Efesios 3:21 - Dios Iwene

²¹ Jo̧banö ba̧kwȩlö̧jatebö dösödaduwo, Diosma jwiinö otiwo̧, jö̧ba̧lö. Ökwödö Jesúsnö ösödadö, Jesúskwö bakobe dötewadöma Diosnö dösödaduwo ba̧kwȩlö̧jatebö.

Efesios 3:21 Referans Kwoze

Judas 1:25

Jau chömöledö, Diosma bakwo̧da, jelo̧ma deobe, ja̧danö Duluwo̧ Jesucristonötjö Diosda dö̧jibinö pjaatajabe. Jo̧banöda okobe deinö tjösödo jö̧tja̧lökwema, jo̧bada inesö salöinö dejato̧ma, jo̧bada okobe jwiinö juluwo̧ma, jo̧bada inesö la'aka luwo̧ma, la'akatjö böjȩ otidakwa̧ abönöbi, babebi, ba̧kwȩlö̧jatebö 'dö̧ibajökenanöbi, jejenö otiwa. Biya̧data.

Romanos 11:36

Jau chömöledö, Diosda okobe deinöbi, okobe jwiinöbi otidina. Ja̧danö okobe jwiinöbi okobe deinöbi iteda ujulunöda dö̧jobe böjȩnöma, Dios ösödi̧ ja̧bö dö̧jo jö̧ba̧lö. Jo̧banöda dösödo ba̧kwȩlö̧jatebö chömöledö, Otiwo̧ja, juluwo̧ja, jö̧ba̧lö. Jo̧banöda dösödoböma chösöda chömöledö.

2 Pedro 3:18

Jau chömöledö, jobadö sulabenö yötjawi̧ ösödökönö, ökwödö Jesúsnö ösödadöma jo̧ba mikwa jwiinö iyi̧tjö kwöda̧peachaduwobö jo̧be, ja̧danö tupakwönönö Duluwo̧ dö̧jibinö pjabato̧ Jesucristonö döwaisachibobö jo̧be. Jo̧banöda otiwo̧ja jö̧ba̧lö dösödobö jo̧be chömöledö, babebi, ja̧danö ba̧kwȩlö̧jateböbi dösödobö jo̧be, jejenö otiwa. Biya̧da ötjö Simón Pedroma ökwödönö pjabatö wȩyudö wetaduwakwö chömöledö. Biya̧data.

1 Pedro 5:11

Isabenö otiwanö pjabato̧ Dabe'doma, jo̧bada ba̧kwȩlö̧jatebö, kabatökönö inesö la'aka luwo̧ ö̧jobö jo̧be chömöledö, jejenö otiwa. Jau chömöledö, usula kwemawaduwijayonö, 'diinö ja̧nö jwaikwöda Diosnö kwo̧'wo̧ wana̧lö kwö̧jaduwo, ökwödönö te'ada̧lo̧ jö̧ba̧lö.

Isaías 6:3

Ja̧danö bakwo̧nökwena jwötjakwawobe cha̧ja̧kwijatö, —Bakwainö sulabe jwibö jo̧, bakwainö sulabe jwibö jo̧, bakwainö sulabe jwibö jo̧, duluwo̧ Okobe Jwiinö Juluwo̧ Isabenö Jo̧ Diosma. Jo̧bama inesö dejatinö juluwo̧obetjö̧, okobe jwiinö bö̧jema iteda dejatinö ujulutjö su̧'bȩ baibajabe, —jö̧ba̧lö bakwonökwena jwötjakwawobe cha̧ja̧kwijatö.

1 Crónicas 29:11

Ökwödaja inesö dejatinö juluwo̧ma, ökwödaja inesö kwöpöjojodönö juluwo̧ma, ökwödaja okobe deinö tjuluwo̧ma chuluwo̧. Jau chuluwo̧, okobe deinö mölȩjȩnö ju̧kwadöbi, bö̧jȩnö ju̧kwadöbi ökwöda kwö̧möayedö, ja̧danö okobe jwiinö mölȩjȩnö ji̧bi, bö̧jȩnö ji̧bi ökwöda kwiteaobe chuluwo̧. Ja̧danö ökwöda inesö la'aka luwo̧köbobetjö̧, ökwönö ösödö yöda̧lakwö chuluwo̧.

Filipenses 4:20

Jo̧ba Dabe'do Diosnö otiwanö omukwatö dösödonö chömöledö, ba̧kwȩlö̧jatebö kabatökönö dösödonö chömöledö, jejenö otiwa.

Romanos 16:27

Okobe jwiinö ja̧i̧ waisanö ja̧bo̧ma Diosda, jelo̧ma deobe. Jo̧banöda kabatökönö dösödo, Otiwo̧ja, waiso̧ja, juluwo̧ja, jö̧ba̧lö, Jesucristo ökwödö dö̧jibinö pjaatinobetjö̧. Jobekwö chösöda chömöledö, jo̧banö dösödobö. Biya̧data.

Isaías 42:12

Ödö ju̧kwadö jwaibalawa ö'öbö ju̧kwadöbi Diosnö otiwanö omukwatö, jo̧banö kwösödaduwo, kwiteboduwi nijitjöbi yökawaduwo, —Diosma isabenö otiwo̧, —jö̧ba̧lö.

Filipenses 2:11

bȩbachibö öwaetjöda yötjawakwedö, Jesucristoma inesö la'aka luwo̧ jö̧ba̧lö, ja̧danö jejenö yötjawi̧ma, öwaetjöda i̧sebakobe, Abe'do Diosma isabenö otiwanö ja̧bo̧ jö̧ba̧lö.

Gálatas 1:5

Ba̧kwȩlö̧jatebö kabatökönö Diosnö dösödobö jo̧be, jejenö dösödobö chösöda.

2 Timoteo 4:18

Jau Timoteo, ja̧tjö chö̧jibanö pjaatinobe Duluwo̧ma, ja̧danö ju'wibi okobe jwiinö ötjönö sulabenö ja̧tji̧tjö chö̧jibanö pjaatakobe, ja̧danö iteda yöbawö weena mölejȩbe wene jwiinö chichibobö i̧'yejebakobe. Ba̧kwȩlö̧jatebö kabatökönö jo̧banö dösödobö jo̧be, otiwo̧ja, juluwo̧ja jö̧ba̧lö, jejenö otiwa.

Efesios 1:6

Jo̧kwaobetjö̧ iteda i̧tji̧mu badibinobetjö̧ dösödonö, Lȩlö̧jino edo̧, jwiinö otiwo̧, jö̧ba̧lö. Chömöledö ökwödöma Jesúskwö, Dios Itji̧ ile niebökwekwö, dötewinö badibinobetjö̧ Diosma ökwödönö jwiinö lȩlö̧jino edobe.

Lucas 2:14

—Mölejȩbe jo̧ Diosnö jwiinö tjösödobö jo̧be, ja̧danö böjȩtjö jojodö Dios o̧'wo̧ ösöwanö edawö̧ma wene jwiinö tjö̧jakobe— jö̧ba̧lö yötja̧linobe.

Efesios 2:7

Jejenö ja̧bijetö Diosma ba̧kwȩlö̧jatebö i̧sebobö iteda jwiinö otiwanö pjaatinama ökwödönö, mikwa jwiinö iyö, Cristo Jesúsnö weinama.

Mateo 6:13

Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Efesios 4:1

Jo̧kwaobetjö̧ chömöledö, Diosma ökwödönö otiwanö pjaatobetjö̧ budekwö lȩtebaduwakwö, Otiwanö Dios ösödi̧ jawada ja̧bö ju̧kwaduwi, jö̧ba̧lö. Ötjöma Duluwo̧ weina yötawobetjö̧ ka̧lena ba̧kwaweju okwama bo̧sa. Bena ba̧nö budekwö lȩtebaduwakwö, baikwö: Diosma ökwödönö jwöinobe iteda ömöledö bakibaduwobö. Jo̧kwaobetjö̧, iteda ömöledö bakibinaduwobetjö̧ otiwanö ja̧bö ju̧kwaduwi, iteda ösödi̧ jawada ja̧bö, chömöledö.