Deuteronomio 32:7 - Dios Iwene

⁷ Damötjö baledina kwomukwataduwo, kwa'dödöduwi tjö̧jinena baledina jawa kwomukwataduwo. Ja̧ baledina jawa kwabe'doduwinö abebö kwa̧ja̧kwaduwitjö̧ma, kwöwaisachibaduwobö yöawakobe, damönö abebö kwa̧ja̧kwaduwitjö̧ma, ja̧ baledina yötjawakobe.

Deuteronomio 32:7 Referans Kwoze

Isaías 46:9

Damötjö̧ ötjö chujulu chi̧sȩbina jawa kwomukwatibaduwo chömöledö. Jelo̧ ötjödanöbo̧ ö̧jobeji̧? Deobe jö̧tö? Isabenö ötjödasa Diosbo̧ma, jelo̧ma deobe. Jau bakwo̧bi ötjödajayo̧ma deobe,

Deuteronomio 4:32

Tupakwö yöawinobe Moisesma, israel jojodönö: —Chömöledö, Dios ökwödönö pjaatina jawa kwomukwataduwo. Dios jojodönö otidinemi möletjö, baikwö baibanö, Dios ökwödö israelnö pjaatinajaye, ju'wedö tjösödökwema ösödadönö Dios ökwödönö pjaatinadanö pjaatinaji̧? Bö̧je ba̧kwemeachibanö ju̧kwadö tjösödawö̧tjö bakwo̧bi deobe, Dios ökwödönö pjaati̧danö pjabato̧ma, jö̧tö?

Isaías 63:11

Jobekwö balediawö̧, da'dödöma tjomukwatibinobe damötjö tjö̧jina jawa, Moises da'dödönö öibina jawa tjomukwatibinobe. Ja̧ omukwatö yötja̧lakwawinobe: —Egipto nijitjö da'dödö latjebinena, jwaibalawa duwobu ö'wejenö tjöbaledobö pjabatinama, daida? Iteda O̧'wo Luwo̧ da'dödökwö ö̧jobö webinama, daida?

Éxodo 13:14

Ju'winö kwi̧tji̧mu̧duwitjö bakwo̧ abebö a̧ja̧kwena ¿tajawedö kwimidobeda? jö̧ba̧lö baikwö kwatadonö: Isabenö Jo̧ma iteda ujulunö Egiptotjö ladebobö pjaatinobe, labinö dotidobö wetjanelö duju̧kwibanö.

Jueces 6:13

Yöawökwe, Gedeonma atadinobe, —Chuluwo̧, dakwö –Isabenö Jo̧ma ökwökwö ö̧jobe, –jö̧ba̧lö yökawobö? Isabenö ökwödökwö ö̧jitjö̧ma, tajawedö babe sulabenö baledi̧ baledobeda? Da'dödö yötjawina da̧ja̧kwijatö, –Isabenö Jo̧ma ökwödönö Egipto nijitjö ichejebinobe, –jö̧ba̧lö, ja̧danö isabenö ökwödökwö ö̧jitjö̧ma, tajawedö inesö ujulu i̧sȩbina yötjawi̧danö baledokobeda? Isabenö Jo̧ma pjabatökönö, ökwödönö kabatibö loinobe, ja̧danö ökwödönö iyö loinobe, madianitas jojodö ökwödönö tjujuluwobö, dakwö ötjökwö ö̧jobe jö̧ba̧lö yökawobö, ökwödökwö deena ichejekwa, —jö̧ba̧lö atadinobe.

Éxodo 12:26

Ja̧danö, kwi̧tji̧mu̧duwima abebö tja̧ja̧kwena ¿tajawedö biya ba'ali dujunobeda? jö̧ba̧lö

Deuteronomio 8:2

Ja̧danö kwo̧'wo jwikibaduwoko chömöledö, kwuluwo̧duwi Isabenö Jo̧ Dios cuarenta o̧biya baledibanö jojodö deobe ökwödönö öibinama. Jejenö ökwödönö öibinobe chömöledö, ökwödönö ö̧ba̧ja̧dobö, –Juluwöködösa, Diosnö do̧'wo döwana̧lobö jö̧ba̧ladösa, –jö̧ba̧lö kwöwaisachibaduwakobetjö̧. Ja̧danö ju'wibi jejenö öibinobe, kwomajadeduwinö kwomukwataduwi̧ öwawakobetjö̧, isabenö jo̧ba wei̧ kwa̧ja̧kwaduwakwojobö, kwa̧ja̧kwaduwökakwojobö, jö̧ba̧lö.