Éxodo 10:14 - Dios Iwene

¹⁴ Ja̧danö, ma̧la̧ka̧yö̧ma ichö okobe jwiinö Egiptonö mebijadötö. Ja̧ möle baledi̧ma, ma̧la̧ka̧yö̧ ba̧jȩkwadö metji̧danöma la'akatjöda edaitjö̧kö̧. Ja̧danö, jejenö metjinadanö yemidanöbi tjedökakobe jojodöma, ma̧la̧ka̧yö̧ ba̧jȩkwadö metji̧ma.

Éxodo 10:14 Referans Kwoze

1 Reyes 8:37

—Ja̧danö ju'wibi atebakwö chuluwo̧, ju'winö bemi niji israel nijima suli̧ waekwena, baikwö yöta̧la: Ju'winö bemi nijitjö a̧wi̧chi̧ tjöena. Jadanö ju'winö pokwi̧ woabobedanö ichejekwena, otiwanö wa̧jö̧könö. Ja̧danö ju'winö ma̧la̧kayu ichö suli̧ tjöwaedena. Ja̧danö ju'winö tjöpöjojodö bemi niji comunidad tjösawö, niji suli̧ tjöwaedena. Ja̧danö ju'winö ju'wi ja̧ jaye baledi̧ baledena, niji suli̧ waekinö.

Deuteronomio 28:42

Ja̧danö ju'wibi, ba̧jekwadö ma̧la̧kayu ichö, kwiteboduwi ba̧kwemeachibanö, okobe jwiinö kwakwawa waji̧ towibiya tjukwakwedö, ja̧danö ju'wi batjo pokwi̧bi jwiinö tjukwakwedö.

Éxodo 11:6

Ina ökwönö yöawobe: Jejenö balediawö̧ Egipto jojodöma labinö tjubudekwakobe okobe jwiinö Egiptonö. Tjubudekwi̧ma la'akatjöda jejenö budekwajitjökenanö, damötjö̧bi babebi, bemi bajalekwöbi.

Deuteronomio 28:38

—Ju'wibi yötawaduwakwö, wei̧ a̧ja̧kwökönö kwö̧jaduwiökwe Dios ökwödönö suli̧ öwaedakwa̧ma: Batjo kwotidaduwenama, nöinö ödebiya e'ewö kwödaduwakwedöja, jo̧kwaijayonö nöinö kwödaduwijayonö, waji̧ma ja'yubeda kwe'daduwakwedöja, kwe'daduwakwa̧ abönö ma̧la̧ka̧yö̧ tjukwakobetjö̧.

Éxodo 9:18

¡A̧ja̧kwitjö! Jejenö chömöledönö latjebobö kakatakwawokobetjö̧ itekwayi babedajayena mölejebetjö ojwiyo o̧bi̧danö tiyuwi̧ ö̧wi̧ya̧ Egiptonö jwiinö labinö tjoduwima wetocha. Jejenö itekwayi jwiinö labinö tiyuwi̧ inawi̧ya̧ tjoduwakwa̧danö la'akatjöda tjoduwinokobe. Egiptoma ajayinö tjö̧jinelö babe baibanö jejenö tjoduwi̧ma edaitjökö.

Proverbios 30:27

Ju'wedönöbi yötawa: Ma̧la̧ka̧yu̧ma idöda tjuluwo̧ jobadönö weobö deijayonö waisanö bakwobe kö̧ba̧ladö, ba̧jȩkwadö. Guardia jojodödanö ölakwabikwawö bakwobe tji̧'yi̧danö ma̧la̧ka̧yu̧ma bakwobe 'ya̧nö okobe jwiinö pokwi̧ma kwanö söbebö lobadö.