Efesios 3:13 - Dios Iwene

¹³ Jo̧kwaobetjö̧ chömöledö, kwo̧'wo̧duwi tjo̧kekwaduwa ötjönöma, ka̧lena ba̧kwaweju okwa ba̧nö inia tjötinö baledi̧ma. Ökwödönö kwö̧jibaduwinö pjabato̧nö yötawinobetjö̧, inia tjötinö baledobe, chömöledö. Jau, inia tjötinö ötjönö baledijayonö, ji̧bakwawa wene yötawina kwa̧ja̧kwinaduwobetjö̧ jejenö baledobe. Chömöledö, kwo̧'wo̧duwi ösöwanö ju̧kwaduwi otiwanö kwa̧ja̧kwinaduwobetjö̧.

Efesios 3:13 Referans Kwoze

2 Tesalonicenses 3:13

Ja̧danö, ökwödö otiwanö ja̧bö ju̧kwadönö baikwö yötawa chömöledö, otiwanö ja̧bö ja̧kwawama kwöpöjödachibaduwa.

Colosenses 1:24

Chömöledö, ökwödönö pjabatö usula chemawobe, ja̧danö jejenö ökwödönö pjabatö usula chemawobetjö̧, cho̧'wo̧ ösöwanö chö̧jobe. Jau chömöledö, ökwödö Cristo iteba'obedö usula demawobö jo̧be, ja̧danö Cristo iteba'obedö usula tjemawo jö̧tja̧li̧ma, ötjöma pjabatö usula emawö chö̧jobe.

2 Corintios 1:6

Ja̧danö, baikwö yötawaduwakwö chömöledö: Ökwödö usula demawi̧bi, do̧'wo̧ tjo̧bekwö dö̧jajelö do̧'wo̧ ösöwachibanö Dios pjaati̧bi ökwödö Corintio jojodönö pjaatakwawa baibanö jo̧be. Jau chömöledö, usula demawenama, ökwödönö pjadatotö jö̧ba̧lö dotidobetjö̧ usula demawobe. Ja̧danö, Dios do̧'wo̧ tjo̧bekwö dö̧jajelö do̧'wo̧ ösöwachibanö pjaatenama, ja̧bi ökwödönö pjaatakwawa baibanö jo̧be chömöledö. Baikwö yötawa: Ökwödöma ökwödö usula demawi̧ kwedaduwena chömöledö, ja̧danö ja̧ usula demawi̧ baledajadö, Dios do̧'wo̧ tjo̧bekwö dö̧jajelö do̧'wo̧ ösöwachibanö pjaati̧bi kwedaduwena, ¿jö̧tö? Ja̧danö, jejenö edö, kwo̧'wo̧ luwo̧duwi ujuluwachibanö kwedaduwena, Aaa, ökwödöbi bakweminö usula emawö do̧'wo̧ 'dibachibö döbaleditjö̧ma, bakweminö Dios pjaati̧tjö demakwedösa do̧'wo̧ ösöwachibanö, jö̧ba̧lö. Jau chömöledö, usula demawi̧bi, do̧'wo̧ tjo̧bekwö dö̧jajelö Dios pjaati̧bi okobe jwiinö ökwödö Corintio jojodönö pjaatakwawa baibanö jo̧be.

Efesios 3:1

Diosma jejenö ökwödö judío jojodöböködönö otiwanö pjaatinobetjö̧ ökwödönö omukwatö atebobe jo̧banöma. Chömöledö, ötjöma Cristo Jesús webawo̧sa iteda weina yötawobö. Ja̧danö, ökwödönö yötawobö weina yötawobetjö̧ ka̧lena ba̧kwaweju okwa tjödinökwesa.

Gálatas 6:9

Jo̧kwajabetjö̧, otiwanö ja̧bö dö̧ji̧ma döpöjödachibaduwoko chömöledö, isabenö yötawaduwakwö, do̧'wo̧ 'dibachibö dite'ada̧litjö̧ma, isabenö dotidina wa̧ji̧ demakwedösa chömöledö.

Hechos 14:22

Jobe comunidadkwena 'ya̧nö Jesúsnö ösödadönö pjabatö yöbawijadötö, Kwo̧'wo̧ luwo̧duwi juluwachibanö tupakwö kwi̧'yaduwo, jö̧ba̧lö. Jesúsnö kabatibökönö kwö̧jaduwo. Ja̧danö, jo̧banö omukwatö kwö̧jaduwo, jö̧ba̧lö, pjabatö yöbawijadötö. Jobadönö jö̧ba̧lijadötö: —Chömöledö ¿wajwiköbaduwiji̧? Ökwödö Jesúsnö ösödadöma, usula demawobö jo̧be. Isabenö ökwödöma usula emawadösa. Ökwödöma Dios webö ö̧jena ja̧nö, do̧'wo̧ ösöwachibanö duju̧kwenanö baibanö, usula emawadösa— jö̧ba̧lijadötö.

Deuteronomio 20:3

–Chömöledö israel jojodö, baikwö yötawakwa̧ a̧ja̧kaduwi. Babe möle kwöpöjojodöduwinö kwölakwabikwawaduwakwedöja, jo̧kwaijayonö jobadönö yekabiduwoko. Jobadönö yebabinö tjö̧bawö, Bidönö dakwö dujuluwakwajö, jö̧ba̧löma yekabiduwoko,

2 Corintios 4:1

Jau chömöledö, Diosma lȩlö̧jinö edö ja̧ salöi̧ 'yayi̧ wene otiwa jawa wene yödawobö ujuninobe, ¿jö̧tö? Ja̧danö chömöledö, ja̧ wenema isabenö inesö salöi̧ weneobetjö̧, usula demawijayonö, do̧'wo̧ tjo̧bekwöma kadatibokobe chömöledö, isabenö jojodö tja̧ja̧kwobö jo̧be jö̧ba̧lö.

Filipenses 2:18

Jau chömöledö, ökwödökwö jejenö cho̧'wo̧ ösöwanö chö̧jobe, ja̧danö ökwödöbi ötjökwö kwo̧'wo̧ ösöwanö kwö̧jaduwo chömöledö.