Deuteronomio 27:16 - Dios Iwene

¹⁶ Ja̧danö, –Bakwo̧ iteda abe'donöbi, ojo'donöbi otiwanö omukwatökönö, sulabenö ja̧itjö̧ma, Dios lȩebakwo̧ jo̧banöma, –jö̧ba̧lö Levisaso jojodö labinö yötjawobö ja̧kobe, ja̧danö yötjawiawö̧, –Jau, amen, –jö̧ba̧lö okobe deinö jojodö tjatadobö jo̧be.

Deuteronomio 27:16 Referans Kwoze

Éxodo 21:17

Ja̧danö, ju'wi wanedö yötawa: Bakwo̧ abe'donöbi ojo'donöbi sulabenö yebabökönö jwöeba̧litjö̧ma jo̧banö kwabö loköbaduwobö jo̧be— webijetö Isabenö Jo̧ma Moisésnöma. Ja̧ weawa wene ujunobö webijetö Isabenö Jo̧ma Moisésnöma, Israel jojodönö weawa wenema.

Éxodo 20:12

Ja̧danö, ju'wibi wetaduwakwö: Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo lekwe kwuju̧kwaduwakobetjö̧ niji chiyakwemi ja̧nö, ötjö Isabenö Jo̧, Kwösödaduwökwe Dios kwiteboduwi baibanö chiyakwemima.

Génesis 9:25

Jo̧kwaiökwe labijetö Noéma. Jo̧kwaobetjö̧ baikwö lȩekwa baledakwa̧ yöbawijetö: —Cam itji̧ Canaántjö tupadanö jojodöma lȩebakwawö̧, usulasedö batjibanö. Tjömöledö tjömöayedöda batjibanö otidö tjö̧jakwedö. Yelösöda, tjömöledö tjö̧mayedötjö nijakwönönö tjömöayedö batjibanö otidö tjö̧jakwedö Canaántjö tupadanö jojodöma— jejenö jö̧ba̧lijetö Noéma, Cam itji̧ Canaántjö tupadanö jojodönö lȩekwa yöba̧lö.

Deuteronomio 5:16

—Tupakwö weinobe Diosma chömöledö: –Ötjö kwuluwo̧duwi Isabenö Jo̧ Dios ökwödönö wetinadanö, Kwabe'donö, kwojo'donö otiwanö omukwatö yebabinö kwö̧jaduwo. Jejenö otiwanö kwomukwataduwo, lekwe wene jwiinö kwuju̧kwaduwakobetjö̧ niji chiyakwemi nijinö, ötjö kwuluwo̧duwi Isabenö Jo̧ Dios kwiteboduwi baibanö chiyakwemima.

Isaías 45:10

Ja̧danö bakwo̧, ojo'do jemakwo̧ma, abe'donö, —Tijo̧nö kwitji̧kwa̧jada? Sulabenö itji̧kwo̧ja, —jö̧ba̧lö yöa̧lobö jȩnaji̧? Ja̧danö ojo'donö jo̧banö jemakwujunö, —Tijo̧nö kwemakwa̧da? Sulabenö emujuja, —jö̧ba̧lö yöa̧lobö jȩnaji̧? Jo̧bajayo̧ yöba̧lo̧ma isabenö nöinö wene ujuna̧lena, jö̧tö?