Deuteronomio 19:16 - Dios Iwene

¹⁶ —Ja̧danö, ömöledöso̧nö suli̧ öwaedotö jö̧ba̧lö, bakwo̧ omöna yöba̧lö ömöledöso̧ sulabenö ja̧ina yöawitjö̧ma,

Deuteronomio 19:16 Referans Kwoze

Hechos 6:13

Ja̧danö, ju'wedönö webijadötö omöna yöbawö jwötjeba̧lobö. Jobadöma omönanö yöbawijadötö: —Bitema kabatökönö sulabenö obö yöa̧lobe Dios ejubi, Dios weina Moisés iwȩyudinabi—yöbawijadötö.

Proverbios 14:5

Ja̧danö, ju'wibi yötawa: Bakwo̧, lȩekwa yöbawo̧ öba a'o ja̧nö ba̧kwȩjatebö jweinöda yöawitjö̧ma a̧ja̧kwadöma tjöwaisachibena, bitenö yöawobö atjebena jweinöda yöbawo̧, jö̧ba̧lö. Jobekwö yöawokobe omöna yöbawo̧ma. Omöna yöbawo̧ma lȩekwa yöbawo̧ öba a'o ja̧nö omönada yöbawo̧.

Proverbios 19:5

Ja̧danö, ju'wibi yötawa, wanedö: Bakwo̧ lȩekwa yöbawo̧ öba a'o ja̧nö iteda edinatjö̧bi, a̧ja̧kwinatjö̧bi yöawobö wetjökwe. Isabenö yötawa: Bakwo̧ lȩekwa yöbawo̧nö yöawena jweinö yöawobö jo̧be. Omöna yöbawo̧nö isabenö lȩtjebakwo̧. Yelösöda omöna yöbawo̧nöma lȩtjebakwa̧tjö ö̧jibobö jwiobe, ja̧danö döibajoböbi jwiobe.

Deuteronomio 5:20

–Ja̧danö ju'wibi wetaduwakwö: Kwömöledöso̧nö omöna yöka̧laduwoko, sulabenö ja̧ököjayonö, Bitema sulabenö ja̧bo̧, jö̧ba̧lö.