Efesios 2:4 - Dios Iwene

⁴ Jejenö Diostjö 'da̧bachibö dö̧jonöbi Diosma ökwödönöma jwiinö lȩlö̧jino edinobe chömöledö. Isabenö, jwiinö ile nibebo̧ Diosma ökwödönöma. Jo̧bama ökwödönö lȩlö̧jino edö, jwiinö ile niebobetjö̧

Efesios 2:4 Referans Kwoze

1 Pedro 1:3

Dösödaduwo Diosnö, Duluwo̧ Jesucristo Abe'donö chömöledö, jo̧bama isabenö lȩlö̧jinö edö ökwödönö pjaatinobetjö̧. Jau chömöledö, Jesucristo wobajaletjö tjeachajinobetjö̧, ökwödönö 'yayinö bötjachibadö badibanö pjaatinobe. Jo̧kwajabetjö̧, babema isabenö inesö ja̧kwawa jawa do̧'wo̧ wana̧lö te'ada̧ladösa,

Efesios 1:7

Ja̧danö, Diosma ökwödönö jwiinö lȩlö̧jino edö webijetö itji̧ Jesucristonö, dö̧jibanö pjaatobö. Weinökwema ökwösobu ebawinö midawö dö̧jibanö pjaatinobetjö̧ ökwödö dusuli̧ma söbebö lobijetö Diosma.

Romanos 5:8

Jo̧kwaijayonö, jojodödanömabö̧kö̧ Diosma chömöledö. Jo̧bama sule otiwanö ja̧badönöda pjaatoböma ja̧inokobe. Ja̧danö, Diosma wajuwanö i̧sebobe iteda ökwödönö ile niebi̧ma chömöledö. Ina sulabenö ja̧bö dö̧jayi, Cristoma midawö woinobe, ökwödö dö̧jibobö.

Efesios 2:7

Jejenö ja̧bijetö Diosma ba̧kwȩlö̧jatebö i̧sebobö iteda jwiinö otiwanö pjaatinama ökwödönö, mikwa jwiinö iyö, Cristo Jesúsnö weinama.

Romanos 10:12

Jau chömöledö, bakweminö jo̧be, judío jojodönöbi, judío jojodöböködönöbi, okobe deinö jo̧banö ösödadöma tjö̧jibakwedö chömöledö. Jau chömöledö, judío jojodöbi, judío jojodöböködöbi tjuluwo̧ Diosma bakwo̧da. Ja̧danö okobe deinö jo̧banö abebadönöma otiwanö pjabato̧ Diosma.

1 Timoteo 1:14

Ja̧danö, Duluwo̧ma ötjönö lȩlö̧jinö edö, mikwa jwiinö otiwa jawa iyinobe ötjönöma. Wanedö yötawa: Su̧'bȩ babibö welachibanö tupakwö kabatökönö iyinobe otiwa jawa ötjönöma. Ja̧danö ju'wibi, jo̧ba yöawi̧ chösödobö pjaatinobe. Ja̧danö, ju'wedö chömöledö Cristo Jesúsnö ösödadönö chösödobö pjaatinobe, okobe deinö Cristo Jesúskwö a̧jö ju̧kwadönö pjaati̧danö.

2 Timoteo 1:9

Jau Timoteo, Diosda ökwödönö dö̧jibinö pjabatinama, jo̧bada iteda ömöledö badibobö jwöbinama, jo̧kwajabetjö̧ usula emawö jwaikwöda otiwa jawa wene yöbawö kwö̧jo iteda ujulunö. Ja̧ Dios ökwödönö pjaatinama, otiwanö ja̧bö dö̧jiökwema pjaatinokobe, itedada la'akatjöda jejenö omukwatö ujuninobetjö̧ jejenö pjaatinobe. La'akatjöda Diosma omukwatö ujuninobe, Cristo Jesúsnötjö otiwa jawa mikwa jwiinö ökwödönö iyobö.

Efesios 3:8

Chömöledö, ötjöma ju'wedö Dios ömöledö babibinadötjö baikwönönöda jo̧sa. Jejenöijayonö Diosma ötjönö lȩlö̧jino edö 'da̧batö ujuninobe, judío jojodöböködönö yötawobö, Cristoma jwiinö pjabato̧, jwiinö otiwo̧, jwiinö juluwo̧, jö̧ba̧lö. Ja̧ jawa, Cristo pjaati̧, otiwi̧, ujuluwi̧ jawa kaatiboböma jwibo̧, jö̧ba̧lö, yötawobö 'da̧batö ujuninökwesa.

Romanos 2:4

Chömöledö, Diosma lekwe ite'ada̧lobe ökwödönöma. Lȩbebökönö lekwe ite'ada̧lobe, sulabenö ja̧köbaduwijayonö. Ja̧danö ite'ada̧lobema, ¿kwomukwataduwökenaji̧? Diosma lekwe ite'ada̧lobe ökwödönöma, sulabenö kwomukwataduwi̧ kwöbalewachaduwo jö̧ba̧lö, jweinö kwomukwataduwo jö̧ba̧lö.

2 Tesalonicenses 2:13

Chömöledö kabatökönö Diosnö ösödö adebobö jo̧be, ökwödönö pjaatinobetjö̧. Jau chömöledö, ökwödöma Duluwo̧ ile niebawö̧ja, ja̧danö Diosma la'akatjöda ökwödönö omudawö ujuninobe, kwö̧jibaduwobö. Ja̧danö, Dios O̧'wo̧ Luwo̧ ujulunö ökwödönö 'da̧batö ujuninobe, iteda ömöledö bakibaduwanö, isabenö wene kwösödaduwobetjö̧.

Lucas 1:78

Jau chitji̧, Diosma dösölö̧jinö lȩlö̧jinö edo̧obetjö̧, mölejȩbetjö yȩayi dewachena dejato̧ma omönanö dejatö ichakobe,

Daniel 9:9

Jejenö weköbi̧ öpöjödö, weköbökö jawa sulabenö ja̧bö dö̧jjatö, jo̧kwaijayonö, ina ökwödönö lȩlö̧jinö edo̧ja chuluwo̧ Dios, ja̧danö sulabenö ja̧di̧ omukwatökönö ökwödönö ösödö omukwato̧ja.

Éxodo 33:19

aebiökwe: —Moisés, kwöba a'otjö chöbaledocha ötjö jwiinö chotiwi̧ma kwedobö. Ja̧danö, baledö ötjö chimi jweinö jwöbebö yöta̧locha ökwönöma, Isabenö Jo̧ mikwawo̧sa, jö̧ba̧lö. Ja̧danö, ötjöma dösölö̧jinö edö pjatatökwenö dösölö̧jinö edö pjatatakwo̧sa, ja̧danö lȩlö̧jinö edö pjatatökwenö lȩlö̧jinö edö pjatatakwo̧sa.

Isaías 63:7

Isabenö Jo̧ jwaikwöda iteda ömöledönö ile nibebö ösödina jawa yötawocha, jo̧banö ösödö yöta̧locha. Jau, Isabenö Jo̧ma isabenö otiwanö iyinawö̧sa, isabenö jwiinö otiwanö pjaatinobe israel jojodönö. Jo̧bama inesö lȩlöjinö edo̧obetjö̧, ja̧danö jwaikwöda ile nibebö ösödo̧obetjö̧, jobekwö otiwanö pjaatinobe.