Deuteronomio 9:13 - Dios Iwene

¹³ —Ju'wibi ja̧ möle Isabenö Jo̧ ötjönö yöa̧lina yötawakwö chömöledö, sulabenö ja̧köbaduwiökwe yöa̧linama: –Moises, bidö israel jojodönö chedajabe, isabenö tjuu 'dibadö a̧ja̧kwöködö tjö̧ji̧ma.

Deuteronomio 9:13 Referans Kwoze

Deuteronomio 10:16

Jo̧kwajabetjö̧, isabenö jo̧ba wei̧ kwa̧ja̧kwaduwobö jo̧be chömöledö, baikwö wanedö yötawa, kwomajadeduwi bajalesa̧do̧ 'diado̧ma 'wibekwö loköbaduwo, kwuu 'diinö a̧ja̧kwökönö kwö̧jaduwi̧ kakatibaduwakobetjö̧.

Deuteronomio 9:6

Jau chömöledö, jobe kwö̧jaduwakwa̧ma, ökwödö israel jojodö otiwanö ja̧bö kwö̧jaduwiökwe jobe kwö̧jaduwobö weokobe kwuluwo̧duwi Isabenö Jo̧ Diosma, la'akatjöda. Kwöwaisaduwa chömöledö, ökwödöma otiwanö ja̧bö jö̧ködöja, la'akatjöda. Ökwödöma kwuuduwi 'dibadöja, ja̧danö Dios wei̧ kwa̧ja̧kwaduwobö öpöjödadöja, —jö̧ba̧lö yöawinobe Moisesma.

2 Reyes 17:14

Jo̧kwaijayonö, tja̧ja̧kwobö tjöpöjödinobe israel jojodöma. Tja'dödö, tjösödökwe Isabenö Jo̧ Dios yöawi̧ ösödödöködö tjuubiya 'dibadö tjö̧jinadanö, jobadöbi tjuu 'dibadö ja̧nö, Dios yöawi̧ tja̧ja̧kwobö tjöpöjödinobe.

Deuteronomio 31:27

Jau chömöledö, isabenö ökwödö israel jojodönö chöwaisawöja, –Tjuu 'dibadö weawa a̧ja̧kwöködö, –jö̧ba̧lö, baikwö yötawa: Ina yaba̧lö, kwö̧'da̧deduwinö chö̧jayi, ba̧kwelöjatebö Isabenö Jo̧ wei̧ öpöjödabidö kwö̧jinaduwobe ida̧ökö, jö̧tö? Jo̧kwajabetjö̧ ju'wibi chöwaisaduwakwö chömöledö, —Ina yaba̧lö chö̧jayi Dios wei̧ öpöjödabinö kwö̧jinaduwobema, ö'wö batibaja̧ okobe ja̧tjö bajalekwönönö isabenö Dios wei̧ kwöpöjödaduwakwedöja, –jö̧ba̧lö.

Génesis 18:21

Jo̧kwaobetjö̧ 'ya̧nö chedajocha sulabenö ja̧bö tjuju̧kwojobö. Chöwaisobö chi̧'ya, jobadö tjö̧ji̧ma sulojobö, sulökojobö, jö̧ba̧lö— jö̧ba̧lijetö Isabenö Jo̧ Diosma.

Génesis 11:5

Ikenama Isabenö Jo̧ma mölejȩbetjö ichijetö tjotidobe edö, tjuju̧kwemi comunidadbi, o̧do möejubi.