Efesios 6:15 - Dios Iwene

¹⁵ Chömöledö Dios iwene, otiwa jawa iwenema omukwata̧lö ju̧kwaduwi. Ja̧ iwene tjo̧'wo̧ luwo̧ ösöwachibanö pjaati̧ wenema. Ju'wi wanedö yötawa: 'Bötjabikwawakwedöma otiwanö, mebökönö tji̧'yo jö̧ba̧löma, bota 'dubawadö. Ökwödöbi ja̧danö, bota 'dutjawi̧danö, Dios iwene 'dubawaduwi, tjo̧'wo̧ luwo̧ ösöwachibanö pjaati̧ iwenema. Jejenö 'dubawaduwi jemi tupakwö otiwanö, mebökönö kwi̧'yaduwobö.

Efesios 6:15 Referans Kwoze

Isaías 52:7

Ayö, otiwa jawa wene yötjawakwedö tjichi̧ma jwiinö otiwobe, mösa'ijutjö tjömasapiya edö, —Jwiinö otiwobe, —jö̧ba̧lö edadösa. Jau, wene jwiinö dö̧jakwa̧ wene yöbawö ichadö, do̧'wo ösöwachibanö ja̧kwawa jawa yöbawö ichadö, otiwanö dö̧ji̧bakwa̧ jawa yöbawö ichadönö edö ösödadösa. Jau, Sion mösa'o ju̧kwadönö yöbawadö, —Kwuluwo̧ Diosma webö jo̧, —jö̧ba̧lö, ja̧danö ja̧ wene yöbawadö tjichi̧ma do̧'wo ösöwachibanö edadösa.

Romanos 10:15

Ja̧danö, ¿dakwö yöawobö yöbawo̧ma, jo̧banö, Yöbawaji, jö̧ba̧lö wetjokobema? Waekwena, ¿jö̧tö? Dios iwene baikwö laebobe Dios iwene yöbawadönöma: Otiwa jawa wene yötjawakwedö tjichi̧ma jwiinö otiwobe, jö̧ba̧lö laebobe.

Lucas 15:22

Jejenö yöa̧lijayonö, isabenö chitji̧ kwö̧joböma mikwawö̧kö̧ja jö̧ba̧löma atadinokobe abe'doma. Itji̧nö ösödö ömöayedönö weinobe: Juluwanö ichejebaduwi inesö otiwado̧ jeledo̧tjö bajalekwönönö otiwado̧ kamijido̧ma, ja̧danö ja̧do̧nö bite chitji̧nö 'dubataduwi. Ja̧danö tjötö'anö nönawakwawabi, ötö'anö nönaduwi, ja̧danö sapatu ömasapiyanö 'dubataduwi, isabenö bitema ötjöda chitji̧obetjö̧.

Deuteronomio 33:25

Tjitebo comunidadkwena 'dii jawanöbi, broncenöbi, tjöbekwö tjotidakobe, ja̧danö ina 'yatja̧layi wene jwiinö tjö̧jakwedö.

Marcos 6:9

Ja̧danö, kamisi balekwado̧bi jwiinö tji̧'yobö webijetö. Ja̧danö, sapatu 'dubawö tji̧'yobö webijetö Jesúsma iteda öba̧ja̧di̧ waisachadönö.