Deuteronomio 16:5 - Dios Iwene

^5-6 —Ja̧danö, Dios mönö öbaledina omukwatakwawa iyawama, kwiteboduwi comunidadteniatjö kwiyaduwobö jwiakobe, sule kwuluwo̧duwi Isabenö Jo̧ Dios iteda eju comunidad baibanö omudawö ujunakwelöda kwiyaduwobö ja̧kobe. Jau chömöledö, kwuluwo̧duwi Isabenö Jo̧ Diosma kwiteboduwi iyakobe, ja̧danö nöinö comunidadbiya iyakobe, otiwanö kwö̧jaduwobö. Jo̧kwaijayonö sule Dios eju comunidadtjöda ja̧ iyawa kwiyaduwobö ja̧kobe. Ja̧danö Dios mönö öbaledina omukwatakwawa iyawa kwiyaduwakwa̧ma, baikwö yöbawö wetaduwakwö: Damötjö Egipto nijitjö lakebinaduwenama, yi̧bena jamatö lakebinaduwobe, jo̧kwajabetjö̧ yi̧bena kwabö kwiyaduwo Dios mönö öbaledina omukwatakwawa kwiyaduwökwenö, jawo̧ meajena jenanö.

Deuteronomio 16:5 Referans Kwoze

Deuteronomio 16:2

Ja̧ ba'ali kwujunaduwakwa̧ma baikwö labebö lobö yötawa: Isabenö Jo̧ma kwiteboduwitjö ju'wi comunidad omudawö ujunakobe, iteda eju comunidad baibanö. Ja̧danö, ökwödöma kwajwimuduwitjö pakayaö̧kö̧, obejaö̧kö̧ jobe Dios omudawö ujuninelö kwuluwo̧duwi Isabenö Jo̧ Diosnö kwabö juwö kwiyaduwakwedöja Abib jawo̧nö, mönö öbaledina omukwatakwawa iyawa baibanö.

Marcos 14:12

Ikenama pan 'ye'yeachökö kwakwawa pjiesta abönö möle baibijetö. Ja̧ mölema, bakwöta o̧bakwena, judío jojodöma obeja itji̧nö kwabö lobiabijadötö, bakwasokwena. Jejenö ja̧biabijadötö, Dios jobadö tja'dödömine tjö̧jibinö pjabatö mö öbaledina omukwatö. Ja̧ mölema Jesús öba̧ja̧di̧ waisachadöma ichibö abebö a̧ja̧kwijadötö: —¿Dai di̧'yobö weköba ökwödö dukwakwemima, Dios mö öbaledina omukwatö dukwakwa̧ dotidobö?— abebö a̧ja̧kwijadötö.

Deuteronomio 16:4

Isabenö pan 'ye'yeachi̧ jawa jwiinö kwö̧jaduwobö ja̧kobe, ja̧ ba'ali kwujunaduwonö chömöledö, okobe jwiinö kwiteboduwitjö, bakweju okwabi 'ye'yeachi̧ jawa jo̧bö jwiakobe, jelemutjö dötölataja möle baledibanö. Ja̧danö, ajayi yöte kwabö kwiyaduwajawö̧, Dios mönö öbaledina omukwatakwawa iyawa itebiyama, i̧ya̧da yö̧teda okobe jwiinö kwukwaduwo, itebiyama ja'yubebi kwu'yudaduwoko ju'wi dewachö baibanöma.