Deuteronomio 3:1 - Dios Iwene

¹ Tupakwö yöawinobe Moisesma, israel jojodönö: —Ja̧danö, Sijonnö dujuluwaja̧ ikenama, tupakwö u'dakwöchobe di̧'yijatö, Basan niji̧ jo̧bekwö. Ja̧danö, jejenö di̧'yiökwe, Basan niji la'aka luwo̧ Og mikwo̧ma, okobe deinö ömöayedö ölakwabikwawa jojodönö öbibö Edrey comunidadbe ichinobe, ökwödökwö ölakwabikwawobö.

Deuteronomio 3:1 Referans Kwoze

Deuteronomio 29:7

—Ja̧danö, bemi nijibe dichibenabi, Diosma otiwanö iteada̧linobe chömöledö. Bemi niji luwedöbinadö Hesbon comunidad la'aka luwo̧ Sijonbi, Basan niji la'aka luwo̧ Ogbi ökwödönö tjölakwabikwawinobe, jö̧tö? Jo̧kwaijayonö, Dios pjaati̧tjö̧, jobadönö dujuluwijatö,

1 Reyes 4:19

Uri itji̧ Gueber mikwo̧ma, Galaad niji la'aka luwo̧ ö̧jinobe. Okobe jwiinö Galaad nijitjö, damötjö̧ ji̧nadö Amorreo jojodötjö la'aka luwo̧ Sijon mikwo̧ weinemi nijibi, Basan la'aka luwo̧ Og mikwo̧ weinemi nijibi, okobe jwiinö Galaad nijitjö jobadö wetjinemi niji la'aka luwo̧ ö̧jinobe, jo̧ba Gueberda. Jobekwö laebobe Salomon ömöayedötjö gobernadorbedö tjimibiya wȩyukwa'yema.

Josué 13:30

Jobadönö iyina baikwö laebobe: Majanayin comunidadtjö jamatö, okobe jwiinö Basan niji baibanö jobadönö iyinobe. Okobe jwiinö Basan niji la'aka luwo̧bina Og weinemi iyinobe jobadönö, ja̧danö okobe jwiinö Jair niji comunidadtenia iyinobe, sesenta comunidad baibanö.

Josué 12:4

Ja̧danö jelo̧ la'aka luwo̧nöbi tjujuluwinobe, Basan niji̧ la'aka luwo̧ Og mikwo̧nö. Ogma inesö ödöbaedö refaitas ötjabawö̧tjö bajaleapo ji̧na. Jo̧ba itebo la'aka comunidadma, ju'wikwena Astarot comunidadnö ja̧nö weinobe, ja̧danö ju'wikwenama Edrey comunidadnö ja̧nö weinobe.

Josué 9:10

okobe jwiinö Jordan ojwe bakwachödöbe ju̧kwinadö amorreo jojodötjö la'aka luwedöbinadönö ja̧ina wenebi, Hesbon la'aka luwo̧ Sijon mikwo̧nöbi, Basan la'aka luwo̧ Astarottjö ji̧na Og mikwo̧nöbi ja̧ina wenema.

Deuteronomio 31:4

—Ja̧danö chömöledö, Jordan ojwe pekibaduwenama, Isabenö Jo̧ma isabenö jobe ju̧kwadönö ujuluwakobe chömöledö. Kwöwaisaduwa chömöledö, amorreos jojodötjö inesö la'aka luwedö Sijonnöbi, Ognöbi ujuluwinama, jwiinö jobadönö söbebö loinobe, ja̧danö söbebö lobajo̧, tjiteboinemi niji ökwödönö iyinobe, jö̧tö? Jobadönö ujuluwinadanö bakwainö ujuluwakwo̧ Isabenö Jo̧ma, Jordan bakwachödö ju̧kwadönöbi chömöledö. Ja̧danö, jejenö jobadönö ujuluwenama, okobe deinö jobe ju̧kwadönö kwabawö loköbaduwo chömöledö, kwabö loköbaduwobö yöbawö wetina badekwachinö.

Deuteronomio 4:47

Jo̧ba Sijonbi, Basan niji la'aka luwo̧ Og mikwo̧bi amorreo jojodötjö Jordan ojwetjö jawo̧ ichobekwöchobe ju̧kwadö la'aka luwedö tjö̧jinobe, jo̧kwaijayonö jobadönö tjujuluwinobe israel jojodöma, ja̧danö tjiteboinemi idöda tjitebo baibanö tjeminobe, ja̧danö emajadö jobe tjö̧jinobe.

Deuteronomio 3:2

Ja̧danö, jejenö ökwödökwö ölakwabikwawobö ichenama, Isabenö Jo̧ma ötjönö yöawinobe, –Jo̧ba Ognö yekaboko, jo̧banöbi, okobe deinö ömöayedönöbi, itebo nijibi kwujuluwaduwobö chiyajobetjö̧. Jo̧kwajabetjö̧ Hesbon comunidadnö ji̧na amorreos jojodö la'aka tjuluwo̧ Sijonnö söbebö lököbinaduwa̧danö, Ognöbi, okobe deinö ömöayedönöbi söbebö loköbaduwo, –jö̧ba̧lö yöawinobe Diosma.

Deuteronomio 2:32

Ja̧danö, Sijonma okobe deinö ömöayedökwö ichinobe, Yahaza comunidadbe, ökwödökwö ölakwabikwawobö.

Josué 12:1

Baikwö laebobe israel jojodö tjujuluwinawö̧ la'aka luwedö tjimibiya wȩyukwa'ye: Jordan ojwe tjöbaledakwa̧ abönö, Jordan mikwödötjö jawo̧ laebobekwö ju̧kwadö la'aka luwedö Sijon mikwo̧nöbi, Og mikwo̧nöbi tjujuluwinobe, ja̧danö jobadö la'aka luwedö tjiteboinemi tjeminobe, idöda tjitebo niji̧ baibanö. Ja̧ nijima jalobe tjeminobe, Jordan mikwödötjö jawo̧ laebobekwö Araba ötjabobe tupakwönönö baibanö, ja̧danö jakwölakwö Arnon wabekotjö, u'dakwö ja̧'o Hermon mikwa'o baibanö.