Deuteronomio 27:12 - Dios Iwene

¹² —Chömöledö, Jordan ojwe pebibajadö, yötawaja̧danö Ebal mösa'obe kwi̧'yaduwenama, baikwö ja̧köbaduwakwa̧ wetaduwakwö: Ökwödö israel jojodötjö Simeonsaso jojodöbi, Levisaso jojodöbi, Judasaso jojodöbi, Isacarsaso jojodöbi, Josesaso jojodöbi, Benjaminsaso jojodöbi Ebal badeibösa'o Guerizin mösa'onö tjöjamatobö ja̧kobe, otiwanö Dios wei̧ kwa̧ja̧kwaduwiökwe pjaatakwa̧ jawa yötjawobö.

Deuteronomio 27:12 Referans Kwoze

Jueces 9:7

Ja̧ baledaja̧ yötjawi̧ a̧ja̧kwinobe Jotanma, ja̧danö a̧ja̧kwajo̧, Siquen comunidad badeibösa'o Guerizin mösa'obe i̧'yinobe, jobetjö Siquen comunidad jojodönö yöa̧lobö. Ja̧danö, ichibö labinö jwöbö yöawinobe baikwö: —Ökwödö Siquen comunidad luwedönö yötawa, ja̧danö yötawi̧ kwa̧ja̧kwaduwobö jo̧be, yötawi̧ kwaja̧kwaduwiökwe, Diosma ökwödönöbi a̧ja̧kwakobetjö̧.

Génesis 35:18

Jo̧kwaijayonö Raquelma ö'wö bajiboböma lekwokobetjö ökömakwö jo̧'wonö emö jitji̧nö midijotö Benjoni, jö̧ba̧lö. Benjoni jö̧ba̧löma, ötjö chitji̧ cho̧'wo emawö chemajökwe, jö̧ba̧lö wanekwachobe. Jo̧kwaijayonö Jacobma jo̧banö midijetö, Benjamin, jö̧ba̧lö, waisamunö ja̧nö chitji̧, jö̧ba̧lö wanekwachö.

Génesis 30:24

Ja̧danö, Isabenö Jo̧ Diosma jelo̧ chitji̧nöbi iyobö chösöda, jö̧ba̧lö, jitji̧nö José, jö̧ba̧lö midijotö.

Génesis 30:18

Emaju jö̧ba̧lijotö Leama: —Ötjöma otiwanö wetajabe chömöayujunö chilekwenö. Jejenö otiwanö wetajabetjö̧ Diosma mikwanö iyi̧danö otiwanö iyajabe ötjönöma, ötjöda chitji̧nö— jö̧ba̧lijotö. Jejenö jö̧ba̧lö midijotö jitji̧nö Isacar, jö̧ba̧lö.

Deuteronomio 27:11

Ja̧danö, ja̧ möle Ebal mösa'o jawa weenama, ju'wibi weinobe Moisesma, baikwö:

Deuteronomio 27:13

Ja̧danö, Rubensaso jojodöbi, Gadsaso jojodöbi, Asersaso jojodöbi, Zabulonsaso jojodöbi, Dansaso jojodöbi, Neftalisaso jojodöbi Ebal mösa'onö tjöjamatobö ja̧kobe, Dios wei̧ a̧ja̧kwökönö kwö̧jaduwiökwe lȩebakwa̧ wene yötjawobö.

Génesis 35:22

Jobe ja̧nö, Israel itji̧ Rubénma abe'do ömöayuju, ilekwonö eminoko Bilha mikwujukwö ji̧jetö., Ja̧danö, Israelma ju'wedö yötjawi̧ a̧ja̧kwijetö, kwitji̧ sulabenö ja̧ajabe kwilekwokwö, jö̧ba̧lö yötjawi̧ma. Baikwö laebobe Jacob i̧tji̧mu̧ ömadö a̧li̧nösamutjö̧ dujutajanö tjimibiya: