Deuteronomio 10:22 - Dios Iwene

²² Jau chömöledö, isabenö ökwödönö pjaatajabe kwuluwo̧duwi Isabenö Jo̧ Diosma, damötjö kwa'dödö Egiptobe tji̧yinenama, sule setentabedöda jobe tji̧'yinobe, jö̧tö? Jo̧kwaijayonö o̧bukwedöda tjö̧jinajayonö, ökwödönö kwö̧ba̧jekwachaduwinö pjaatajabe, si̧li̧'idö tjö̧ba̧jȩkwi̧danö kwö̧ba̧jekwachaduwobö, —jö̧ba̧lö yöawinobe Moisesma, israel jojodönö.

Deuteronomio 10:22 Referans Kwoze

Génesis 46:27

Ja̧danö, José i̧tji̧mu, ö'dö̧dö, Egiptonöda bötjachinadökwö okobe deinö Jacob yöne ömöledöma setentanöda, Egiptonö ju̧kwinadöma.

Éxodo 1:5

Okobe deinö Jacob i̧tji̧mu, ö̧'dö̧dö setentanö jojodö ju̧kwijadötö. Ja̧danö, i̧tji̧ Joséma ida̧ökö Egiptonö ji̧jetö Jacob ichenama.

Génesis 15:5

Ikenama Isabenö Jo̧ Diosma Abramnö apetube öbibö labebijetö. Labebajo̧ yöbawijetö Abramnö: —Abram, mölejȩbekwö edi si̧li̧'i̧dönö. Ba̧jekwadö tjö̧lobe ¿jö̧tö? Ba̧jadidönö, kwöba̧jadenanö ji̧tjö̧ma. Abram yötawakwö. Si̧li̧'i̧dö tjöba̧jekwi̧danö ökwötjö tupadanö jojodöma tjöba̧jekwakwedö— yöbawijetö Isabenö Jo̧ Diosma Abramnöma.

Deuteronomio 1:10

Kwuluwo̧duwi Isabenö Jo̧ Diosma kwö̧ba̧jȩkwachaduwinö pjaatinobe, mölejebe ju̧kwadö si̧li̧'idö tjö̧ba̧jekwi̧danö kwö̧ba̧jekwachaduwinö.

Deuteronomio 28:62

Jejenö baleditjö̧ma, ökwödö israel jojodötjö sule o̧bukwedöda kwö̧jibaduwena chömöledö, baikwö yötawa: Isabenö Jo̧ma ökwödönö pjaatobö ösödinobe, nöinö kwujuna̧laduwobö iyinobe, ja̧danö kwö̧ba̧jekwachaduwinö pjaatinobe, si̧li̧'idö tjö̧ba̧jekwi̧danö kwö̧ba̧jekwachaduwobö, jö̧tö? Jo̧kwaijayonö, kwuluwo̧duwi Isabenö Jo̧ Dios wei̧ a̧ja̧kwökönö kwö̧jaduwitjö̧ma, ökwödönö lȩebobö ösödakobe, baikwö yötawa: Jo̧ba wei̧ kwa̧ja̧kwaduwobö kwöpöjödaduwitjö̧ma, ökwödönö pjaatobö ösödinadanö, bakweminö ökwödönö suli̧ öwaedobö ösödakwo̧, ja̧danö ökwödönö suli̧ öwaedakobe, ökwödönö söbebö loenanö kabatö. Jau chömöledö, babe Dios iyakwemi niji juluwanö tekachaduwakwedöja, jobe kwö̧jaduwobö, jo̧kwaijayonö wei̧ a̧ja̧kwökönö kwö̧jaduwitjö̧ma, ja̧ nijinö deköbaduwakobe, jobetjö lakebaduwinö Isabenö Jo̧ma ökwödönö 'döebakobetjö̧.

Hechos 7:14

Ikenama Joséma a̧debijetö abe'donöbi okobe deinö ömöledönöbi tjichobö iteda ö̧jobekwö. Jobadöma okobe deinöma setenta y cinconö jojodö— yöbawijetö—.

Hebreos 11:12

Jo̧kwaobetjö̧ Dios jö̧a̧li̧danö Abrahamtjö tupadanö jojodöma tjöba̧jekwachinobe. Yelösöda si̧li̧'i̧dö tjöba̧jekwi̧danö ba̧jekwadö Abrahamtjö tupadanö jojodöma. Ja̧danö, so̧bi̧ya̧pu̧so̧pja̧danö ba̧jekwadö Abrahamtjö tupadanö jojodöma. Jojo bakwo̧tjöda, jwiinö pöetjöda ba̧jekwadö tupadanö jojodöma, ba̧ja̧dakwawökenanö ba̧jekwadö. Isabenö, Abraham Diosnö o̧'wo̧ wana̧lö ö̧jobetjö̧ jo̧ba, jwiinö pöe, 'yaebobö ujulu jwibo̧tjöda ba̧jekwadö tupadanö jojodö tjöbötjachinobe.

Génesis 22:17

Abraham, isabenö ökwönö dösölö̧jinö edö pjatatakwo̧sa. Ja̧danö, ökwötjö tupadanö jojodönö mölejȩbe tjö̧jadö si̧li̧'i̧dödanö, so̧bi̧ya̧pu̧ so̧pja̧danö tjöba̧jekwachinö pjatatakwo̧sa, Abraham. Ja̧danö, ökwötjö tupadanö jojodö tjöpöjojodönöma tjujuluwobö pjatatakwo̧sa.

Deuteronomio 26:5

—Jemi ikenama, jobe kwuluwo̧duwi Isabenö Jo̧ Dios öba a'o janö, baikwö yökawaduwonö: –Ötjö cha'döminema, arameo jojo eju jwibo̧ jelobetenia kwebachö ji̧na. Jo̧bama ömöledö ina o̧bukwedöda tjö̧jayi, Egipto nijibe i̧'yinobe, jobe ju'wedö tjitebonö ö̧jobö. Ja̧danö, jobe ichibena ömöledöma o̧bukwedöda tjö̧jinajayonö, jobe ja̧nö jwiinö ba̧jȩkwiyaso batjibanö tjö̧ba̧jekwachinobe, ba̧jȩkwadöbi, juluwadöbi batjibanö.

Génesis 46:26

Ja̧danö, okobe deinö Jacob i̧tji̧muda, ö'dö̧döda jo̧bakwö 'yi̧nadöma, sesenta y seisnö, i̧tji̧mu tji̧lekwamu ba̧ja̧dökönö.

Deuteronomio 1:11

Ja̧danö babe kwö̧ba̧jȩkwaduwitjö̧ jwiinö tupakwönönö kwö̧ba̧jekwachaduwobö kwuluwo̧duwi Isabenö Jo̧ Dios pjaatobö chösöda, -Tjö̧ba̧jadökenanö kwö̧ba̧jȩkwachaduwinö pjatatocha, -jö̧ba̧lö yöbawö ujuninadanö, ja̧danö isabenö yöbawö ujuninadanö ökwödönö otiwanö pjaatobö chösöda.