Efesios 4:27 - Dios Iwene

²⁷ Jau chömöledö, kwo̧'wo̧ suladuwi̧ma kwo̧'wo̧ sököbaduwo. Lekwe kwo̧'wo̧ kwusulawaduwenama Awetja iteda ösödi̧da ja̧köbaduwinö weobö jo̧be. Chömöledö ja̧bökönaduwi Awetja ökwödönö sulabenö ja̧köbaduwinö weobö ji̧ma.

Efesios 4:27 Referans Kwoze

Santiago 4:7

Jo̧kwaobetjö̧ chö̧ja̧wo̧dö, Ökwödöma luwedösa, jö̧ba̧lö, omukwatökönö, Dios ösödi̧da isakwö kwö̧jaduwo. Jejenö ja̧nö Awetjanö kwöpöjödaduwo, jo̧ba ösödi̧ ja̧bökönö. Jejenö jo̧banö öpöjödö, jo̧ba ösödi̧ ja̧bökönö kwö̧jaduwiökwe jo̧bama kwö̧jaduwobetjö döibajakwo̧.

1 Pedro 5:8

Jweinö omukwatö eda̧lö kwö̧jaduwo chömöledö, kwöpöjojo Awetjama, ökwödönö suli̧ öwaedobö isakwobetjö̧. Kwöpöjojonö baikwö wanedö yötawa chömöledö: Didiba nöbo̧ma tulubö kwebacho̧, ukwakwo̧nö isakwö, ¿jö̧tö? Ja̧danö, Awetjama ökwödönö suli̧ öwaedobö isakwo̧ chömöledö, jo̧kwajabetjö̧ jweinö omukwatö eda̧lö kwö̧jaduwobö jo̧be.

Efesios 6:16

Ju'wi jawabi tjöbeba̧lakwawö kwö̧jaduwobö yötawaduwakwö. Chömöledö, sulabo̧ Awetjama ökwödönö sulabenö ja̧otö jö̧ba̧lö webo̧ ¿jö̧tö? Jo̧kwaijayonö Jesúsnö kwösödaduwobetjö̧, jo̧banö kwo̧'wo̧duwi wana̧lö tjöbeba̧lakwawö kwuju̧kwaduwobe, Awetja wei̧ teachibökönö. Ju'wi wanedö yötawa: 'Bötjabikwawakwedöma 'dii̧ jawatjö otikwapi do̧ba̧lö tjöbeba̧lakwawö 'ya̧dö, tjöpöjojodö 'bötjena tjöeba̧lapi. Ja̧danö, ökwödöbi Jesúsnö kwo̧'wo̧duwi kwöwana̧laduwi̧nöda tjöbeba̧lakwawö 'ya̧duwi chömöledö, Awetja wei̧ma teachibökönö.

Efesios 6:11

Chömöledö, Awetja, omöna yöba̧lo̧ma ökwödönö jelobe kwi̧'yaduwobö, öikwa jö̧ba̧lo̧. Jo̧bama jejenö öibenama ¿dakwö bakibaduwobeda, jelobe omukwatadö bakibaduwokoböma? Biya̧ chömöledö. Dios ujulunöda tjöbeba̧lakwawö ju̧kwaduwi. Wanedö yötawa: 'Bötjabikwawakwedö 'dii̧ jawa 'dutjawaja̧ tjöbeba̧lö ji̧danö ökwödöma tjöbeba̧lakwawö ju̧kwaduwi, okobe jwiinö Dios ujulunöda.

Hechos 5:3

Jejenö iyiökwe Pedroma jö̧ba̧lijetö: —Ananías, kwu̧kwa niji midö kwemaja̧ baladama ¿tajawedö Awetja ökwö kwomajade okwanö yöali̧danö yöka̧lajabe? ¿Tajawedö Dios O̧'wo̧ Luwo̧nö omöna yöka̧laja̧da, kwu̧kwa niji midö tjemaja̧ baladama?— jö̧ba̧lijetö—

Romanos 12:19

Chömöledö, ju'wedö ökwödönö sulabenö ja̧tjenama, balekwa mikwa yelösöda ja̧bökönaduwi sulabenöma. Diosda sulabenö ja̧badönö lȩbebo̧ chömöledö, ökwödömaökö. Baikwö laebobe Dios iwenema: Duluwo̧ma baikwö yöawobe: Ötjödasa balekwa mikwa lȩbebo̧ma, ötjöda lȩtebocha jojodö sulabenö ja̧tji̧ mikwa, jö̧ba̧lö laebobe Dios iwenema.