Daniel 8:24 - Dios Iwene

²⁴ Jo̧bama isabenö jwiinö juluwo̧ baibakobe, jo̧kwaijayonö iteda ujulunömaökö. Jo̧bama nöinö söbebö loakobe, ja̧danö ujuluma nöinö nöamachibakobe, ja̧danö iteda ösödi̧danö ja̧bö ö̧jakobe. Ba̧jekwadö juluwadönö söbebö loakobe, ja̧danö Dios ömöledö Israel jojodötjö ju'wedönöbi söbebö loakobe.

Daniel 8:24 Referans Kwoze

Daniel 8:12

Ja̧danö Dios ömöledö Israel jojodö sulabenö ja̧tjobetjö̧, ja̧ka tjösödinobe, ja̧danö sulabenö ja̧bö, ja̧ka iyawa tjiyinobe. Ja̧danö ja̧kama isabenö wenesa'ye, Dios weina wene wȩyukwa'ye nijinö ikwö loinobe. Okobe jwiinö ja̧ka ja̧o jö̧a̧lima, ösödi̧danö ja̧inobe, ja̧danö bakwo̧bi tjöeba̧lobö jwiinobe.

Apocalipsis 17:17

Jejenö ja̧bö tjö̧jakwedö, Diosma jejenö tjomajade okwanö tjomukwatobö ja̧inobetjö̧. Ja̧danö, jobadö domulataja la'aka luwedöma, wajwitjijayonö, jobuju inia tjöjinö ja̧tjakwa̧ma, Dios ösödi̧da ja̧tjobö tjö̧jakwedö. Ja̧danö, Diosma jobadö tjomajade okwanö tjomukwatobö ja̧inobetjö̧, bakwainö omukwatö, sulabo̧ duwo̧nö kabebö tjö̧wanakwedö, Ökwöda webö kwö̧jo, jö̧ba̧lö. Ja̧danö, Ökwödöma ökwö kwömöayedöduwisa, la'aka luwedöböködösa, jö̧ba̧lö, sulabo̧ duwo̧nö kabebö tjö̧wanakwedö, Diosma jobadö jejenö tjomukwatobö ja̧inobetjö̧. Jejenö ja̧bö tjö̧jakwedö, Dios badedö ujunina möle badekwachenanö baibanö.

Daniel 12:7

Abebö a̧ja̧kwökwe, ojwe wame jo̧ otiwado̧ dewado̧ 'dubawo̧ma, ömamiju kaebinobe mölejȩbekwö, ja̧danö yöa̧linobe: Ba̧kwȩlö̧jatebö Jo̧ Dios öba a'otjö ja̧nö, baikwö isabenö wene yötawakwö: Ja̧ jawama wa̧pötakwa o̧biya ja'ö baledibanö baledakobe. Jau, Dios ömöledö usula tjemawinö isabenö ja̧tja̧kobe Daniel, isabenö Dios ömöledö jejenö usula tjemawobö ja̧kobe, okobe jwiinö ja̧ yötawja̧ jawa baledenanö kabatö— jö̧ba̧lö atadinobe.

Daniel 7:25

Ju'wibi jo̧bama sulabenö Diosnö yöa̧lakobe, ja̧danö Diosnö ösödadönö sulabenö ja̧akobe, usula tjemawinö. Ja̧danö Dios weina pjiesta jawa möle balewö loobö isakwakobe, ja̧danö Dios jojodönö wei̧bi balewö lobö wainö weobö isakwakobe. Ja̧danö Diosma weakobe, wa̧pötakwa o̧biabi, ju'wi o̧ba ja'öbi Diosnö ösödadönö ujuluwobö.

Apocalipsis 19:2

Dios lȩebi̧ma otiwanö, jweinö omukwatö lȩbebo̧. Ja̧danö, Babilonia, jelo̧ jelo̧nö ju̧junö wanekwachemi tjo̧wi̧ lȩebajabe. Jobema, jelo̧ jelo̧nö ju̧ju sulabenö ja̧ji̧danö baibinemi, böjȩnö ju̧kwadönö jobujunö tjö̧jotö jö̧ba̧lö öbibö. Ja̧danö, Diosma iteda ömöayedönö, tjökwösobu ebawinö kwabawö lobinadönö balekwa mikwa iyö lȩebajabe.

Apocalipsis 17:6

Ja̧danö, jobujunö edö, Dukwachokodanö bu̧ju, jö̧ba̧lö, chomukwatijatö. Chedemi, Bisuma Dios ömöledö babibinadö, Jesúsnö tjösödi̧ yötjawobetjö̧ kwabawö lotjinawö̧ tjökwösobutjöda owö 'dukwachokodanö bu̧ju, jö̧ba̧lö, chomukwatijatö. Jobujunö edinö, ¡Ayö! jö̧ba̧lö, chöbajale jalaka ja̧nö cheda̧lijatö.

Daniel 8:10

Ja̧danö jwiinö juluwinobe ja̧kama, mölejȩbe la̧jadökwö ölakwabikwawenanö kabatö, ja̧danö mölejȩbe la̧jadökwö ölakwabikwawö, jobadötjö ju'wedönö mölejȩbetjö töbebö loinobekwö chedijatö, nijinö metjenanö baibanö, ja̧danö mebajadönö ja̧tö loinobe.

Apocalipsis 16:6

Bidö lȩkebawö̧ma, ökwö kwömöledö babibinadönö kwabö lobinadö. Ja̧danö, ökwö yökawi̧ yöbawinadönö kwabö lobinadö. Yelösöda, bidö lȩkebawö̧ma, ökwö kwömöledönö tjökwösobu ebawinö kwabö lobinadö. Jo̧kwaobetjö̧, ökwöma otiwanö balekwa mikwa ja̧köbajabe jobadönöma, tjökwösobuda tjowobö— ángel Diosnö yöa̧lobe cha̧ja̧kwijatö.

Daniel 8:11

Ja̧kama juluwo̧sa̧ jö̧ba̧lö omukwatinobe, mölejȩbe ju̧kwadö ángelesdö la'aka tjuluwo̧ Diosdanöjo̧sa jö̧ba̧lö omukwatinobe. Ja̧danö, jejenö omukwatö, möletenia Diosnö iyawa katjatibobö weinobe, ja̧danö Diosnö iyawemi sulamachibanö ja̧inobe.

Daniel 8:23

Ja̧danö, jobadö yöbawö webö tjö̧benama jojodöma jwiinö sulabenö ja̧bö tjö̧jakobe, ja̧danö Dios jobadönö lȩebobö ja̧kobe. Jo̧kwaijayonö, yöbawö wetji̧ 'dö̧ibakwa̧ abönö, la'aka luwo̧ bakwo̧ itebotjö jelo̧ öbamatakobe, la'aka luwo̧ baibanö. Jo̧bama juluwo̧sa jö̧ba̧lö omukwatakobe, ja̧danö jwiinö labo̧ ö̧jakobe, ja̧danö omöna yöba̧lo̧ ö̧jakobe.

Daniel 11:23

Ja̧danö ju'wedö luwedökwö bakobe pjabatakwawö tjö̧ja̧kwa̧ yöbawö ujunakobe jo̧ba Siria la'aka luwo̧ma, jo̧kwaijayonö omöna yöa̧lakobe, waapjima ichö ujuluwökakobe, kwömöledöso̧sa̧ jö̧ba̧lö, omöna yöba̧lö suli̧ öwaedakobe. Ja̧danö ömöledö tjöba̧jekwachököjayonö, jwiinö juluwo̧ baibakobe.