Deuteronomio 22:1 - Dios Iwene

¹ Tupakwö yöawinobe Moisesma: —Chömöledö, ökwödötjö bakwo̧ ajwi pakayaökö, obejaökö ile'dewitjö̧ma, ja̧danö okwödötjö jelo̧ ile'dewajo̧nö editjö̧ma, –Jo̧kwada, wainö le'dewö 'yo̧, –jö̧ba̧lö kwomukwataduwoböma jwiakobe. Isabenö kwömöledöso̧nö pjabatö, ö̧jobekwö tjekatajaduwobö ja̧kobe.

Deuteronomio 22:1 Referans Kwoze

Isaías 58:7

Ja̧danö ju'wibi, kwu̧kwaduwitjö a̧wi̧chi̧ tjöbadönö iyabikwawö pjakataduwobö, ja̧danö tjeju jwibanönö pjabatö, kwejuduwinö tekataduwobö, ja̧danö tjökamisi jwibadönö 'dukataduwobö, ja̧danö kwömöledöduwi tjöba a'o ju̧kwawökönö, otiwanö jobadönö pjakataduwobö. Jobekwö laebobe isabenö chösödi̧danö ö̧tö̧chö ja̧kwawa chömöledö, ökwödö kwisȩbaduwi̧danömaökö.

Proverbios 24:11

Jemi ikena jweinö omukwatadö yötjawinama baikwö laebobe, bakwo̧ iteda itji̧nö jwebebö yöawi̧danö: Chitji̧, wanedö yötawakwö: Bakwo̧ sulabenö ja̧ö̧kö̧jayonö lȩekwa yöbawo̧ma, lȩtebonö, jö̧balö kwabö lotjobö weobe. Isabenö chitji̧, jo̧ba sulabenö ja̧bö̧kö̧nö ö̧jibinö pjakatobö jo̧be. Kwabö lotjobö ötjibökwenö 'dökebonö, jo̧banö kwabö lotjapji jö̧ba̧lö.

1 Pedro 2:25

Jau chömöledö, ajayinöma ökwödöma o̧bȩja̧dö le'dewinadödanö kwebachinadöja, jo̧kwaijayonö ökwödönö te'ada̧lo̧ Jesúskwö, kwo̧'wo̧ luwo̧duwinö tjöbeba̧lö te'ada̧lo̧kwö tjekachajinaduwobe.

Mateo 15:24

Jesúsma jobujunö yöa̧linobe: —Israel jojosujubökujuja ökwöma, ja̧danö ötjöma Israel jojodöböködönö pjatatoböma weökökwesa. Israel jojodötjö o̧bȩja̧dö le'dewadödanöbedönöda pjatatobö Dios weökwesa— jö̧ba̧lö.

Mateo 10:6

Sule Israel jojodötjö o̧bȩja̧dö le'dewadödanö ichejekwadönöda pjabatö 'ya̧duwi.

Isaías 8:17

Jau chömöledö, babe Isabenö Jo̧ma öba muchekwö Jacobmine itji̧mu tupadanö jojodönö edökönö ö̧jobedanö ichejekwa babe döpöjojodöma ökwödönö tjujuluwobetjö̧, jo̧kwaijayonö ötjöma jo̧ba pjaatakwa̧ chiteada̧locha, —Isabenö yöawinadanö pjaatakwo̧, —jö̧ba̧lö, ja̧danö ja̧ wene cho̧'wo wana̧lö chö̧jakwo̧sa.

Proverbios 28:27

Ja̧danö, ju'wi jawabi yötawa: Jwibadönö iyö pjabato̧ma ba̧kwȩlö̧jatebö ujuna̧lakwo̧, okobe jwiinö u̧kwa̧, iteama. Jobekwö baledökakobe jwibadönö edökönö öpöjödö pjabatö̧kö̧nöma. Ba̧jȩkwadö jojodöma jo̧banö sulabenö baledobö wetjachakwedö.

1 Corintios 9:9

Baikwö laebobe Dios weina Moisés iwȩyudinama chömöledö: Pakayaso̧kwö trigo jawa kwotidenama, pakayaso̧ aapo di̧batökönuwi, trigo jawa kwotidobetjö̧, kwotidonö jo̧babi trigo jawatjö ukwobö jo̧be, jö̧ba̧lö laebobe Dios iwene. ¿Didönö omukwatö jejenö weinada Diosma chömöledö, pa̧ka̧yö̧nöda omukwatö weinaji̧?

Deuteronomio 22:2

Ja̧danö, ajikwo̧ ödö ö̧jobetjö̧, –Ti ajwijö? –jö̧ba̧lö wajwiköbaduwitjö̧ma, kwejube ökibobö ja̧kobe, ja̧danö kwiteada̧lobö ja̧kobe, ajikwo̧ isakwö ichenanö kabatö. Ja̧danö, isakwö ichenama, jo̧banö tjekatobö ja̧kobe.

Proverbios 27:10

Ja̧danö, ju'wibi yötawa: La'akatjöda kakatiboko lekwe kwipjeanö ju̧kwadö kwömöledönö, kwabe'do lekwe ipjeanö ju̧kwinadönöma. Isabenö, ökwönö wene baledena kwipjeanö ju̧kwadönöda pjatjatobö akebo. Ju'wedö kwömöledö ödö ju̧kwadö tjuju̧kwobekwö kwi̧'yoko, jobadönö abebö, pjabataduwi, jö̧ba̧lö. Kwipjeanö ju̧kwadö kwömöledöma kwipjeanö tjuju̧kwobetjö̧ ju'wedö kwömöledö ödö ju̧kwadö pjatjati̧tjö̧ bajalekwönönö otiwanö pjabatadö.