Deuteronomio 32:11 - Dios Iwene

¹¹ Ökwödönö iteada̧lina wiyuli itji̧munö iteada̧li̧danö iteada̧linobe, baikwö wanedö yötawa: Wiyulima apa wiwodö, itji̧mu tjöwame ja̧nö iteada̧lobe, ja̧danö kötjenama pjaatobe, ja̧danö kötjobö jö̧tja̧li̧ waekwena, ö̧wa̧piyanö do̧atobe, ja̧danö e'ewö köobe, nijakwö metjapji jö̧ba̧lö.

Deuteronomio 32:11 Referans Kwoze

Éxodo 19:4

Ökwödöma ökwödöda kwöbajaleduwinö kwedaduwijatö Egipto jojodönö ötjö, Isabenö Jo̧ labinö lȩtebi̧ma. Ja̧danö, kwedaduwijatö ökwödönö chite'ada̧li̧ma, baikwö ötjö chö̧jobekwö kwichaduwobö öbibö. Wanedö yötawa: Bole itji̧ ajayinö apatjö labebö köa̧lena abe'doma otiwanö ite'ada̧lobe, itji̧ köa̧lobe teebe kö̧ba̧lö owo̧jo̧pi̧ya jebata̧lö. Jejenö itji̧ me'dawachibö meenama abe'do o̧wo̧jo̧pi̧yanöda mebö wamato̧. Ikenama abe'doma itji̧ wamato̧nö otiwanö e'ewö ȩwa̧jo̧ iteda o̧wo̧jo̧pi̧yanö. Jejenö ötjöma ökwödönö te'ada̧lö ötibajabe, Egipotjö labebö baikwö, ötjö chö̧jobekwö kwichibaduwobö.

Isaías 46:4

Ja̧danö bemi tupakwöbi damö kwöjaduwenabi ökwödönö chiteada̧lakwo̧sa chömöledö, damö waekwö, kwöwö'yeduwi dewa'ye juna̧ladö kwö̧jaduwenama, ökwödönö che'ewakwo̧sa chömöledö. Jau chömöledö, ötjöda ökwödönö otidinasa̧, ja̧danö ötjöda meköbaduwapji jö̧ba̧lö kabebö pjatatakwo̧sa. Ötjöda ökwödönö che'ewakwo̧sa, ja̧danö kwö̧jibaduwinö pjatatakwo̧sa.

Isaías 63:9

Isabenö okobe jwiinö usula emawö tjö̧jitjö̧, Diosda jobadökwö ja̧nö pjaatinobe. Jau, sule ömöayo̧nöda webö, —Chömöayo̧ angel, tjö̧jibinö pjabati, —jö̧ba̧lödamaökö, iteda da'dödökwö ja̧nö, tjö̧jibinö pjaatinobe. Jo̧bada ile nibebö, lȩlöinö edö pjabatinama, ja̧danö okobe jwiinö damötjö kwetjachinama, jo̧bada a̧la̧pedö kweatinobe.

Isaías 40:31

Jo̧kwaijayonö Isabenö Jo̧nö tjo̧'wo wana̧ladöma, Dios pjaatawö̧ yemidanö tjujuluwachibakwedö. Wanedö yötawa, wiyuli möakwö kabekwö köi̧danö, tjujuluwachibanö katjekakwedö, ja̧danö ödö ö'ötjakwawijayonö, tji̧me'dawachibökakwedö, ja̧danö ödö kwetjachijayonö, 'dö̧tjachibökakwedö.

Apocalipsis 12:4

Jo̧ba öwali'boma juluwo̧. Öwali'bonö labinö wökwebö mölejȩbe lö̧jadö si̧li̧'i̧dönöma, ö'wedönöda böjȩkwö jaobe chedijatö. Ja̧danö, jo̧bama metu'wo nioko jö̧bemi badeibö te'ada̧lö jo̧nö chedijatö, jemibökwenö ukwotö jö̧ba̧lö.

Hebreos 11:3

Chömöledö, Diosnö do̧'wo̧ döwana̧lobetjö̧ döwaisobe, Okobe jwiinö böjȩnö ju̧kwi̧bi, mölejȩnö ju̧kwi̧bi Dios jö̧a̧li̧tjöda baibinobe, jö̧ba̧lö. Ja̧danö böjȩnö ju̧kwi̧, mölejȩnö ju̧kwi̧, okobe jwiinö dedi̧ma ju'wi dedi̧ jawatjö baibinokobe. Okobe jwiinö dedi̧ma Dios jö̧a̧li̧tjöda baibinobe, dedökö jawatjöda. Jejenö döwaisa chömöledö, Diosnö do̧'wo̧ wana̧lö dö̧jobetjö̧.

Isaías 31:5

ja̧danö isabenö Jerusalen comunidad tjöbeba̧lö chiteada̧lakwo̧sa. Pji̧yu tji̧tji̧mu tja̧'do̧nö ju̧kwadönö tjöbeba̧lö, wame kwöbö tjiteada̧li̧danö, isabenö tjöbeba̧lö chiteada̧lakwo̧sa, ja̧danö tjö̧jibinö pjatatakwo̧sa. Jau, Jerusalen comunidad wame baledö, isabenö tjöpöjojodö tjujulutjö tjö̧jibobö pjatatakwosa, —jö̧ba̧lö laebobe Isabenö Jo yöawi̧ma.

Apocalipsis 12:14

Jo̧kwaijayonö jobujuma, möko nöbo̧ o̧wa̧ja̧pi̧ya iyajoko köbö 'döbibajujunö chedijatö, toba'dadanöso̧ ö̧jelöma, jojodö deobekwö. Jobujuma jobetjöma Dios otiwanö ite'ada̧loko ju̧ju, o̧bi̧ya wa̧pöbakwatjö jelebatjö ja'öba.

Génesis 1:2

Ja̧danö, Dios böjȩ ina otidapjii böjȩma otikwö̧kö̧jȩ ji̧jetö. Ju'wi jayebi jwiijetö. Jwai balawada li̧jetö böjȩ bakwemeachibanö. Jödö wame yȩböda yȩijetö wamema. Ja̧danö, Dios O̧'wo̧ Luwo̧ma jwai balawa wamenö kwebachö ji̧jetö.

Deuteronomio 33:12

—Ja̧danö Benjaminsaso jojodönö baikwö yöta̧la: Isabenö Jo̧ ösödawö̧ Benjaminsaso jojodöma, ja̧danö otiwanö jobadönö tjöeba̧lobe. Ba̧kwelöjatebö jobadönö tjösawinö tjöeba̧lobe, ja̧danö jobadönö a̧pjö̧alö iteada̧lobetjö̧, otiwanö tju̧ju̧kwobe Benjaminsaso jojodöma.