Efesios 3:8 - Dios Iwene

⁸ Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.

Efesios 3:8 Referans Kwoze

Colosenses 1:27

Jojodö ajayinö wajwitjina wene Diosma iteda ömöledönö i̧sebobö jö̧a̧lobe, inesö otiwi̧ wenema. Ja̧danö ja̧ wenema sule judío jojodönöda i̧sebobömaökö, judío jojodöböködönöbi ja̧ ajayinö wajwitjina wene i̧sebobe chömöledö. Ja̧ wajwitjina wenema biya̧ chömöledö, Cristoma kwo̧'wo̧ luwo̧duwinö ö̧jobetjö̧, inesö otiwobe mölejȩbe kwö̧jaduwakwedöja jö̧ba̧lö.

1 Corintios 15:9

Jau chömöledö, Jesús webawedötjö, baikwönönöbo̧sa ötjöma, ja̧danö Jesús webawo̧ jö̧ba̧lö ötjabobö mikwawö̧kö̧sa ötjöma, Dios ömöledönö usula tjemawinö ja̧tinobetjö̧.

Efesios 3:16

Jo̧bama jwiinö juluwo̧obetjö̧ ökwödönö pjaatobö atebobe jo̧banö, Dabe'do Diosnöma. Iteda O̧'wo̧ Luwo̧ma ökwödö kwo̧'wo̧ luwo̧duwi juluwachibanö pjaatobö, ja̧danö, tupakwö kwi̧'yaduwobö atebobe chömöledö.

Efesios 2:7

Jejenö ja̧bijetö Diosma ba̧kwȩlö̧jatebö i̧sebobö iteda jwiinö otiwanö pjaatinama ökwödönö, mikwa jwiinö iyö, Cristo Jesúsnö weinama.

1 Timoteo 2:7

Ja̧danö, Diosma okobe deinö tjö̧jibobö ösödo̧obetjö̧, ötjönö weinobe, Jesús webawo̧ batibanö, ja̧danö judío jojodöböködönö yöbawo̧ batibanö. Ja̧danö, ötjönö weinobe judío jojodöböködönö isabenö wene yötawobö, Jesús jawa isabenö wene yötawobö weinobe. Ja̧ yötawi̧, judío jojodöböködönö yötawobö weinobe jö̧ba̧lö yötawi̧ma, jweinö yötawa, omöna yöta̧lökö.

1 Timoteo 1:13

Damötjö Cristonö chösödakwa̧ abönö, sulabenö yöba̧liachijatö Cristonöma, sulabo̧ jö̧ba̧lö. Ja̧danö, jo̧banö öpöjödö sulabenö ja̧biachijatö jo̧banöma. Jo̧kwaijayonö, jejenö ja̧tinajayonö, ötjönö ösödö 'da̧batö ujuninobe, Cristo wei̧ chotidobö. Jau, wajwibö chöpöjödijatö Cristonöma, Cristoma Dios weökökwe, jö̧ba̧lö. Ja̧danö, wajwibö chöpöjödiökwe, Diosma lȩlö̧jinö edinobe ötjönöma.

Gálatas 1:16

Ja̧danö, Dios ösödenama, iteda itji̧ Jesúsnö i̧sebinobe ötjönöma, judío jojodöböködönö Jesús jawa wene yötawo jö̧ba̧lö. Jejenö baibenama, jojodökwödama yöta̧lakwawijökötö, chotidakwa̧ chöwaiso jö̧ba̧löma,

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.

Romanos 2:4

Chömöledö, Diosma lekwe ite'ada̧lobe ökwödönöma. Lȩbebökönö lekwe ite'ada̧lobe, sulabenö ja̧köbaduwijayonö. Ja̧danö ite'ada̧lobema, ¿kwomukwataduwökenaji̧? Diosma lekwe ite'ada̧lobe ökwödönöma, sulabenö kwomukwataduwi̧ kwöbalewachaduwo jö̧ba̧lö, jweinö kwomukwataduwo jö̧ba̧lö.

2 Timoteo 1:11

Ja̧danö, ja̧ wene yötawo jö̧ba̧lö Diosma 'da̧batö ujuninobe ötjönö, yöbawo̧ batibanö, ja̧danö Cristo webawo̧ batibanö, ja̧danö ja̧ wene ba̧ja̧do̧ batibanö.

Efesios 3:19

Jau chömöledö, Cristoma jwiinö ile niebobe ökwödönöma. Ökwödö jojodöma Cristo ile niebi̧ domukwati̧ma waiyobe, ¡Ayö! ¿dakwö jö̧ba̧lö ile niebobejö? jö̧ba̧lö, domukwatena. Do̧datibökönö ichejekwobe ¿jö̧tö? Chömöledö, yayonö Diosnö atebobe kwöwaisachibaduwobö jo̧ba jwiinö ile niebi̧ma ökwödönö. Jejenö, Dios ile niebi̧ kwöwaisachibaduwenama, itedadanö ösödabikwawö kwö̧jaduwakwedöja.

1 Corintios 2:9

Jo̧kwaijayonö, wajwitjinajayonö, Diosma isabenö otiwa jawa ökwödönö iyobö omukwatobe Dios iwene laebi̧danö. Baikwö laebobe Dios iwene: Diosma inesö otiwa jawa otidinobe jo̧banö ösödadönö iyobö. Jojodöma jejenöjaye otiwa jawama la'akatjöda edöködö, ja̧danö la'akatjöda a̧ja̧kwöködö, ja̧danö la'akatjöda tjomajadenö omukwatöködö, tjomukwati̧tjö bajalekwönönö otiwobetjö̧. jö̧ba̧lö laebobe.

Romanos 12:10

Ja̧danö, kwömöledö Jesúsnö ösödadönö kwösödaduwo, ökwöda kwöjawo̧danö, ja̧danö kwömöledöduwinö otiwanö kwomukwataduwo, ökwödada kwomukwatakwawemi o̧penönö jobadö kwömöledöduwinö otiwanö kwomukwataduwo, jobadönö ösödö.

Hechos 5:41

Ikenama Jesús webawedöma la'aka luwedö tjöba̧ja̧dobetjö labebijadötö. Ja̧danö, jobadöma tjo̧'wo̧ yelösöda ösöwanö jweinö omukwatijadötö, Ökwödöma Jesúsnö yödawobetjö̧ inia tjödajabe, jö̧ba̧lö.

Apocalipsis 3:18

Chömöledö, jejenö usulasedödanö kwö̧jaduwobetjö̧ ökwödönö pjabatö yötawaduwakwö, wanedö yöbawö. Ötjötjö orotjö kwemaduwo juna̧ladödanö bakibaduwakobetjö̧. Ja̧ oro, ökwölatjö laebaja̧ bakwai̧ oro, jwiinö mikwawi̧ oroma. Ja̧danö, ja̧ oro, ötjötjö kwemaduwi̧ oroma, Dios isabenö mikwawi̧ iyi̧ jawa wanekwachobe. Ja̧danö, kamisi̧ dewi̧ o̧di̧juma ötjötjö emibö 'dukawaduwo, otiwanö taba jwiinö kwekachaduwakobetjö̧. Ja̧danö, jowobu'be ötjötjö emö, kwöbajalebiyaduwi kwa̧bekwaduwo yemidanö otiwanö kwedaduwakobetjö̧.

1 Timoteo 1:15

Jau Timoteo, Cristo Jesúsma böjȩkwö ichinobe sulabenö ja̧badönö tjö̧jibinö ja̧obö. Ja̧ wenema isabenö wene Timoteo, okobe deinö ja̧ wene tjösödobö jo̧be. Ja̧danö, ökwönö yötawa, jobadö sulabenö ja̧badötjö, o̧penönö sulabenö ja̧bö ji̧achijatö ötjöma.

Hechos 9:15

Jejenö jö̧a̧liökwe Duluwo̧ma jö̧ba̧lijetö: —Yayonö jo̧ba ö̧jobekwö 'ya̧wi Ananías. Jo̧banö ötjö jawa wene yöbawo̧ baibanö 'da̧batö chujunökweobetjö̧ 'ya̧wi. Jo̧bama Israel jojodöböködönöbi, Israel jojodöböködö tjuluwedönöbi yöawakwo̧ ötjö jawa wenema. Ja̧danö, Israel jojodönöbi yöawakwo̧ jo̧bama ötjö jawa wenema.

Filipenses 4:19

Jau chömöledö, jo̧ba Diosma otiwanö ötjönö te'ada̧lo̧, ja̧danö ökwödönöbi ite'ada̧lakwo̧ chömöledö, iteda nöinö ujuna̧li̧tjö okobe jwiinö kwujuna̧lo jö̧ka̧laduwi̧ iyakobe, ökwödö Cristo Jesúsnö dötewadönöma.

Gálatas 2:8

Jau chömöledö, Diosma Pedronötjö judío jojodönö pjaatinobe, ji̧kwawa wene tja̧ja̧kwobö, ¿jö̧tö? Ja̧danö, ötjönötjö Diosma judío jojodöböködönö pjaatinobe, jobadöbi ji̧kwa wene tja̧ja̧kwobö.

Filipenses 2:3

Ja̧danö, ja̧köbaduwi̧ma, ökwödöda kwemaduwotö jö̧ba̧löma kwisakwaduwoko, ja̧danö ökwödönö tjomukwatoböma, Aaa, bidöma otiwadö jö̧ba̧lö tjomukwatoböma kwisakwaduwoko chömöledö. Jau chömöledö, mikwawadösa jö̧ba̧löma kwomukwataduwoko, ju'wedönöda kwösödaduwo, ötjönötjö bajalekwönönö mikwawadö jö̧ba̧lö.

Efesios 3:2

Dios ötjönö 'da̧batö ujuninama kwa̧ja̧kwinaduwobe ¿jö̧tö? Diosma ötjö chotidawa otiwanö iyö 'da̧batö ujuninobe, ökwödö judío jojodöböködönö pjatatobö.

1 Corintios 1:30

Ja̧danö, Diosma ökwödönö Cristo Jesúskwö bakobe bakibaduwanö ja̧inobe. Ja̧danö Diosma Cristonötjö iteda öwaisi̧ waisakwawa ji̧ma ökwödönö iyobe. Jau chömöledö, Cristoda sulabe jwibadö badibanö ja̧binama, ja̧danö Cristoda Dios ömöledö badibanö ja̧binama, ja̧danö Cristoda dö̧jibobö midawö wobinama.

Juan 1:16

Yötawaduwakwö. Dios Itji̧ma ökwödönö jwiinö lȩlö̧jino edo̧obetjö̧, jwiinö lȩlö̧jino edö pjaatobe ökwödönöma. Ja̧danö, ökwödönö jweinöda yöba̧lo̧obetjö̧, jweinöda yöba̧lö pjaatobe ökwödönöma. Ja̧danö, ba̧kwȩlö̧jatebö pjabato̧ ökwödönöma. Isabenö jo̧ba pjaati̧ 'dö̧ibajoböma jwiobe. Ba̧kwȩlö̧jatebö pjabato̧ ökwödönöma, yemidanöbi, yemidanöbi, 'dö̧ibajökönö.

1 Crónicas 17:16

Jejenö yöawiökwe, la'aka luwo̧ Davidma Dios iteapjo eju okwa tebachö, Isabenö Jo̧ öba a'o öbamatinobe. Ja̧danö, bamatajo̧, yöa̧linobe, —Chuluwo̧ Isabenö Jo̧ Dios, ötjöma mikwawö̧kö̧sa, ja̧danö chömöledöma mikwawöködö, ida̧ökö pjakataja̧danö pjakatoböma. Isabenö pjakato jö̧ka̧li̧tjö jwiinö bajalekwönönö pjakatajabe ida̧ökö chuluwo̧.

Efesios 3:1

Diosma jejenö ökwödö judío jojodöböködönö otiwanö pjaatinobetjö̧ ökwödönö omukwatö atebobe jo̧banöma. Chömöledö, ötjöma Cristo Jesús webawo̧sa iteda weina yötawobö. Ja̧danö, ökwödönö yötawobö weina yötawobetjö̧ ka̧lena ba̧kwaweju okwa tjödinökwesa.

Lucas 14:22

Weökwe uluwo̧ weaja̧danö i̧'yinobe, ja̧danö ȩwa̧jo̧ uluwo̧nö yöawinobe: Chuluwo̧, weköbaja̧danö comunidad jojodönö chichejebajabe tjukwobö, jo̧kwaijayonö ina su̧'bȩ baibokobe pjiesta kwakwawȩko̧ma, ina ju'wedöbi tebachö tjukwobö jo̧be, jö̧ba̧lö.