Deuteronomio 7:15 - Dios Iwene

¹⁵ Ja̧danö ökwödönö tjöbeba̧lö pjaatakobe Isabenö Jo̧ma, tjö'wöchi̧tenia ökwödö kwö'wöchaduwapji jö̧ba̧lö. Jau chömöledö, kwöwaisaduwa Egipto nijitjö inesö tjö'wöchina jawama, jö̧tö? Ja̧ tjö'wöchi̧ jawa kwö'wöchaduwapji jö̧ba̧lö, otiwanö tjöeba̧lakobe Diosma, jo̧kwaijayonö ja̧tjö ökwödö kwö'wöchaduwokonö, okobe deinö kwöpöjojodöda ja̧jaye tjö'wöchobö weakobe, ökwödönö pjabatö.

Deuteronomio 7:15 Referans Kwoze

Éxodo 15:26

yöba̧lijetö jobadönö: —Ötjöma Isabenö Jo̧sa, ökwödö kwuluwo̧duwi Diossa. Ökwödöma ötjö yötawi̧ma tjöbeba̧lakwawö a̧ja̧kwö kwö̧jaduwitjö̧ma, ja̧danö, ötjö jweinö omukwatö kwö̧jaduwobö chösödi̧danö ja̧bö kwö̧jaduwitjö̧ma, ja̧danö ötjö weti̧ tjöbeba̧lakwawö omukwatö, ja̧ weawa a̧ja̧kwö kwö̧jaduwitjö̧ma la'akatjöda Egipto jojodönö wotjinö lȩtebinadanöma lȩtebökakobe ökwödönöma. Kwo̧'wo jwikibaduwoko. Ötjödasa Isabenö Jo̧ma, ökwödö kwö'wöchaduwiökönö otiwanö bakibaduwinö pjabato̧sa—yöba̧lijetö Isabenö Jo̧ma Israel jojodönöma.

Deuteronomio 28:60

Kwöwaisaduwa chömöledö, Egipto niji ju̧kwadö tjö'wöchinama, jwiinö ja̧ tjö'wöchina jawa yekabinaduwobe, jö̧tö? Wei̧ a̧ja̧kwökönö kwö̧jaduwitjö̧ma, ja̧jaye tjö'wöchi̧ kwö'wöchaduwobö weakobe Diosma, ja̧danö la'akatjöda ja̧ kwö'wöchaduwi̧tjö kwö̧bibajaduwobö jwiköbaduwakwedöja chömöledö.

Deuteronomio 28:27

—Ju'wibi, ökwödönö suli̧ waedö, kwi̧sȩdoduwinö tutiyubiya saduwaibobö weakobe Isabenö Jo̧ma, damötjö Egipto jojodönö saduwaibobö weinadanö, ja̧danö ju'wi tutiyubiyabi, wale'debiyabi, kö'öwi̧bi usula kwemawaduwobö weakobe, ja̧danö ja̧tjö bi̧bajökönö kwö̧jaduwakwedöja.

Éxodo 9:11

Ja̧danö, mea boawa waisadö tji̧yȩdo̧nöbi ju'wedö Egipto jojodödanö tutiyubiyada saduwaibijetö. Jo̧kwaobetjö̧ Moisés ö̧jobekwö idöda tjujulu i̧sebö tji̧'yo jö̧tja̧lijayonö 'yi̧jöködötö.

Éxodo 23:25

Ötjönö, Isabenö Jo̧nöda kwösödaduwo, kwösödaduwökwe Diosnöda. Jejenö ötjönöda kwösödaduwitjö̧ma kwukwaduwakwa̧, kwowaduwakwa̧ iyö pjatatakwo̧sa. Ja̧danö, kwö'wöchaduwokobö pjatatakwo̧sa, ötjönöda kwösödaduwitjö̧ma.

Deuteronomio 30:7

Ja̧danö, ju'wibi chömöledö, okobe jwiinö lȩebakwa̧ jawa ökwödönö yötawaja̧ jawama, kwöpöjojodöduwinöda balekwa mikwa baledobö weakwo̧ kwuluwo̧duwi Isabenö Jo̧ Diosma, ajayinö usula kwemawaduwinö ja̧binadönöma.