̧. Lȩlö̧jinö edobö jö̧a̧litjö̧ma, lȩlö̧jinö edo̧, ja̧danö ju'wedönö tjuubiya 'dibadö batjibanö ja̧obö jö̧a̧litjö̧ma, tjuubiya 'dibadö batjibanö ja̧bo̧, Dios wei̧ tja̧ja̧kwökönö.

Éxodo 9:12

Jejenö baledijayonö Isabenö Jo̧ma faraón omajade 'diinö weobetjö̧ a̧ja̧kwijökötö Aarón Moisés yötjawi̧ma. Isabenö Jo̧ Moisésnö, a̧ja̧kwökakobe, jö̧ba̧lö yöa̧linadanö a̧ja̧kwijökötö faraónma.

Éxodo 10:19

Jejenö aebiökwe ja̧wo̧ meajobekwötjö jwa̧lȩ'ȩpjo ichobö webijetö Isabenö Jo̧ma. Jejenö ichajapjo jwa̧lȩ'ȩpjonö okobe deinö ma̧la̧ka̧yö̧nö emibö o̧pesobu okwa loijetö, duwobu mikwobunö. Malakayu̧ bakwo̧bi ö̧jibökötö Egipto nijinö.

Éxodo 10:27

Jo̧kwaijayonö Isabenö Jo̧ma faraónnö ina omajade 'diinö ji̧nö weobetjö̧ Israel jojodönö latjebobö webijökötö.

Éxodo 3:19

Jo̧kwaijayonö jo̧ba omukwatakwa̧ma chöwaisa. Öpöjödö yöa̧lakobe, Latjebobö wetokobe, jö̧ba̧lö. Jejenö omukwatitjö̧ ötjö jwiinö chujuluma chi̧sebocha Israel jojodönö latjebobö weobö.

Éxodo 10:1

Ikenama Isabenö Jo̧ma Moisésnö webijetö: —Moisés, yemidanö faraón ö̧bobekwö 'yawi. Ja̧danö, jo̧ba omajade 'diinö ji̧nö, ipjea jojodö ömöayedönöbi tjomajade 'diinö ji̧nö wetobe, chujulu chi̧sebi̧ma tjedakobetjö̧.