Daniel 7:13 - Dios Iwene

¹³ Ja̧danö chi̧'wi̧dinö ina cheda̧lonö, ju'wibi chedatö, bakwo̧ ojwio'wokwö mölejȩbetjö jwibacho̧nö chedatö. Jo̧ba mölejȩbetjö jwibacho̧ma, jojoso̧ ichejekwinobe, ja̧danö jo̧banö ichejebö, Ajayitjö ji̧na Dios öba a'o tji̧sebinobe Diosnö.

Daniel 7:13 Referans Kwoze

Mateo 26:64

Jejenö weökwe, Jesúsma atadinobe: —Jau, ökwöda yöka̧laja̧danö jo̧be. Ja̧danö, baikwö yötawaduwakwö: Tupakwö ötjö jojo baibanö jeminökwenö kwedaduwakwedöja, okobe jwiinö juluwo̧ Dios öwaisobekwöchobe chö̧bobema, ja̧danö mölejȩbetjö ojwiyo'wonö chichobe kwedaduwakwedöja— jö̧ba̧lö atadinobe.

Apocalipsis 1:7

A̧ja̧kwaduwitjö, Jesucristo yemidanö ichakwa̧ wenema: Jesucristoma yemidanö ichakobe ojwiyo'wonö, okobe deinö tjedinö. Okobe deinö jo̧banö inia tjöinö tibatinadöma, jo̧ba ichobema tjedakwedö. Ja̧danö, böjȩ bakwameachibanö, okobe deinö bakwasokwena ju̧kwadö, Jesúsnö öpöjödadöma, jo̧ba ichobe edö yebabinö tjubudekwakwedö, jo̧ba lȩebakwa̧ omukwatö, jö̧ba̧lö laebobe Dios iwenetjö. Jau, chömöledö, biya̧ Dios iwenetjö yötawi̧ma isabenö baledakobe, Jesús yemidanö ichenama.

Lucas 21:27

ja̧danö jemi ikenama ötjö jojo baibanö jeminökwenö ojwiyo'wonö chichobe tjedakobe, inesö salöinö dejatinö juluwo̧ chichobe tjedakobe, ja̧danö jejenö edö jwiinö yetjaibakobe böjȩ jojodöma.

Apocalipsis 14:14

Ikenama chedemi ojwiyo'wo dewa'wo chedijatö. Ja̧danö, jojodanöso̧nö chedijatö, ja'wonö lo̧nöma. Jo̧bama butjawaka orotjö otikwaka, butjawo̧. Ja̧danö, kwölöte'o, akwaka'o, batjo junawa wiawa'o do̧ba̧lö lo̧, ojwiyo'wo dewa'wonö.

Mateo 24:30

Ikenama ötjö jojo baibanö jeminökwe chichakwa̧ i̧sebi̧ jawama mölejȩbetjö öwawakobe. Ja̧danö ötjö jojo baibanö jeminökwe mölejȩbetjö ojwiyo'wonö chichobe edö, ötjö jwiinö juluwo̧ ja̧danö salöinö dejato̧ chichobe edö, tjitebokwena ju̧kwadötjö ötjönö öpöjödadöma nöinö tjubudekwabikobe.

Marcos 13:26

Jejenö baibena ötjö, jojo baibanö jeminökwema chujulunö dewinö dejatinö ojwiyo'wonö chichakobe. Ja̧danö, jojodöma ötjö chichobe tjedakwedö.

Mateo 25:31

Tupakwö yöawinobe Jesúsma: —Ötjö jojo baibanö jeminökwema, yemidanö chichocha, ja̧danö chichenama, dejatinö chujulunö okobe deinö chömöayedö ángelesdökwö chichocha, inesö la'aka luwo̧ batibanö. Ja̧danö, wa̧kwawaka inesö salöinö dewakanö chöbamatocha,

Juan 3:13

¿Dakwö tjöwaisobö jojodöma, mölejȩ tjö̧ji̧ jawa? Jojodötjö bakwo̧bi deobe böjȩnö jo̧ma, mölejȩbe kabekwachajinama. Isabenö yötawa. Ötjö, mölejȩbetjö weinökwe, jojo baibanö jeminökweda mölejȩbe katekwachajakwo̧ma— yöawinobe Jesúsma Nicodemonöma. Ina yöawinobe:

Apocalipsis 1:13

Ja̧danö, la̧pa̧la̧yu̧bi̧ya junawa o'di̧ju 'da̧detjö bakwo̧nö chedijatö, jojodajajo̧nö. Jo̧bama kamijido̧ ödöado̧ 'dubawo̧. Ja̧do̧ wamema, omukonö kamijido̧ duwapjaado̧, orodanö ichekwado̧ di̧batakwawo̧.

Mateo 13:41

ötjö jojo baibanö jeminökwema chömöayedö ángelesdönö wetocha. Ja̧danö, jobadöma yöbawö wetena jojodötjö okobe deinö jojodö sulabenö ja̧tjobö ja̧badönöbi, okobe deinö ju'wedö sulabenö ja̧badönöbi ko̧ko̧dö,

Apocalipsis 1:18

Ja̧danö, ötjödasa ba̧kwȩlö̧jatebö jo̧ma. Wotinajayonö edi, 'yaba̧lo̧sa. Ötjöma wobajaletjö tjetachajinobetjö̧ ba̧kwȩlö̧jatebö 'yaba̧lo̧sa. Yemidanöma wobö̧kö̧sa. Wanedö yötawa: Ötjöma wobajale uluwo̧danö webo̧sa, wobajaletjö o̧penönö juluwo̧chobetjö̧. Ja̧danö, wobajale uluwo̧danö chö̧jobetjö̧ ötjödasa wobinadö tjö̧bajemi yawepi̧ juna̧lo̧ma. Ja̧danö, wobinadö jobetjö latjebobö po̧beböbi po̧bebo̧sa. Ja̧danö, latjebokobö yö̧beböbi yö̧bebo̧sa— jejenö wanedö yöawijatö ötjönöma, Ötjödasa wobajale webo̧ma, jö̧ba̧lö.

Hechos 7:56

Ikenama Estebanma jö̧ba̧lijetö: —Edi. Mölejȩ kȩachajobe chedemi jojo baibanö jeminökwe Jesúsma, Dios öwaisobekwöchobe ö̧jobe— jö̧ba̧lö.

Hebreos 9:24

Chömöledö, Cristoma böjȩtjö jojodö tjotidinejutjö jwiinö inesösȩko̧nö teachinokobe. Jo̧bama teachinokobe wanekwachejunö, Dios mölejȩbe inesö ejunö wanekwachejunöma. Cristoma, Dios mölejȩbe inesö ejunöda teachinobe, ökwödönö pjaatobö. Ja̧danö, Dios mölejȩbe inesö eju tebachinama, Dios öba a'o ja̧nö Diosnö aebobe ökwödönöma.

Daniel 7:22

Ja'yubenö lekwe Diosnö ösödadönö ujuluwinobe, bajaleapo Ajayitjö ji̧na Dios ichibö, itenöda ösödadönö pjabatö tebonö jo̧nö lȩebenanö kabatö. Ja̧danö bajalianö Diosnö ösödadö yöbawö webadö batjibobe chedatö. Jobekwö chedaja̧ma, ¿taji jö̧ba̧lö chedaja̧da? Labebö loköbobö chösöda— jö̧ba̧lö abebö cha̧ja̧kwatö.

Lucas 21:36

Jau chömöledö, ökwödöma ba̧kwȩlö̧jatebö eda̧lö ja̧nö Diosnö akebaduwo kwujuluwachibaduwanö pjaatobö, yötawaja̧ baledakwa̧ jawa baledenama, otiwanö kwöbaledaduwakobetjö̧, ja̧danö baledajadö ötjö jojo baibanö jeminökwe chöba a'otjö otiwanö kwö̧jaduwakobetjö̧— jö̧ba̧lö yöawinobe Jesúsma.

Hebreos 2:14

Ja̧danö chömöledö, ökwödö Dios ju'wedö i̧tji̧mu ötjabiwö̧ma jojodödasa. Diteba'obi dökwösobubi juna̧ladösa. Ja̧danö, woba jojodösa. Jo̧kwaobetjö̧ Jesúsbi, ökwödönö pjaatobö jojoda baibanö öbötjachinobe ökwödö woba jojodödanö. Isabenö Dios Itji̧ma jojoda öbötjachinobe woobö ökwödö dusula dumusidi̧ midawö. Ja̧danö, jo̧bama dumusidi̧ midawö woenama Awetjanö ujuluwinobe. Jo̧ba Awetjama yelösöda juluwo̧ jojodönö Diostjö 'da̧bachibö wotjobö öibobö. Jo̧kwaijayonö Jesúsma jo̧banö ujuluwinobetjö̧ Dios i̧tji̧mu babibinadönö Diostjö 'da̧bachibö wotjobö öbibökö. Chömöledö jo̧ba Awetjama ujulu jwibo̧ ökwödö Jesúsnö do̧batö eminadönö öibobö, Diostjö 'da̧bachibö wodoböma.

1 Timoteo 6:16

Jo̧bada ba̧kwȩlö̧jatebö jo̧ma, ja̧danö dewinö jojodö tjichibökenanö salöinö dewinö jo̧. Jo̧bama la'akatjöda jojodö tjedökökwe, ja̧danö jo̧banö jojodö tjedoböma jwibadö. Jo̧banöda dösödobö jo̧be, otiwo̧ja jö̧ba̧lö, ja̧danö jo̧bada ba̧kwȩlö̧jatebö inesö la'aka luwo̧ ö̧jobö jo̧be, jejenö otiwa.

Daniel 7:9

Ja̧danö, ina cheda̧lonö, ju'wibi la'aka luwedö tjö̧ba̧kwaökiya tjujunobe chedatö, ja̧danö ajayitjö ji̧na Diosma tebachö öbamatobe chedatö. Jo̧ba ökamijido̧ma jwiinö bakwainö dewado̧ chedatö, ja̧danö öwö'yema, obeja öwö'yedanö bakwainö dewa'ye chedatö. Ja̧danö, iteaka ba̧kwawaka chedatö, kolukasa'o ja̧kama, ja̧danö iteaka ökwölanö ubobe chedatö, ja̧danö iteaka kolukasa'o ubobe chedatö.

Juan 12:34

Jejenö yöawawö̧ jojodöma: —¿Dakwö yökawa, towisa'onö bȩbö tjujunakwo̧sa, jö̧ba̧löma? Damötjö wȩyudinadöma jejenöma tjiwȩyudinokobe Dios weakwo̧nö, jojodö tjö̧jibinö pjaatobö weakwo̧nöma. Jejenömaökö. Dios weakwo̧ma ba̧kwȩlö̧jatebö ö̧jakwo̧, jö̧ba̧lö, tjiwȩyudinobe. Jo̧kwaobetjö̧ ¿dakwö yökawa jojo babibö jeminökwenöma?— abebö tja̧ja̧kwinobe Jesúsnöma.

Juan 5:27

Dios, ötjö Chabe'doma, ötjönö kabebö öwaninobe jojodönö lȩtebobö. Ötjöma, jojo baibanö jeminökwechobetjö̧ Chabe'doma ötjönö kabebö öwaninobe jojodönö lȩtebobö.

Mateo 8:20

Jejenö yöa̧lökwe, Jesúsma atadinobe: —Chömöledöso̧, ötjöma cheju jwibo̧sa. Yo̧lo̧ko̧döma laju sobö tjabakwemi juna̧ladö, ja̧danö pji̧yu̧ma, tja'di̧ju juna̧ladö. Jobadö tjabakwemi tjujuna̧li̧danöma chujuna̧lökö chömöledöso̧. Ötjö jojo baibanö jeminökwema chabakwemi jwibo̧sa. ¿Isabenö chökömanö kwichobö jö̧ka̧liji̧, kwabakwemi jwibo̧ bakibanö?— jö̧ba̧lö atadinobe.

Mateo 28:18

Ikenama Jesúsma jobadö tjö̧jobekwö ichö yöawinobe: —Mölejȩtjöbi, böjȩtjöbi okobe deinö la'aka tjuluwo̧ batibanö ja̧ajabe Diosma,

Lucas 24:27

Ja̧danö jemi ikenama Moisés iwȩyudinatjö jamatö, okobe jwiinö ju'wedö Dios yöawi̧ yöbawinadö Dios weakwo̧ jö̧a̧linökwenö tjiwȩyudinakwö bajalenö, okobe jwiinö Dios weakwo̧ jö̧a̧linökwenö tjiwȩyudina jawa labebö lobö yöawinobe, tjiwȩyudinama baikwö badekwachobe jö̧ba̧lö. Jejenö labebö lobö öwaetjöda i̧sebinobe, Jesúsnö baledinama jwaikwöda ajayinö tjiwȩyudinadanöda badekwachinobe jö̧ba̧lö.

1 Tesalonicenses 4:17

Jemi ikenama ökwödö ina 'yaba̧ladöbi kadekwajachakobe, ja̧danö ja'ö ojwiyo'woelö jobadökwöbi, Duluwo̧kwöbi bakobe dediakwawakobe, ja̧danö jemi tupakwö ba̧kwȩlö̧jatebö Duluwo̧kwö dö̧jakwedösa.

Daniel 7:2

Ötjö Danielma yö̧te chi̧'wi̧dinö chedobekwö chedatö, baikwö: Ja̧wo̧ laebobekwötjöbi, jakwölakwötjöbi, ja̧wo̧ meajobekwötjöbi, jakwölakwötjöbi bakobe jwa̧lȩ'epjo jwa̧le'ewinobe. Ja̧danö jelobetjöbi jelobetjöbi jejenö jwa̧lȩ'ewobetjö̧, jwaibalawama wiwokwachibö jalachajinobe.

Daniel 7:12

Ja̧danö ju'wibi chedatö, ju'wedö ajayinö jwaibalawatjö labebajadö tebonö ju̧kwadö tjujulu 'dötjebobe chedatö. Jo̧kwaijayonö, tjujulu 'dötjebijayonö, juluwanö jobadönö kwabö lotjökötö bajaleapo labebajo̧ tebonö jo̧nö kwabö lotjidanö. Tjujulu 'dötjebijayonö, ina ja'yubenö tjöjobö ji̧nobe, Dios badedö ujunina möle badekwachenanö kabatö.

Daniel 8:15

Jejenö chi̧'wi̧dinö edajo̧, ötjö Danielma ja̧ laebi̧ chöwaisobö chomukwatijatö, chedaja̧ma dakwö jö̧ba̧lö chedaja̧jö jö̧ba̧lö. Ja̧danö jejenö chomukwatemi, bakwo̧ chöba a'o öwawachö ö̧jinobe, jojodanö ichejekwo̧ma.

Daniel 2:44

Ja̧danö, jobadö tjö̧jakwa̧ möle, mölejȩbe jo̧ Diosma bakwo̧nö ujunakobe, inesö la'aka luwo̧ baibanö, ja̧danö jo̧ba yöbawö ö̧jakwa̧ma la'akatjöda 'dö̧ibökakobe. Bakwo̧bi jo̧banö ujuluwökakobe, ja̧danö jo̧ba ömöledöböködöma la'akatjöda jo̧ba yöbawö ö̧jemi balewö lotjökakwedö, öpöjojodöda webö tjö̧jobö. Jo̧bama okobe deinö jo̧batjö ajayinö ji̧nadö la'aka luwedöbinadö yöbawö tjö̧jinama söbebö loakobe, ja̧danö jo̧ba yöbawö ö̧jakwa̧ma ba̧kwȩlö̧jatebö ja̧kobe.