Daniel 8:18 - Dios Iwene

¹⁸ Ötjönö Gabriel mikwo̧ ángel yöa̧lenama, 'dö̧tachibijatö, chöba nijakwö bamatö. Jo̧kwaijayonö, ötjönö mabö a̧lapedinobe.

Daniel 8:18 Referans Kwoze

Daniel 10:18

Jejenö yöta̧liökwe, jojodanö ichejekwo̧ma yemidanö ötjönö mainobe, ja̧danö chujuluwachibanö pjaatinobe.

Lucas 9:32

Ajayinöma Pedrobi, ju'wedöbi jobadö Jesúskwö yötja̧lakwawobe tjedinokobe, Jesús Diosnö aebonö bö̧ti̧tjö tjabibajobetjö̧. Jo̧kwaijayonö, ina yötja̧lakwawonö wilutjinobe Pedrobi ju'wedöbi, ja̧danö wilubö tjedinobe, Jesús dejatinö ujulubi, jo̧bakwö du̧ju̧taja yöba̧lakwawadönöbi.

Daniel 10:16

Jejenö chiwene jwiökwe, bakwo̧ jojodanö ichejekwo̧ma cha̧jȩ mainobe. Jejenö maaja̧ ikena, chiwene tjeachajinobe, ja̧danö chabönö jo̧ ángelso̧nö yöta̧lijatö: —Chuluwo̧, chi̧'wi̧didanö chedinobetjö̧, chujulu 'dö̧ibajabe, chi'medawachibajabe, ja̧danö tjö̧bawö chö̧jobe.

Hechos 26:6

Babema chuluwo̧, ökwö kwöba a'otjö chö̧ja, chatadi̧ma kwa̧ja̧kwobö. Ötjöma Dios da'dödöminenö junö yöawina wene chösödobetjö̧, Wobinadö yemidanö tjeachajinö ja̧takwo̧sa, jö̧ba̧lö, wene chösödobetjö̧ judío jojodöma do̧batö tje'ewijatö ötjönöma, kwöba a'otjö tjujunobö, chuluwo̧.

Lucas 22:45

Ja̧danö, Diosnö abebajo̧ a̧laibinobe, ja̧danö öba̧ja̧di̧ waisachadö tjöjobekwö ȩwa̧bijö, öba̧ja̧di̧ waisachadönö edinobe, o̧'wo̧ tjo̧achö abibajadönö.

Daniel 8:27

Jemi ikenama ötjö Danielma jwiinö chime'dawachibijatö, ja̧danö ju'wi mölekwena chö'wöchijatö. Jemi ikenama, a̧laibö la'aka luwo̧ wei̧ yemidanö otidö chö̧jijatö. Jo̧kwaijayonö, yemidanö otidö chö̧jijayonö, chedina jawa omukwatö cho̧'wo̧ tjo̧bekwö chö̧jijatö, ja̧ baledakwa̧ma, diya̧jö jö̧ba̧lö.

Daniel 8:17

Ja̧danö chö̧jobekwö yöne ichibinobe, ja̧danö ichenama, yetaibijatö̧, ja̧danö yebabinö chöba nijakwö chöbamatijatö. Jo̧kwaijayonö yöne ichibö, Gabrielma ötjönö yöa̧linobe: —Jojo, kwöwaisobö jo̧be, kwedaja̧ jawama, 'dö̧ibaji̧ möle baledakwa̧ jawa kwedajabe— jö̧ba̧lö.

Génesis 15:12

Jemi ikenama, ja̧wo̧ meajena Abramma abibijetö, dö̧bachibajo̧danö jwiinö bötisinö abö. Abonö ¡ayö! o̧'wo luwo̧ okwanö isa'wo yȩa'wo isa'wodanö meobedanö meinobe, Abramnö jwiinö yebeabinö.

Apocalipsis 1:17

Ötjöma jo̧banö edinö, ¡Ayö! jö̧ba̧lö, 'dö̧bachibö metji̧danö metijatö nijibe, de'bo'bonö bamatö, jo̧ba ömasapiya la'aka. Jejenö chöbamatiökwe ömamu öwaisobekwöchobesamunö ötjönö tjo̧'omanö mabö yöawijatö: —Yekabi. Ötjöma la'akatjöda ji̧nasa. Ja̧danö, 'dö̧ibajenanö kabatö chö̧jakwo̧sa, chö̧ji̧ma 'dö̧ibajökönö.