Efesios 5:14 - Dios Iwene

¹⁴ Jejenö omukwatö bakwo̧ma damötjö wȩyudijetö biya̧, damötjö lo̧awadanö: Wilubaduwi ökwödö aba̧ladödanö ju̧kwadöma. Yemidanö 'yabibajaduwi ökwödö wobinadödanö ju̧kwadöma. Cristoma ökwödö kwo̧'wo̧ luwo̧duwi okwanö dewinö idejatakobe kwöwaisachibaduwobö. Jejenö wȩyudijetö damötjö.

Efesios 5:14 Referans Kwoze

Isaías 60:1

Chömöledö israel jojodö, a̧la̧ibaduwi. A̧la̧ibö, Dios dejatinö ujulu i̧sȩkwaduwi. Jau chömöledö, Isabenö Jo̧ma iteda dejatinö ujulu i̧sȩbö, ökwödönö pjaatajabe, jo̧kwajabetjö̧ dejatinö ujuluma ökwödönö idejatajabe.

Isaías 26:19

Jo̧kwaijayonö, Diosnö ösödadötjö ö'wö babibajadöma, isabenö a̧tjabayedö yemidanö 'yatjibakwedö. Jo̧kwajabetjö̧ ökwödö nijiso̧pjanö ba̧jadöma, wilubö kwo̧'woduwi ösöwachibanö lo̧köbaduwo. Jau, 'yakibaduwanö idejatakwo̧ Diosma, si̧li̧'idö tji'oli pokwi̧ pokwobö pjaati̧danö, Dios ökwödönö dejatima 'yakibaduwanö idejatakwo̧. Wanedö yöta̧la, jojosuju jitji̧nö jemi̧danö bö̧jȩma jojodönö emakobe ichejekwa, niji okwa ju̧kwadö ö'wö babibinadöma yemidanö 'yatjibajakobetjö̧. jö̧ba̧lö lo̧tjakwedö.

1 Tesalonicenses 5:6

Jo̧kwajabetjö̧, wanedö yötawa: Kwo̧'wo̧ luwo̧duwi jawama, ju'wedö tjaba̧li̧danöma daba̧laduwoko chömöledö, möle eda̧ladödanö dö̧jo, 'dukwachinö jö̧könö.

Isaías 52:1

Wilubi, wilubö a̧la̧ibi Sion mösa'o, yemidanö juluwachibi. Ökwö Dios itebo comunidad baibanö 'da̧batö ujuninemi Jerusalenma, otiwa̧do̧ 'dubawi, yȩbekwadöbi, Diosnö öpöjödadöbi kwitea apjude okwa tetjachökakwedö bemi tupakwöma.

Colosenses 3:1

Chömöledö, Cristokwö 'yakibajinaduwobe, jo̧kwajabetjö̧ mölejȩ jawa kwisakwaduwo. Jau chömöledö, Cristoma mölejȩbe Dios öwaisobekwöchobe bo̧, jo̧kwajabetjö̧ jo̧ba ö̧jobe jawada isakwö kwö̧jaduwo.

Isaías 51:17

Ökwödö 'dukwachawö̧danöbedö Jerusalen jojodöma, wilubaduwi, wilubö a̧la̧ibaduwi. Wanedö yöta̧laduwakwö, Isabenö Jo̧ma iteda ödameakwi̧ a̧ja̧'do̧ deja'do̧tjö kwowaduwobö iyinobe, ja̧danö iyajawö̧, okobe jwiinö kwowaduwajabe, ja'yubebi ji̧bökönö kwowaduwajabe, inesö yeabikwawa jawa deja'do̧ a̧ji̧ma.

Romanos 6:13

Ja̧danö, ja'yubebi suli̧ wei̧tjöma ja̧köbaduwa chömöledö. Wainö ja̧köbaduwo chömöledö. Ökwödönöma Dios ja̧inawö̧ja woawatjö tjekachajaduwinö chömöledö. Jo̧kwajabetjö̧, jo̧bada ömöayedö baibanö kwö̧jaduwo chömöledö. Jwaikwöda Dios wei̧da ja̧bö kwö̧jaduwo, suli̧ wei̧tjöma ja'yubebi ja̧bökönö. Ja̧danö, Dios ömöayedö ja̧nö, otiwanö ja̧bö kwö̧jaduwo, jo̧ba wei̧danö.

Juan 9:5

Ja̧danö, ötjöma dewinö jo̧sa. Böjȩnö ja̧nö dewinö chidejatobe jojodö tjo̧'wo̧ luwo̧ okwanö, otiwanö tjedobö— yöawinobe Jesúsma.

Juan 8:12

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Efesios 2:5

sulabenö ja̧bö dö̧jijayonö pjaatinobe Diosma. Ökwödöma do̧'wo̧ luwo̧nöma wobinadödanö dö̧jijayonö Diosma, do̧'wo̧ luwo̧nö 'yadibajinö ja̧inobe, Cristokwöda dö̧jobö. Chömöledö Diosma mikwa jwiinö otiwa jawa iyö dö̧jibanö pjaatinawö̧sa.

1 Corintios 15:34

Sulabenö ja̧köbaduwi̧ kabatibö, tjekachajaduwo chömöledö, yemidanö jweinö kwomukwataduwo jö̧ba̧lö. Isabenö yötawaduwakwö chömöledö, ökwödötjö ju'wedöma Diosnö wajwibadöja chömöledö, ja̧danö jo̧banö wajwiköbaduwobetjö̧, kwötabakwaduwobö jo̧be.

2 Timoteo 1:10

Ja̧danö babema ja̧ omukwatö ujunina wene ökwödönö i̧sebinobe, dö̧jibinö pjabato̧ Cristo Jesús ichinenama. Jau Timoteo, Cristo Jesúsma woawa ujulu söbebö loinobe, ja̧danö otiwa jawa wenetjö isabenö ja̧kwawa, ba̧kwȩlö̧jatebö ja̧kwawa ökwödönö i̧sebinobe.

2 Timoteo 2:26

Jau Timoteo, jobadö öpöjödadöma Awetja ujunina 'daliwanö lö̧jajadö Awetja wei̧da ja̧tjo jö̧ba̧lö. Jo̧kwaijayonö Dios pjaatitjö̧ma Awetja ujulutjö tjö̧jibena. Jo̧kwajabetjö̧, tjöpöjojodönö dösölö̧jinö yöba̧lö pjatjatobö jo̧be Duluwo̧ ömöayedöma, bidönöbi Dios pjaatena jö̧ba̧lö.

Hechos 13:47

Jejenö yödawitjö̧ma jwiinö otiwena, Duluwo̧ma judío jojodöböködöbi tja̧ja̧kwobö weinobetjö̧. Baikwö laebobe Duluwo̧ iwenetjöma: Ökwönö 'da̧batö chujuna ötjö chiwene, ji̧bakwawa wene judío jojodöböködö tjöwaisinö yökawobö. Wanedö yötawa. La̧pa̧la̧yu̧ yȩobe tjidejatemi dewi̧danö, ökwödönö wetocha jojodönö yökawaduwobö ji̧bakwawa wenema. Jojodöma ökwö yökawi̧ a̧ja̧kwö, la̧pa̧la̧yu̧ tjidejatemi dewi̧danö edö tjöwaisachibakwedö, ji̧bakwawa wenema. Böjȩ bakwameachibanö ja̧ ji̧bakwawa wene yöbawö kwi̧'yo, jö̧ba̧lö laebobe Duluwo̧ iwenetjöma— jö̧ba̧lijadötö Pablo, Bernabé.

Lucas 1:78

Jau chitji̧, Diosma dösölö̧jinö lȩlö̧jinö edo̧obetjö̧, mölejȩbetjö yȩayi dewachena dejato̧ma omönanö dejatö ichakobe,

Lucas 15:24

Bite chitji̧nö woinenaö̧kö̧ jö̧ba̧lö domukwatinajayonö, woawatjö tjeachajinobedanö ichejekwobetjö̧, ja̧danö ile'dewinajayonö, bajalianö yemidanö jo̧banö döbadekwajabetjö̧. Jo̧kwajabetjö̧ do̧'wo̧ ösöwanö pjiesta dukwaduwo, jö̧ba̧lö weinobe iteda ömöayedönö.

Efesios 2:1

Chömöledö, Diosma ökwödö wobinadödanö ju̧kwadönöma yemidanö 'yakibajaduwinö ja̧inobe, kwo̧'wo̧ luwo̧duwinöma. Jau chömöledö, ökwödöma ajayinöma Dios wei̧ öpöjödö, sulabe kwösödaduwi̧da ja̧bö kwuju̧kwaduwobetjö̧ wobinadödanö kwuju̧kwinaduwobe, kwo̧'wo̧ luwo̧duwinöma.