Daniel 8:20 - Dios Iwene

²⁰ Ja̧danö, obejaso̧ kwedajökwema, i'yeka dökalataja juna̧lo̧nöma baikwö labebö lobö yötawakwö: Ja̧ dökalataja badekwachi̧ma Media niji la'aka luwo̧nöbi, Persia niji la'aka luwo̧nöbi badekwachobe.

Daniel 8:20 Referans Kwoze

Daniel 8:3

Ja̧danö, jobe ja̧nö möakwö chedijatö, ja̧danö obejaso̧ nöbo̧nö chedijatö, ojwe ö'öbö jo̧nö. Jo̧ba obejaso̧ma, i'yeka dökalataja ujuna̧linobe, nöakama, jo̧kwaijayonö bakwakama jelekatjö bajalekwönönö ödöaka ji̧nobe. Ja̧kama jeleka laebaja̧ ikena laebijayonö, ajayi laebaja̧katjö bajalekwönönö ödöaka baibanö laebinobe.

Daniel 8:21

Ja̧danö chiwoso̧ kwedajökwema, Grecia la'aka luwo̧nö badekwachobe. Ja̧danö, öbajalebiya 'da̧desaka nöaka i'yekama, Grecia la'aka luwo̧ ajayi luwo̧nö badekwachobe.

Daniel 2:39

Ja̧danö ökwö la'aka luwo̧ kwöja̧ja okobe, ju'wedötjö jelo̧ inesö la'aka luwo̧ öbamatakobe. Jo̧bama inesö la'aka luwo̧ öjijayonö ökwö kwujuluwi̧danöma ujuluwökakobe. Ja̧danö o̧'wo̧ jawa kwedinökwe platatjö otikwi̧ma, jo̧ba inesö la'aka luwo̧ ö̧jakwa̧ badekwachobe. Ja̧danö jo̧ba ömöledö luwedö tjö̧ji̧ okobe, ju'wedötjö jelo̧ öbamatakobe böjȩ bakwameachibanö jojodö la'aka tjuluwo̧ baibanö, ja̧danö broncetjö otikwi̧ma jo̧ba ö̧jakwa̧ badekwachobe.

Daniel 5:28

Ja̧danö Parsin jö̧ba̧löma, 'da̧'yö ujunajabe jö̧ba̧lö. Jejenö laebi̧ma, yöbawö weköbi̧ niji Diosma 'da̧'yö ujunajabe, ja̧danö ja'ö medo tjitebo jojodö wetjakobe, ja̧danö ja'ö perso jojodö wetjakobe, jö̧ba̧lö yöawinobe Danielma Belsasarnö.