Efesios 3:16 - Dios Iwene

¹⁶ Jo̧bama jwiinö juluwo̧obetjö̧ ökwödönö pjaatobö atebobe jo̧banö, Dabe'do Diosnöma. Iteda O̧'wo̧ Luwo̧ma ökwödö kwo̧'wo̧ luwo̧duwi juluwachibanö pjaatobö, ja̧danö, tupakwö kwi̧'yaduwobö atebobe chömöledö.

Efesios 3:16 Referans Kwoze

Colosenses 1:11

Ja̧danö Dios inesö ujulutjö jwiinö kwujuluwachibaduwobö dösöda, me'dawachibökönö kwo̧'wo̧ 'dibachibö kwo̧'wo̧ ösöwanö kwö̧jaduwakobetjö̧,

Filipenses 4:13

Jau chömöledö, Cristoma chujuluwachibanö pjaatobetjö̧, okobe jwiinö ja̧ jawa chöbaledobö chujuluwobe.

Isaías 41:10

Yekabiduwoko ökwödö israel jojodö, ötjöda ökwödökwö jo̧chobetjö̧, ja̧danö kwo̧'wo tjo̧bekwö kwö̧jaduwoko, ötjöda kwösödaduwökwe Dioschobetjö̧. Jau, ötjöda kwujuluwaduwachibanö pjatatakwo̧sa, meköbaduwapji jö̧ba̧lö, ötjöda chömamu juluwamu chöwaisobekwöchobesamunö do̧balö pjatatakwo̧sa.

2 Timoteo 4:17

Ja̧danö, ju'wedö le'dedibö lotjijayonö, Duluwo̧ma le'dediböma loinokobe ötjönö, Duluwo̧ma ötjökwö ö̧jinobe, ja̧danö chujuluwachibanö pjaatinobe okobe jwiinö Dios yöawi̧ yötawobö. Jejenö pjaatobetjö̧, okobe deinö jobe ju̧kwadö judío jojodöböködöma Dios yöawi̧ tja̧ja̧kwinobe, ja̧danö ju'wibi, Duluwo̧ma chö̧jibinö pjaatinobe, lȩekwa luwedö ötjönö kwabö lotjapji jö̧ba̧lö.

2 Corintios 4:16

Babe wene döbaledi̧ma baikwö yötawa chömöledö: Nöinö usula demawijayonö, tupakwö dö̧jakwa̧ omukwatö ja'yubeda usula demawobe ichejekwa chömöledö, ja̧danö tupakwö ba̧kwȩlö̧jatebö otiwanö dö̧jakwa̧ma omukwatö, babe usula demawi̧ma lekwokobe ichejekwa. Ja̧danö chömöledö, usula demawi̧tjö Diosma inesö nöinö ba̧kwȩlö̧jatebö ji̧ salöinö ujulu iyakobe ökwödönö. Jau chömöledö, babe usula demawi̧tjö yelösöda bajalekwönönö, ja̧ salöinö ujulu dujuna̧lakwedösa, ja̧danö jejenöobetjö̧, do̧'wo̧ tjo̧bekwöma kadatibokobe. Jau chömöledö, diteba'o wamesa'o woijayonö, okwa luwo̧ do̧'wo̧ luwo̧ma la'akatjöda wobö̧kö̧, mölekwena kabatökönö tupakwö ujuluwachibanö jo̧ okwa luwo̧ do̧'wo̧ luwo̧ma.

Efesios 6:10

Babema bajaleapo yöbawö chiwȩyuda, chömöledö. Duluwo̧ma jwiinö juluwo̧ ¿jö̧tö? Ja̧danö, iteda ujulunö pjaatobetjö̧ kwo̧'wo̧ luwo̧duwinö jemi tupakwö juluwachibanö kwi̧'yaduwo.

2 Corintios 12:9

Jo̧kwaijayonö baikwö atadinobe chömöledö: —Jo̧kwada, ja̧tjö kwö̧jibinö pjatatökö Pablo, jo̧kwaijayonö ja̧ nii̧tjö bajalekwönönö mikwa jwiinö lȩlö̧jinö pjatatakwö, ökwö kwujulu jwienama, ötjöda chujulu öwaetjöda öwawobetjö̧— jö̧ba̧lö atadinobe Duluwo̧ma. Ja̧danö, ötjö chujulu jwiena Duluwo̧ ujuluda öwawobetjö̧, ötjöma isabenö cho̧'wo̧ ösöwanö yöta̧lobe, chujulu jwii̧ma otiwa, jö̧ba̧lö, ötjönötjö Cristoma iteda ujulunö otidakobetjö̧.

Filipenses 4:19

Jau chömöledö, jo̧ba Diosma otiwanö ötjönö te'ada̧lo̧, ja̧danö ökwödönöbi ite'ada̧lakwo̧ chömöledö, iteda nöinö ujuna̧li̧tjö okobe jwiinö kwujuna̧lo jö̧ka̧laduwi̧ iyakobe, ökwödö Cristo Jesúsnö dötewadönöma.

Romanos 7:22

Isabenö chösödobe Dios weinama, Biya̧da ja̧bö chö̧jo, jö̧ba̧lö.

1 Corintios 16:13

Chömöledö, te'ada̧lönö kwö̧jaduwo, ja̧danö 'diinö kwö̧jaduwo Jesúsnö ösödö dö̧ji̧ma, ja̧danö yebabökönö kwö̧jaduwo, ja̧danö kwujuluwachibaduwo chömöledö.

Colosenses 1:27

Jojodö ajayinö wajwitjina wene Diosma iteda ömöledönö i̧sebobö jö̧a̧lobe, inesö otiwi̧ wenema. Ja̧danö ja̧ wenema sule judío jojodönöda i̧sebobömaökö, judío jojodöböködönöbi ja̧ ajayinö wajwitjina wene i̧sebobe chömöledö. Ja̧ wajwitjina wenema biya̧ chömöledö, Cristoma kwo̧'wo̧ luwo̧duwinö ö̧jobetjö̧, inesö otiwobe mölejȩbe kwö̧jaduwakwedöja jö̧ba̧lö.

Efesios 3:8

Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.

Efesios 1:18

Ja̧danö, Diosnö atebobe kwo̧'wo̧ luwo̧duwinö do̧batö kwöwaisachibaduwobö Dios ökwödönö jwiinö otiwa jawa iyi̧ma, tjo̧'wo̧ luwo̧ jawa. Chömöledö, Diosma jwöbijetö ökwödönöma iteda ömöledö bakibaduwobö. Ja̧danö, ökwödönö, iteda ömöledö babibadönöma, jwiinö otiwi̧, kwo̧'wo̧ luwo̧duwi jawa iyobö jwöbijetö Diosma ökwödönöma.

Mateo 6:13

Ja̧danö, sulabenö ja̧dakwojobö jö̧ba̧lö ja̧i̧ jawa döbaledenama, dujuluwachibanö pjabati, sulabenö ja̧dapji jö̧ba̧lö. Ja̧danö inesö sulabo̧ ujulutjö dö̧jibinö pjabati, Dabe'do jö̧ba̧lö akebaduwo Kwabe'doduwi Diosnöma— jö̧ba̧lö yöawinobe Jesúsma.

Efesios 1:7

Ja̧danö, Diosma ökwödönö jwiinö lȩlö̧jino edö webijetö itji̧ Jesucristonö, dö̧jibanö pjaatobö. Weinökwema ökwösobu ebawinö midawö dö̧jibanö pjaatinobetjö̧ ökwödö dusuli̧ma söbebö lobijetö Diosma.

Hebreos 11:34

Ja̧danö, jobadötjö ju'wedöma Diosnö tjo̧'wo̧ tjöwana̧lobetjö̧ ökwöla nöolanö töbebö lotjajayonö ja'yubebi tjubibinokobe, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedöma tjöpöjojodö tibatö lotjo jö̧tja̧lijayonö titjatinököwö̧, Diosnö tjo̧'wo̧ tjöwana̧lobetjö̧. Ja̧danö, jobadötjö ju'wedö me'dawachibadöma Diosnö tjo̧'wo̧ tjöwana̧lobetjö̧ tjujuluwachibanö pjaatinobe Diosma jobadönöma. Ja̧danö, jobadötjö ju'wedö juluwöködödanö ichejekwadöma tjöpöjojodö 'böbabikwawö ichajadöma 'dötjibajinö tjujuluwinobe, Diosnö tjo̧'wo̧ tjöwana̧lobetjö̧. Yelösöda chömöledö, ba̧jekwadö tjuju̧kwinobe Diosnö tjo̧'wo̧ wana̧lö ju̧kwinadöma.

1 Pedro 3:4

Ju'wida chömöledö ya̧dö inesö kwotikwaduwi̧ma, kwo̧'wo̧ luwo̧duwi jawada, dösölö̧jinö ja̧danö jwöjwöakwawa jwiinö ja̧kwawada. Jejenö tjotikwi̧ma, damö jawa jwöachökö ji̧ chömöledö, ja̧danö Dios edemi, inesö mikwawi̧ chömöledö.

Efesios 2:7

Jejenö ja̧bijetö Diosma ba̧kwȩlö̧jatebö i̧sebobö iteda jwiinö otiwanö pjaatinama ökwödönö, mikwa jwiinö iyö, Cristo Jesúsnö weinama.

Romanos 2:29

Isabenö judíoso̧ ö̧ji̧ Dios ömöledöso̧ ö̧ji̧ma, okwa jawada chömöledö, tji̧sȩdo̧ jawamaökö. Ja̧danö, isabenö Dios weinadanö 'wiekwama, tjomajade balewachinö ja̧awada, tji̧sȩdo̧ jawamaökö. Jau chömöledö, ja̧ tjomajade balewachinö ja̧awama, Dios O̧'wo̧ Luwo̧ ja̧i̧da, jojodö tji̧sȩdo̧ 'wiekwamaökö. Ja̧danö, isabenö judíoso̧ jo̧nöma, Diosda, Bitema otiwanö jo̧, jö̧ba̧lö yöawakwo̧. Jojodö yötjawökakobe chömöledö, Diosda yöawakwo̧.

Diosnö ösödo̧ Job mikwo̧ usula emawina jawa 23:6

—Jau chömöledö, Dios öba a'o chichibobö ji̧tjö̧ma, dameakwö, iteda ujulunö söbebö loökena Diosma, lȩlöjinö edö, otiwanö labebö lobö yötawi̧ a̧ja̧kwena,

Efesios 3:15

Jo̧bada okobe deinö ja̧kwawa iyo̧ma, mölejȩnö ju̧kwadönöbi böjȩnö ju̧kwadönöbi.

Colosenses 2:2

Jejenö chotidobe kwomajadeduwinö kwujuluwachibaduwakobetjö̧, ja̧danö bakobe kwömöledö Jesúsnö ösödadökwö dötewanö ja̧nö kwösödabikwawaduwakobetjö̧. Jau chömöledö, Dios ajayinö tojö ujuninökwenö kwöwaisaduwobö chösöda, Cristonöda kwöwaisaduwobö chösöda chömöledö, isabenö otiwanö kwöwaisaduwakobetjö̧, Dios i̧tji̧mubedösa jö̧ba̧lö.