Deuteronomio 20:9 - Dios Iwene

⁹ Ikenama, luwedö jojodönö jejenö yöba̧lö katjatajenama, ölakwabikwawa jojodönö 'da̧batö tjujunobö ja̧kobe bakwasokwena batjibanö, ja̧danö 'da̧batö junajadö, bakwasaso jojodö tjuluwedökwena 'da̧batö omudawö tjujunobö ja̧kobe.

Deuteronomio 20:9 Referans Kwoze

Deuteronomio 20:8

—Ja̧danö jemi tupakwöbi jobadö ölakwabikwawa luwedö jojodönö yötja̧lobö ja̧kobe, baikwö: –Ökwödötjö bakwo̧ yebabo̧, ja̧danö yebabinö me'dawo̧ ö̧jobeji̧? Jo̧babi ȩwa̧jobö jo̧be, ju'wedö ölakwabikwawa jojodökwö ja̧nö, jobadöbi jo̧ba yeabi̧danö yebabinö tjime'dawobö ja̧apji jö̧ba̧lö, –ölakwabikwawa luwedö yötja̧lobö ja̧kobe.

Deuteronomio 20:10

—Ja̧danö, ju'wedö tjitebo comunidad kwölakwabikwawaduwobö kwi̧'yaduwenama, kwölakwabikwawaduwakwa̧ abönö ja̧ comunidadnö ju̧kwadönö dösölöjinö kwö̧jaduwakwa̧ wene yöbawö kwujunaduwo, –Ökwödö dömöayedö bakibaduwanö kwiyawaduwitjö̧, ökwödönö mebibö kwabö lodökena, –jö̧ba̧lö dösölöjinö kwö̧jaduwakwa̧ wene yöbawö kwujunaduwo.

2 Samuel 18:1

Ja̧danö, Majanayinnö ja̧nö, Davidma iteda ömöayedö ölakwabikwawa jojodönö o̧ko̧kodinobe, ja̧danö ölakwabikwawadö tjuluwedönöbi ujuninobe, cienbedö tjuluwedönöbi, milbedö tjuluwedönöbi.