Deuteronomio 20:16 - Dios Iwene

¹⁶ Jo̧kwaijayonö kwiteboduwi baibanö kwuluwo̧duwi Isabenö Jo̧ Dios iyakwa̧ nijinö ju̧kwadönöma dösölö̧jinöma kwedaduwokö. Okobe deinö jobadönö bakwo̧bi ö̧jibökönö kwabawö loköbaduwobö ja̧kobe chömöledö, okobe deinö tjo̧'wo emadönö tjo̧'wo emöködö batjibanö kwabawö loköbaduwobö ja̧kobe, bakwo̧bi ö̧jibökönö.

Deuteronomio 20:16 Referans Kwoze

Josué 11:14

Ja̧danö, jojodönö kwabawö lobajadö, tjiteaaja̧ma tjeminobe israel jojodöma, tja̧jwi̧munöbi, ju'wi tjiteabi. Jo̧kwaijayonö, Isabenö Jo̧ wei̧danö okobe deinö jojodönö kwabawö lotjinobe, bakwo̧bi ö̧jibökönö. Damötjö̧ Isabenö Jo̧ma ömöayo̧ Moisesnö jejenö kwabawö lotjobö weinobe, ja̧danö Moisesma ja̧ weawa Josuenö weinobe, ja̧danö Josuema jwaikwöda ja̧ weawadanö ja̧inobe. Isabenö jwaikwöda Isabenö Jo̧ Dios Moisesnö weinadanö ja̧inobe Josuema, ja'yubebi ji̧bökönö, jwaikwöda okobe jwiinö wei̧danö ja̧inobe Josuema.

Josué 10:40

Jejenö Josuema okobe jwiinö ja̧ a̧li̧kwöchobe niji ujuluwinobe, mösa'iju jȩmibi, a̧li̧kwöchobe Neguev ötjabobebi, ba̧ba̧lawobebi, mösa'iju ö'öbö nijibi. Ja̧danö jelobetenia ujuluwenama, okobe deinö jojodönö, bakwo̧bi ö̧jibökönö kwabawö lotjobö weinobe Josuema. Israel tjuluwo̧ Isabenö Jo̧ Dios weinadanö, okobe deinö bakwo̧bi ö̧jibökönö kwabawö lotjobö weinobe Josuema.

Josué 10:28

Ja̧danö, ju'wibi, ja̧ möle Josuema ölakwabikwawa jojodökwö Maqueda comunidad ujuluwinobe. Juluwajo̧, okobe deinö Maqueda comunidadnö ju̧kwadönöbi, la'aka tjuluwo̧nöbi kwabawö loinobe, bakwo̧bi ö̧jibökönö. Jejenö ajayinö Jerico cominidad la'aka luwo̧nö kwabö loinadanö, Maqueda comunidad la'aka luwo̧nöbi kwabö loinobe.

Deuteronomio 7:16

—Chömöledö, kwiteboduwibe kwichibaduwenama, kwuluwo̧duwi Isabenö Jo̧ Diosma iyakobe, jobe ju̧kwadönö kwujululuwadobö, ja̧danö jejenö kwujuluwaduwobö iyenama, jwiinö jobadönö söbebö loköbaduwobö ja̧kobe. Jau chömöledö, lelö̧jinöma edökönaduwi jobadönö, ja̧danö tjösödawö̧nö ösödökönaduwi, 'daliwadanö kwö̧libaduwapji jö̧ba̧lö, —jö̧ba̧lö yöawinobe Moisesma.

Josué 9:27

Jobadönö kwabö lobökönö, israel jojodö tjömöayedö batjibanö weinobe, jemi tupakwö, tjuluwedö israel jojodö tjitea imi paböbi, ojwiyo waböbi tjotidobö. Ja̧danö ju'wibi, Isabenö Jo̧ Diosnö iyawöte jawa imibi, ojwiyobi emö tjotidobö, jelobebi, jelobebi Isabenö Jo̧ israel jojodö iyawöte tjotidobö weenama, jobe ja̧ jawa tje'ewobö. Ja̧danö, jejenö weinobetjö̧, babe mölebi baibanö ina ja̧ otidadö tjuju̧kwobe gabaonitas jojodöma.

Josué 9:24

Yöa̧liawö̧, gabaonitas jojodöma tjatadinobe, —Ökwödönö omöna yöda̧linama, baikwö labebö lobö yödawakwö: Da̧ja̧kwijatö kwuluwo̧duwi Isabenö Jo̧ Dios iteda ömöayo̧ Moisesnö weinama, okobe jwiinö ditebo niji ökwödö israel jojodönö iyobö, ja̧danö okobe deinö bemi nijinö ju̧kwadönö kwabawö loobö. Ja̧danö, jejenö weina wene da̧ja̧kwinobetjö̧, jwiinö yedaibijatö, Isabenö ökwödönö kwabö lotjakobe, jobadötjö dö̧jiboböma jwiobe, jö̧ba̧lö. Jo̧kwajabetjö̧, jejenö yedabobetjö̧, ökwödönö omöna yöda̧lijatö, kwabö loköbaduwakwa̧tjö dö̧jibobö.

Deuteronomio 20:15

—Jobekwö ja̧köbaduwo kwiteboduwitjö ödö ju̧kwadö tjitebo comunidadkwena ju̧kwadönö chömöledö, Dios ökwödönö iyakwa̧ niji Canaan nijinö jö̧ködönö.

Deuteronomio 20:17

Jau chömöledö, jwiinö jobadönö söbebö loköbaduwo, hititas jojodönöbi, amorreos jojodönöbi, cananeos jojodönöbi, heveos jojodönöbi, ferezeo jojodönöbi, jebuseos jojodönöbi, jobadötjö bakwo̧bi ö̧jibökenanö baibanö. Jobekwö jobadönö kwabawö loköbaduwobö weajabe kwuluwo̧duwi Isabenö Jo̧ Diosma, ja̧danö weaja̧danö jobadönö kwabawö loköbaduwo chömöledö,

Josué 8:8

Jemi ikenama, comunidad juluwajadö, comunidad nötedö, ökwölanö juwö loköbaduwo. Jau chömöledö, jobekwö Isabenö Jo̧ weaja̧ yötawaduwakwö, jo̧kwajabetjö̧ jejenö ja̧köbaduwo, —jö̧ba̧lö weinobe Josuema.

Josué 8:25

Ja̧ möle okobe deinö Hai comunidad jojodöma debö tji̧'yinobe, ömadökwö, ya̧dökwö doce mil jenanö.

Josué 10:20

Josue weaja̧danö ja̧tjinobe, ja̧danö jwiinö jobadönö tjujuluwinobe. Jwiinö jobadönö söbebö lotjinobe, ja̧danö sule o̧bukwedöda israel jojodötjö döbibajö tjitebo comunidadbe tjichibinobe. Ja̧danö, ji̧bajadö döbibajö 'diinö tjöekwemi comunidad okwa tetjachaja̧ ikenama,

1 Samuel 15:3

Jo̧kwajabetjö̧ baikwö wetakwö, kwömöayedö ölakwabikwawa jojodökwö jobadö amalecita jojodönö kwabawö loköbaduwonö, jobadötjö bakwo̧bi ö̧ji̧bökönö. Okobe deinö amalecita jojodönö kwabö loköbo, ömadönöbi, ya̧dönöbi, tjemunöbi, i̧ya̧nö tjemajawö̧nöbi. Ja̧danö ju'wibi okobe deinö tjajwimunöbi kwabawö loköbo, pa̧ka̧yadönöbi, obejadönöbi, kameyudönöbi, bu̧lö̧dönöbi, jwaikwöda okobe deinö amalecita jojodönöbi tja̧jwi̧munöbi kwabawö loköbo, bakwo̧bi ö̧ji̧bökönö, —jö̧ba̧lö Dios wei̧ yöawinobe Samuelma Saulnö.

Deuteronomio 4:21

Tupakwö yöawinobe Moisesma, israel jojodönö: —Ja̧danö chömöledö, ökwödö iteda ömöledönö ile niebobetjö̧, Isabenö Jo̧ma ötjönö ödameakwinobe, ja̧danö ötjönö yöbawö ujuninobe, –Bidö israel jojodö tjöba a'o sulabenö ja̧köbajobetjö̧, la'akatjöda Jordan ojwe pebibö, inesö otiwemi israel jojodönö chiyakwemi nijibe kwichibökakwo̧ja, –jö̧ba̧lö yöbawö ujuninobe ötjö Moisesnö.

Josué 9:7

Jejenö yötja̧liawö̧, israel jojodöma, —Ökwödöma wajwidawö̧ja. Isabenö ödö ju̧kwadö kwö̧ja̧duwi̧ma wajwida. Dedemi ökwödöma dipjeanö ju̧kwadököbaduwena, ja̧danö dipjeanö ju̧kwadö kwö̧jaduwitjö̧ma, dösölö̧jinö dö̧jakwa̧ wene yöbawö dujunobö jwiobe. Jo̧kwajabetjö̧, ökwödönö wajwidobema, dakwö ökwödökwö dösölö̧jinö dö̧jakwa̧ wene yöbawö dujunobö? —jö̧ba̧lö tjatadinobe.