Deuteronomio 2:8 - Dios Iwene

⁸ Ja̧danö chömöledö, Dios weinadanö dömöledö, Seirnö ju̧kwadö Esau itji̧mu tupadanö jojodö tjitebo tupakwönö döbaledijatö. Arababe ya̧kwawamatjö labebö, ja̧danö Elat comunidadtjöbi, Ezion Gueber comunidadtjöbi labebö, tupakwö di̧'yijatö, jojodö deobe Moab jojodö tjitebo jo̧bekwö.

Deuteronomio 2:8 Referans Kwoze

1 Reyes 9:26

Ju'wibi otidinobe la'aka luwo̧ Salomonma. Jwaibalawa Duwobutjö, Edom niji comunidad Elat yöneawemi Ezion Gueber tjolatjö isowibiya owiyawi̧ otidinobe, tea emö kwetjachobö.

2 Reyes 16:6

Jo̧kwaijayonö, Jerusalen comunidad ujuluwinököjayonö, Siria la'aka luwo̧ Rezinma Elat comunidad ujuluwinobe, ja̧danö jobe ju̧kwadö Juda jojodönö a'dewö loinobe. Jemi ikenama Edomitas jojodöma Elat comunidadbe ichibö, idöda tjitebo comunidad baibanö jobe tjö̧jinobe, ja̧danö ina babe möle baibanö, ina Elat comunidadnö tju̧ju̧kwobe.

Jueces 11:18

Ikenama, Edom nijibi, Moab nijibi söpödibö jojodö deobe kwetjachinobe israel jojodöma, Moab nijitjö jawo̧ laebobekwö tjichibanö, ja̧danö Arnon ojwe bakwachödökwö tjö̧jinobe. Jödö Arnon ojwema Moab niji ö'öbösödö, ja̧danö bakwachödö o̧peda tjö̧jinobe, Moab niji tebachökönö.

2 Reyes 14:22

Ja̧danö, abe'do Amasias ö'wö baibaja̧ ikenama, ajayi Juda niji comunidad jinemi Elat yemidanö Juda niji comunidad baibanö eminobe, ja̧danö yemidanö ja̧ comunidad otidinobe Uziasma.

Deuteronomio 1:1

Baikwö laebobe Moises israel jojodönö yöawina jawa, ina Jordan ojwetjö jawo̧ ichobekwö tjö̧jayi. Ja̧ möle ina jojodö deobe tjö̧jinobe, Suf ötjabobe badeibö mejenö, Paran comunidadbi, Tofel comunidadbi, Laban comunidadbi, Jazerot comunidadbi, Dizahab comunidadbi ö'wejenö.

Génesis 25:23

Ja̧danö, ajebökwe labebö lobö yöbawijetö Isabenö Jo̧ Diosma: —Kukwa'wo okwama du̧ju̧taja tjemu tja̧jobe. Jobadöma, bakwo̧nökwena tjöwanekwachobe jobadötjö tupadanö jojodöma, wainökwena tjitebotenia tjuju̧kwakwedö. Jobadö kwi̧tji̧mutjö tupadanö jojodöma tjöpöjojodö batjibanö tjuju̧kwakwedö. Ja̧danö abönö pöetjö tupadanö jojodöma tjujuluwökakwedö, ö̧jawo̧tjö tupadanö jojodöda tjujuluwakwedö. Jejenöobetjö̧ abönö pöetjö tupadanö jojodöma ö̧jawo̧tjö tupadanö jojodö wetji̧da a̧ja̧kwö tjö̧jakwedö— jejenö Isabenö Jo̧ Diosma labebö lobö yöbawijetö Rebecanöma, ji̧tji̧mu̧ jukwa'wo okwa a̧jö labinö tju̧ku̧tja̧li̧ tjöwanekwachi̧ma.