Deuteronomio 26:10 - Dios Iwene

¹⁰ Ja̧danö, yöbawajadö, kwichejebaduwaja̧ wi̧lȩyu i̧sȩbö yökawaduwo Diosnö: –Chuluwo̧ Isabenö Jo̧, otiwanö niji kwiyinobe, chitebo baibanö, ja̧danö kwiyina nijisayu chöbatjo waji̧ ajayi jawatjö bi̧ya ökwönö chiyobö chichejebajabe, –jö̧ba̧lö kwichejebaja̧ wi̧lȩyu kwuluwo̧duwi Isabenö Jo̧ Dios öba a'o kwujunaduwo, ja̧danö junajadö, bȩbachibö kwuluwo̧duwi Isabenö Jo̧ Diosnö kwösödaduwo.

Deuteronomio 26:10 Referans Kwoze

Apocalipsis 22:9

Jejenö chösödökwe ötjönö jö̧a̧lijatö: —Ötjömaökö. Kwösöda ötjönöma. Ötjöma ökwödanö, ja̧danö, kwa'dödömine Dios yöawi̧ yöbawadödanö, ja̧danö, bi'ye wȩyukwa wene wei̧ a̧ja̧kwö ja̧badödanö, ötjöbi Diosda ömöayo̧sa. Jo̧kwaobetjö̧ yötawakwö, ötjönö kwösöda, Diosnöda ösödi— jö̧a̧lijatö ötjönöma.

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

Romanos 2:1

Chömöledö, babe sulabenö ja̧badö ja̧tji̧ wene yöta̧laja̧ kwa̧ja̧kwaduwenama, idöma sulabedö jö̧ka̧laduwena, Diosma jobadönö lȩebitjö̧ma otiwena, sulabenö ja̧tji̧ mikwa, jö̧ba̧lö. Jejenö jö̧ka̧laduwenama, isabenö idöda jawada jö̧ka̧laduwokobe, i̧seböbi kwi̧sekwaduwobe, Dios ökwödönöbi lȩebobö jo̧be, jö̧ba̧lö. Jobadö ja̧tji̧ma, sula jö̧ba̧lö kwöwaisaduwijayonö, ja̧tji̧danö ja̧badöja ökwödöbi. Ja̧danö, Diosma ökwödönöbi lȩebobö jo̧be, jö̧ba̧lö kwi̧sekwaduwobe.

Isaías 66:23

Ba̧kwelöjatebö ötjönö ösödö tjichakwedö, jawo̧ 'yabayo̧kwena, ja̧danö otikwökö mölekwena, tjitebotenia jojodöma okobe deinö chöba a'o ichibö tjösödakwedö. Ja̧danö, chö̧jelö labebö, Jerusalen comunidadtjö latejebenama, ötjö weti̧ tja̧ja̧kwobö öpöjödinadö tjiteba'iju tjedakwedö. Jobe ba̧nö, tjiteba'iju kwadö sa̧döma, wobökönö ba̧kwelöjatebö tjukwobe tjedakwedö, ja̧danö tjiteba'iju ubola ökwölama, la'akatjöda tiibökakwola ubobe tjedakwedö, —Ayö, inesö labi̧ Dios wei̧ a̧ja̧kwökönö ja̧kwawama, —jö̧ba̧lö, laebobe Isabenö Jo̧ yöawi̧ma.

Proverbios 3:9

Ja̧danö ju'wibi jwebebö yötawakwö: Chitji̧, kwujuna̧li̧tjö Isabenö Jo̧nö kwiyo, ökwöda jwiinö mikwawo̧ja, jö̧ba̧lö. Ja̧danö, kwöbatjonö ajayinö wa̧ji̧tjö̧ Isabenö Jo̧nö kwiyo, ökwöda, jö̧ba̧lö.

1 Crónicas 29:14

Jo̧kwaijayonö, jobekwö ökwönö ösödö yöda̧lijayonö, ökwönö diyobö jö̧da̧lidanö diyoböma jwibadösa chuluwo̧. Jau chuluwo̧, okobe jwiinö dujuna̧li̧ma, ökwö kwiyina jawada juna̧ladösa chuluwo̧, jo̧kwajabetjö̧ ökwönö diyi̧ma, ökwödöda jawamaökö chuluwo̧, ökwö kwiyina jawada tjebatö diyobö jo̧be.

Deuteronomio 26:17

Babe möle ökwödöma yökawaduwajabe, –Ökwödö israel jojodö dösödökwema, duluwo̧ Isabenö Jo̧ Diosda, ja̧danö okobe jwiinö jo̧ba wei̧ a̧ja̧kwö dö̧jakwedösa, ja̧bö dö̧jobö wei̧bi, ju'wi wei̧bi. Isabenö duluwo̧ Dios ökwödönö weenama, wei̧ a̧ja̧kwö, wei̧danö ja̧bö dö̧jakwedösa, –jö̧ba̧lö yökawaduwajabe.

Deuteronomio 26:4

Ikenama, jejenö yöbawajo̧, wi̧lȩyu kwichejebaja̧yu̧ tjö̧'da̧de pjabato̧nö kwiyaduwo, ja̧danö kwiyaduwiökwe, kwuluwo̧duwi Isabenö Jo̧ Diosnö iyawöte öba a'o ujunakobe.

Deuteronomio 26:2

Ja̧danö, jobe kwuluwo̧duwi Isabenö Jo̧ Dios iyakwa̧ nijinö ja̧nö kwöbatjoduwi waji̧ ajayi jawa kwemaduwenama, baikwö ja̧köbaduwo: Bakwo̧nökwena kwöbatjoduwikwena ajayi waji̧ jawatjö wi̧lȩyu okwa kwanaduwo, ja̧danö anajadö, kwuluwo̧duwi Isabenö Jo̧ Dios iteda eju comunidad omudawö ujunakwemibe e'ewö kwi̧'yaduwo.

Deuteronomio 18:4

Ju'wibi trigo waji̧bi, trigojaye waji̧bi ajayi kwe'daduwi̧ma, jobadönö kwiyaduwobö ja̧kobe, ja̧danö ubasobubi, olivo o̧tesobubi ajayi kwemaduwaja̧ jobadönö kwiyaduwobö ja̧kobe, ja̧danö kwajwimu obejadö tjöwö'ye ajayi 'wikebaduwi i'yebiya jobadönö kwiyaduwobö ja̧kobe.

Éxodo 22:29

Ju'wi jawabi weta: A̧'dȩlökönö kwiyaduwotjö kwöbatjoduwitjö jwiinö otiwi̧ jawa, 'döbö kwödaja̧duwi̧ trigo, ja̧danö ubasobu o'do̧bubi, ja̧danö olivasadetjö o̧tesobubi. Ja̧danö, ju'wibi: Okobe deinö kwi̧tji̧mu̧duwi ömadötjö abönö damönö mikwa jawa midö kwiyaduwo ötjönöma.

Éxodo 23:19

Ja̧danö, batjo kwujuninaduwatjö ajayinö pokwi̧tjö̧ iyö kwe'ewaduwo ötjönö kwösödaduweju jo̧bekwö, Isabenö Jo̧nö, kwösödaduwökwe Diosnö kwösödaduweju jo̧bekwöma. Ja̧danö, ju'wibi weta baikwö: Chiwo itji̧nö, ja̧danö, obeja itji̧nö, ja̧danö bakaya itji̧nö kwukwaduwobö toköbaduwena, ojo'do o̧do̧'bi̧sobutjöma toköbaduwoko— webijetö Isabenö Jo̧ma Moisésnöma, Israel jojodönö weawa wene ujunobö.

Deuteronomio 8:18

Baikwö jweinö kwomukwataduwo jö̧ka̧laduwi̧ yötawaduwakwö chömöledö, –Otiwanö chujuna̧li̧ma chuluwo̧ Isabenö Jo̧ Diostjö ichi̧, –jö̧ba̧lö. Jau chömöledö, kwuluwo̧duwi Diosma damötjö da'dödönö yöbawö ujuninobe, ökwödönö pjaatakwa̧ma, ja̧danö jejenö yöbawö ujunina badekwachakobetjö̧, babe inesö otiwanö pjaati̧ ökwödönö pjaatobe.

Proverbios 10:22

Ja̧danö, ju'wibi yötawa: Isabenö Jo̧ma otiwanö edö pjaatobe jojodötjö ju'wedönöma, balada tju̧juna̧lobö. Idöda nöinö tjotidi̧ma pjaatokobe tju̧juna̧lobö. Isabenö Jo̧da tju̧juna̧lobö pjabato̧ma.