Deuteronomio 2:6 - Dios Iwene

⁶ Tjitebo ö'wejenö kwöbaledaduwena, kwakwawa kwukwaduwakwa̧ jobadönö balada midö kwemaduwobö ja̧kobe, ja̧danö ojwio kwowaduwakwa̧bi, midö kwemaduwobö ja̧kobe, –jö̧ba̧lö weinobe Diosma, —Moises yöawinobe.

Deuteronomio 2:6 Referans Kwoze

Romanos 12:17

Bakwo̧ ökwönö sulabenö ja̧itjö̧ma, balekwa mikwa sulabenöma ja̧bökönaduwi chömöledö, jwaikwöda otiwanö ja̧böda kwö̧jaduwo okobe deinö, Aaa, biya̧ma otiwanö ja̧awa, jö̧ba̧lö tjöwaisinö.

Mateo 7:12

Tupakwö yöawinobe Jesúsma: —Chömöledö, kwöwaisaduwa ju'wedö ökwödönö otiwanö ja̧tjobö kwösödaduwi̧ma, baikwö ötjönö ja̧tjobö chösöda, baikwö ötjönö ja̧tjobö chöpöjöda jö̧ba̧lö, ¿jö̧tö? Baikwö wetaduwakwö chömöledö: Ja̧ baikwö chösödo jö̧ta̧lena jö̧ba̧lö kwöwaisaduwi̧danö ju'wedönö ja̧bö kwö̧jaduwo. Jobekwö laebobe Moisés iwȩyudinabi, ju'wedö Dios yöawi̧ yöbawadö tjiwȩyudinabi— jö̧ba̧lö yöawinobe Jesúsma.

Deuteronomio 2:5

jobadökwö kwölakwabikwawaduwapji jö̧ba̧lö. Jobadö tjitebo Seir mösa'oma, ötjöma jobadö Esau itji̧mu tupadanö jojodönöda chiyijatö, tjitebo baibanö jobe tjö̧jobö, ja̧danö tjitebo niji ja'yubebi ökwödö israel jojodönö chiyökakwo̧sa. Jo̧kwajabetjö̧ jobadökwö kwölakwabikwawaduwobö jwiobe.

Deuteronomio 2:7

Tupakwö yöawinobe, —Kwuluwo̧duwi Isabenö Jo̧ Diosma isabenö otiwanö iteada̧linobe ökwödönö chömöledö. Jo̧bama okobe jwiinö cuarenta o̧biya baledibanö kwekachaduwina waiso̧, ja̧danö okobe jwiinö kwö̧jaduwi̧ waekwökönö kwöbaledaduwobö pjaatinobe. Kwekachaduwonö, ökwödökwö ja̧nö pjaatinobe, kwujuna̧laduwo jö̧ka̧laduwi̧ma ja'yubebi jwiköbaduwapji jö̧ba̧lö.