Éxodo 10:19 - Dios Iwene

¹⁹ Jejenö aebiökwe ja̧wo̧ meajobekwötjö jwa̧lȩ'ȩpjo ichobö webijetö Isabenö Jo̧ma. Jejenö ichajapjo jwa̧lȩ'ȩpjonö okobe deinö ma̧la̧ka̧yö̧nö emibö o̧pesobu okwa loijetö, duwobu mikwobunö. Malakayu̧ bakwo̧bi ö̧jibökötö Egipto nijinö.

Éxodo 10:19 Referans Kwoze

Hebreos 11:29

Ja̧danö, Israel jojodöma Diosnö tjo̧'wo̧ tjöwana̧lobetjö̧ o̧pesobu duwobu mikwobu petjibinobe, mana baibaja̧manö, Diosma ökwödönö pjabato̧, jö̧ba̧lö. Jo̧kwaijayonö Egipto jojodö, jobadönö lubadöma jobu petjibaja̧ma ö'wejenö batjibena mana baibaja̧mama jwiinö o̧pesobuda baibinobe, Egipto jojodö o̧tjawinö.

Éxodo 15:4

Jo̧bama faraón itea kolukiya o̧pesobunö meajinö jabö loajabe. Ja̧danö, faraón ömöayedö 'böawa waisadönö o̧bebö jabö loajabe o̧pesobunö. Ja̧danö, iteda 'da̧batö ujuninawö̧, 'böawa jojodötjö la'aka luwedöbi o̧pesobu duwobu mikwobunö o̧bawö debö tji̧'yajabe.

Éxodo 13:18

Jo̧kwaobetjö̧ jelobekwö öbibijetö Diosma Israel jojodönöma jojodö deenada tji̧'yobö, o̧pesobu duwobu mikwobu lo̧bekwö. Ja̧danö, Israel jojodö Egiptotjö labebajadöma kwakwaakwawakwö, ja̧danö 'böabikwawakwö tjömamijunö do̧ba̧lakwawö labebijadötö.

Éxodo 10:18

faraón ö̧jelö labebö abebijetö Moisésma Isabenö Jo̧nö.

Éxodo 10:20

Jo̧kwaijayonö Isabenö Jo̧ma faraónnö, ina omajade 'diinö ji̧nö weobetjö̧ Israel jojodönö latjebobö webijökötö faraónma.