Efesios 3:14 - Dios Iwene

¹⁴ Jo̧kwaobetjö̧ Diosma ökwödönö jwiinö otiwanö pjaatinobetjö̧ chu̧yu̧ki̧junö bamatö chösödobe Dabe'do Diosnöma.

Efesios 3:14 Referans Kwoze

Filipenses 2:10

Ja̧danö jejenö inesö otiwi̧ imi imidinobetjö̧, Jesús imi a̧ja̧kwö okobe deinö mölejȩbe ju̧kwadöbi, böjȩnö ju̧kwadö ina 'yaba̧ladöbi, wobinadöbi

Hechos 21:5

Ikenama jelemutjö dötölataja möle baledibajena, tjo̧wi̧ ökwödöma di̧'ya jö̧da̧lawö̧ jobe ju̧kwadö Jesúsnö ösödadöma, tji̧lȩkwa̧mukwö, tji̧tji̧mukwö ökwödökwö tjichijatö tjolabe di̧'yobe, so̧bi̧ya̧pu̧bekwö. Jobe so̧bi̧ya̧pu̧nö du̧yu̧ju̧ki̧junö bamatö Diosnö adebijatö. Abebö kabatö: —Tjo̧wi̧ di̧'ya— jö̧da̧liawö̧: —Jau 'ya̧duwi— jö̧tja̧lijatö Tironö ju̧kwadöma.

Efesios 1:3

Chömöledö, Duluwo̧ Jesús Abe'do, iteda Uluwo̧ Diosnö dösödaduwo, Diosma jwiinö otiwo̧, jö̧ba̧lö. Ökwödöma Cristokwö bakobe dötewinö dö̧jobetjö̧ Diosma do̧'wo̧ luwo̧ jawa iyinobe ökwödönöma, okobe jwiinö mölejȩbe ju̧kwi̧ jawa, otiwa jawama.

Daniel 6:10

Danielma ja̧ weawa wȩyudö sello dobö ödina wene a̧ja̧kwinobe, ja̧danö a̧ja̧kwajo̧, ba̧kwȩlö̧jatebö abebajiadanö o̧do okwa tebachö Diosnö aebinobe. Jo̧bama ba̧kwȩlö̧jatebö mö̧sȩko̧ ventana po̧bebö, Jerusalénkwö edö Diosnö o̧'wo̧ wana̧lö abebiainobe, ja̧danö la'aka luwo̧ weaja̧ a̧ja̧kwajo̧, yayonö mösȩko̧nö uyu̧ko̧nö bamatö ventanasa'donö banö aebinobe, ju̧kwawökönö. Ba̧kwȩlö̧jatebö abebajiadanö, mölekwena wa̧pötakwanö jejenö Diosnö aebinobe, otiwanö pjabato̧ja jö̧ba̧lö.

Isaías 45:23

Isabenö wene yötawaduwakwö, ja̧danö ötjöda chiminö yöbawö chujunaduwakwö, isabenö baledakwa̧, la'akatjöda balewachökakwa̧ wenema: Isabenö yadakwö okobe deinö chöba a'o bȩbachibö tjö̧jakwedö, ja̧danö okobe deinö chöba a'o yöbawö tjujunakwedö: —Isabenö Jo̧ Diosda bakwainö otiwanö ja̧bö jo̧ma, jo̧bada inesö juluwo̧ma, —jö̧ba̧lö okobe deinö bö̧jȩnö ju̧kwadöma bȩbachibö yöbawö tjujunakwedö, jö̧ba̧lö yöawobe Diosma. Jau chömöledö, okobe deinö Diosnö öpöjödö, jo̧banö dameakwö ölakwabikwawö ji̧nadöma, tabakwö ja̧nö Dios öba a'o yebabinö tjö̧bawö tjö̧jakwedö.

Hechos 20:36

Ikenama Pabloma Éfesotjö ichajadö Jesúsnö ösödadö te'ada̧lakwawa jojodönö yöbawö kabatibö jobadökwö tju̧yu̧ju̧ki̧junö bamatö bȩbachibö ja̧bö Diosnö abebijadötö.

Lucas 22:41

Ja̧danö, jejenö yöbawajo̧, ja'yubenö tupakwönö i̧'yinobe, ödöokobe sule bakwo̧ inawa ikwemi meenanö i̧'yinobe, jo̧dawa'ye Diosnö aebobö. Ja̧danö, u̧yu̧ko̧nö bamatö, Diosnö aebinobe baikwö:

1 Reyes 19:18

Jo̧kwaijayonö lȩbebö kwabawö lotjobö wetijayonö, okobe deinö israel jojodönö kwabö lotjoböma wetökakwo̧sa, israel jojodötjö ina ötjönö ösödadö tjuju̧kwobetjö̧. Jau Elias, israel jojodötjö ina siete milbedö tju̧ju̧kwobe, Baalnö bȩbachibö ösödöködöma, ja̧danö Baal o̧'wo jawa du̧batö ösödöködöma, —jö̧ba̧lö weinobe Eliasnö.

1 Reyes 8:54

Jobekwö abebö, okobe jwiinö ja̧ Isabenö Jo̧nö aekwa aebinobe Salomonma. Jejenö aebonö, Isabenö Jo̧nö iyawöte öba a'o, u̧yu̧kiju̧kunö ja̧nö, ömamu mölȩjȩbekwö kabebö aebinobe, ja̧danö abebö kabatajo̧, jobetjö a̧la̧ibinobe.

Hechos 9:40

Ikenama Pedroma okobe deinö a'dewö lobijetö a̧petube. A'dewö lobajo̧ma u̧yu̧ju̧ki̧junö bamatö Diosnö abebijetö. Ja̧danö, abebö kabatö wobajajunö edö jö̧ba̧lijetö: —Tabita, a̧laibi—jö̧ba̧lijetö. Jejenö jö̧a̧lioko jöbajale 'bobebö Pedronö edö a̧laibö bi̧jotö kamapjonö.

Hechos 7:60

Ikenama, u̧yu̧ju̧ki̧junö jamatö, labinö jwöbijetö, Chuluwo̧, bidö ötjönö sulabenö ja̧tji̧ma omukwatöma lȩkeboko, jö̧ba̧lö. Jejenö jö̧a̧laja̧ ikena ö'wö babibijetö Estebanma.

Efesios 3:15

Jo̧bada okobe deinö ja̧kwawa iyo̧ma, mölejȩnö ju̧kwadönöbi böjȩnö ju̧kwadönöbi.