Efesios 5:17 - Dios Iwene

¹⁷ Jo̧kwaobetjö̧ mikwawökö jawama ja̧köbaduwa chömöledö. Dios ösödi̧da ja̧bö kwöwaisachibaduwo jö̧ba̧laduwi.

Efesios 5:17 Referans Kwoze

Romanos 12:2

Ja̧danö, ju'wedö böjȩ jojodö ja̧bö tjö̧ji̧danöma ja̧bö kwö̧jaduwoko chömöledö. Diosma kwomukwataduwi̧ balewachinö ja̧obö ösödo̧, ja̧danö balewachinö ja̧obö weköbaduwo, 'yayi̧ jawada omukwatadö bakibaduwanö. Ja̧danö, Dios ökwödö kwomukwataduwi̧ balewachinö ja̧itjö̧ma, Dios ösödi̧ jawa kwöwaisaduwena, inesö otiwa jawa, sulabe jwii̧ jawama.

1 Tesalonicenses 5:18

okobe jwiinö baledi̧ma, Diosnö kwösödaduwo, otiwanö pjabato̧ja jö̧ba̧lö. Jejenö ökwödö Cristo Jesúsnö dötewadö kwö̧jaduwobö ösödo̧ Diosma.

Colosenses 1:9

Jo̧kwajabetjö̧ ökwödönö da̧ja̧kwina möle baikwö bajalenö, kabatökönö ökwödönö omukwatö Diosnö adebobe chömöledö. Jau chömöledö, Diosnö adebobe, okobe jwiinö jo̧ba ösödi̧ma ökwödönö öba̧ja̧do jö̧ba̧lö. Dios O̧'wo̧ Luwo̧ ökwödönö pjaatobö adebobe chömöledö, waisanö omukwatö kwöwaisaduwobö Dios ösödi̧ma,

Efesios 5:15

Jo̧kwaobetjö̧ chömöledö kwo̧'wo̧ luwo̧duwi okwanö otiwanö omukwatö jweinö 'ya̧duwi. Ökwödöma Dios iwene kwöwaisaduwobe. Jo̧kwaobetjö̧ ju'wedö Dios iwene wajwibadö tjuju̧kwi̧danöma kwuju̧kwaduwa.

1 Pedro 4:2

tupakwö diteba'onö dö̧jakwa̧ma jojodö ösödö ja̧tji̧danö ja̧bökönö, Diosda ösödi̧danö ja̧bö dö̧jakobetjö̧.

Colosenses 4:5

Chömöledö, ju'wedö Cristonö ösödöködökwö ja̧bö kwö̧jaduwi̧ma waisanö omukwatö ja̧bö kwö̧jaduwo. Jobadönö Cristo jawa kwi̧sebaduwobö jȩnama, i̧sebö kwö̧jaduwo, jobadöbi tjö̧jibo jö̧ba̧lö.

Juan 7:17

Ja̧danö, Dios ösödi̧ ösödadöma, ötjö yötawi̧ a̧ja̧kwö, ötjö chomukwati̧ yötawojobö, Dios omukwati̧da yötawojobö, tjöwaisachibakobe.

Diosnö ösödo̧ Job mikwo̧ usula emawina jawa 28:28

bö̧jȩ jojodönö yöawinobe baikwö: –Isabenö waisanö omukwatakwawa waisadöma, Isabenö Jo̧ Diosnö yebabinö omukwatö ösödadöda, ja̧danö isabenö waisanö omukwatakwawa okwa jawa waisachibadöma, sulabenö ja̧awa öpöjödö kabatibadöda, –jö̧ba̧lö yöawinobe Diosma, —Job yöa̧linobe.

Proverbios 14:8

Ja̧danö, ju'wibi yötawa: Ö'wiyawakwawönö omukwato̧ma jweinö 'ya̧kwawa di̧yajö jö̧ba̧lö, jelobekwö 'ya̧kwawa di̧yajö̧ jö̧ba̧lö waiso̧, jweinöda i̧'yakobetjö̧. Jobekwö i̧'yokobe jweinö omukwatö̧kö̧ma. Jo̧bama chi̧'yoböma chöwaisa, jö̧ba̧lö yöa̧lijayonö wajwibo̧. Itedada omöna yöba̧lo̧ chi̧'yakwa̧ma chöwaisa, jö̧ba̧lö. Jobekwö yöa̧lijayonö wajwiobetjö̧ jelobekwöda 'yo̧.

Deuteronomio 4:6

Isabenö teada̧lönö yötawi̧ jawa a̧ja̧kwö kwö̧jaduwobö jo̧be chömöledö, suli̧ jawa öpöjödö, waisanö otiwi̧ jawada do̧balö̧ kwö̧jaduwi̧ wene öwawakobetjö̧. Jau chömöledö, otiwanö Dios wei̧ ökwödönö yötawi̧ jawa a̧ja̧kwö kwö̧jaduwitjö̧ma, ju'wedö tjitebokwena jojodöma Dios wei̧ a̧ja̧kwö kwö̧jaduwi̧ma tja̧ja̧kwakwedö. Ja̧danö, a̧ja̧kwö, ökwödönö yötja̧lakwedö, –Israel jojodöma isabenö waisanö omukwatadötjobetjö̧, Dios wei̧ otiwanö a̧ja̧kwadö, –jö̧ba̧lö.

Proverbios 23:23

Chitji̧, kwö̧jima baikwö kwö̧jo: Omöna yötjawi̧ jawa a̧ja̧kwökönö isabenö ji̧ jawa yötjawi̧ma ösödö kwomajadenö kwanawo. Ja̧danö, jweinö omukwatö ja̧kwawa yötjawi̧ ösödö kwomajadenö kwanawo. Ja̧danö, jwebebö yötjawi̧ ösödö kwomajadönö kwanawo, jobekwöda chö̧jobö jo̧be jö̧ba̧lö. Ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisakwawama ösödö kwomajadenö kwanawo. Jobekwö omukwatö kwö̧jo chitji̧, ja̧ waisakwawa la'akatjöda kakatiboko.