Daniel 7:2 - Dios Iwene

² Ötjö Danielma yö̧te chi̧'wi̧dinö chedobekwö chedatö, baikwö: Ja̧wo̧ laebobekwötjöbi, jakwölakwötjöbi, ja̧wo̧ meajobekwötjöbi, jakwölakwötjöbi bakobe jwa̧lȩ'epjo jwa̧le'ewinobe. Ja̧danö jelobetjöbi jelobetjöbi jejenö jwa̧lȩ'ewobetjö̧, jwaibalawama wiwokwachibö jalachajinobe.

Daniel 7:2 Referans Kwoze

Apocalipsis 7:1

Ikenama ángelesdö ö'wejemu luwanö chedijatö, böjȩ ö'wejemu jawa 'do̧'do̧kwetenia bakwo̧nökwena ja̧dönö. Bakwo̧, ja̧wo̧ ichobekwöbi, jelo̧ma ja̧wo̧ meajobekwöbi, jelo̧ma ja̧wo̧ ichobe u'dakwöbi, jelo̧ma ja̧wo̧ ichobe a̧li̧kwöbi ja̧dönö chedijatö. Jobadöma, bakwo̧nökwena, böjȩ sulabenö baledinö jwa̧lȩ'epjo tjöbeba̧lö tjö̧jobe chedijatö, böjȩnö jwa̧lȩ'ewökönö. Ja̧danö, böjȩnöbi, ojwenöbi, towibiyabi yelösöda sulabenö jwa̧lȩ'ewökönö, jwa̧lȩ'epjo tjöbeba̧lö tjö̧jobe chedijatö.

Apocalipsis 17:15

Ina yöawijatö ötjönöma: —Ojwebiya ba̧jekwi̧ ödö kwedaja̧, isuju jelo̧ jelo̧nö juju ö'öbönö jö̧bena ojwebiya kwedaja̧, jojodönöda wanekwachobe, böjȩ okobe jwiinö ju̧kwadö jojodö, jelobebi, jelobe ju̧kwadönö, wainökwena tjiwene yöba̧ladönö.

Mateo 24:31

Ja̧danö asabikwawa jawa trompeta labinö ökwöakobe, ja̧danö chömöayedö ángelesdönö wetocha, böjȩ bakwameachibanö 'ya̧nö, omudawö chujuninawö̧nö ko̧ko̧dö tjichejebobö.

Daniel 2:19

Ja̧danö, jejenö atjebiökwe, iya̧da yö̧te Diosma Danielnö i̧'wididanö i̧sebinobe Nabucodonosor i̧'wi̧dikwina jawabi, labebö loawabi. Ja̧danö jejenö i̧sebiökwe, Danielma Diosnö ösödinobe, isabenö otiwo̧ja jö̧ba̧lö,

Daniel 7:7

Ja̧danö jemi ikenama jelo̧nöbi chedatö, ju'wedötjö bajalekwönönö juluwo̧nö, ja̧danö nöinö yetjaibökwe jwiinö labo̧nö. Jo̧ba o'yema 'dii jawatjö otikwo'ye ujuna̧linobe aanö, ja̧danö ju'wedönö yö̧bö libawö loinobe, ja̧danö 'delachajinö kwainobe, ja̧danö ji̧bajadönö ömasapiyanö ja̧tö loinobe. Jo̧bama jo̧batjö ajayinö jwaibalawatjö labebajadötjö jwiinö wainö ichejekwo̧ ö̧jinobe, ja̧danö ju'wibi uunö i'yeka domulataja jawaökiya ujuna̧linobe.

Daniel 7:13

Ja̧danö chi̧'wi̧dinö ina cheda̧lonö, ju'wibi chedatö, bakwo̧ ojwio'wokwö mölejȩbetjö jwibacho̧nö chedatö. Jo̧ba mölejȩbetjö jwibacho̧ma, jojoso̧ ichejekwinobe, ja̧danö jo̧banö ichejebö, Ajayitjö ji̧na Dios öba a'o tji̧sebinobe Diosnö.

Daniel 8:2

Ja̧ chi̧'wi̧didanö chedinama, baikwö yötawa: Chi̧'wi̧dinö Elam niji la'aka comunidad Susa comunidad chö̧jijatö, ja̧danö Ulai mikwödö ojwe ö'öbö chö̧jijatö.

Daniel 8:8

Ja̧danö ajayitjö bajalekwönönö jwiinö juluwo̧ baibinobe chiwoso̧ma, jo̧kwaijayonö juluwo̧ ö̧jemi ja'ötjö, i'yeka nöaka ujuna̧lakama paibinobe. Ja̧danö ajayinö jaka jinemi, ö'wejemu jawaökiya ökiyawi̧ laebinobe, jawo̧ laebobekwö bakwakabi, jakwölakwö bakwakabi, jawo̧ meajobekwö bakwakabi, jakwölakwö bakwakabi.

Daniel 11:4

Jo̧kwaijayonö, jwiinö juluwo̧ ö̧jenama, ö'wö baibakobe, ja̧danö jo̧ba yöbawö ö̧jaja̧ma, 'da̧'yö tjujunakobe, ö'wejemubedö tjitebokwena yöbawö wetjobö, ja̧wo̧ meajobekwö bakwo̧, jakwölakwö bakwo̧, jawo̧ laebobekwö bakwo̧, jakwölakwö bakwo̧. Ja̧danö jobadö ikena yöbawö wetjakwedöma, jo̧ba i̧tji̧muböködö, ja̧danö jo̧ba ujuluwaja̧danöma tjujuluwökakwedö, sule yöbawö weinemi ja'öda wetjobetjö̧.

Isaías 17:12

A̧ja̧kwaduwi chömöledö, ba̧jȩkwadö tjitebokwena jojodö tjichi̧ma, böba ökwöi̧danö ökwöobe, ja̧danö jwaibalawa labinö ökwöi̧danö ökwöobe. Isabenö labinö ökwöobe ju'wedö tjitebokwena ölakwabikwawa jojodö tjichi̧ma, jwaibalawa labinö lobö ökwöi̧danö.